Just In
- 10 min ago 20 വര്ഷത്തിന് ശേഷം ലംബോര്ഗിനി മാറ്റിയ ലോഗോ കണ്ടോ? ഒരമ്മ പെറ്റ അളിയന്മാരെന്നേ പറയൂ...
- 1 hr ago പുതിയത് അങ്ങനെയാരും വാങ്ങുന്നില്ല, പക്ഷേ സെക്കൻഡ് ഹാൻഡ് വിപണിയിൽ ഈ കാർ വാങ്ങാൻ ലേഡീസിന്റെ കൂട്ടിയിടി
- 2 hrs ago വൈബ്രേഷനില്ലാതെ കംഫര്ട്ട് ഓഫ്റോഡിംഗ്! ഇന്ത്യ കാത്തിരുന്ന അഡ്വഞ്ചര് ബൈക്കിന്റെ വില പ്രഖ്യാപിച്ച് സുസുക്കി
- 2 hrs ago ഉഷ്ണം ഉച്ചിയിൽ അടിക്കേണ്ട! കൊടും ചൂടിൽ ഓട്ടോമാറ്റിക് എസിയുമായി വരുന്ന ബജറ്റ് എസ്യുവികൾ ഇവയൊക്കെ
Don't Miss
- Lifestyle ആഗ്രഹങ്ങളും ലക്ഷ്യങ്ങളും സാധിക്കും; ഈ സൂര്യ ഗ്രഹണം അതിനുള്ള അപൂര്വ്വ അവസരം
- Technology കൈയിലെ ചെറുവിരലിന് ഒരു വളവ് ഉണ്ടോ എന്ന് നോക്കൂ! ഭയപ്പെടുത്തി 'ഐഫോൺ ഫിംഗർ', വീഡിയോ ഇതാ
- Finance എസ്ബിഐ അടക്കം മൂന്ന് ഓഹരികൾ വാങ്ങാം, നേട്ടം 25% വരെയാണ്, കൂടെക്കൂട്ടുന്നോ...
- News 'ചതിച്ചല്ലോ പൊന്നേ'; ഹൃദയം തകർത്ത് സ്വർണ വില, പവന് അരലക്ഷം തൊട്ടു, വില വിവരങ്ങൾ ഇങ്ങനെ
- Sports IPL 2024: ജ്യോത്സ്യനാണോ? ഒരു ഓവറില് നാല് സിക്സ് അടിക്കുമെന്ന് പ്രവചിച്ച പരാഗ്; പഴയ ട്വീറ്റ് കുത്തിപ്പൊക്കി
- Movies 'അയാൾ അറിഞ്ഞുകൊണ്ട് സൗകര്യം ചെയ്യുന്നതുപോലെ തോന്നി, പരാതിപ്പെട്ടിട്ടും പുല്ലുവിലയാണ് തന്നത്'; ആലീസ്
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
പുതിയ ഹാരിയറില് നിന്നും ഫ്ളാഗ്ഷിപ്പ് പട്ടം തിരിച്ചു പിടിച്ച് ടാറ്റ ഹെക്സ
പുതിയ ടാറ്റ ഹാരിയറില് നിന്നും ഫ്ളാഗ്ഷിപ്പ് പട്ടം ഹെക്സ തിരിച്ചു പിടിച്ചു. ഹാരിയര് വില്പ്പനയ്ക്കു എത്തിയതിന്റെ പിന്നാലെ ഹെക്സയുടെ വില ടാറ്റ കൂട്ടി. 12.99 ലക്ഷം രൂപ മുതലാണ് ഇനി ഹെക്സയുടെ വില. മോഡലിന് 42,000 രൂപയോളം വില വര്ധിച്ചു. മുമ്പ് 12.57 ലക്ഷം രൂപ മുതലായിരുന്നു എസ്യുവിക്ക് വില. ഇതോടെ വീണ്ടും ഹെക്സയായി ടാറ്റയുടെ ഏറ്റവും വിലകൂടിയ എസ്യുവി.
12.69 ലക്ഷം രൂപ പ്രാരംഭ വിലയില് കടന്നുവന്ന ഹാരിയര് ഏതാനും ദിവസങ്ങള് മാത്രമെ ഫ്ളാഗ്ഷിപ്പ് മോഡലായി അറിയപ്പെട്ടുള്ളൂ. ഹെക്സയുടെ XE, XM/XMA, XM പ്ലസ്, XT/XTA, XT 4X4 മോഡലുകളില് വിലവര്ധനവ് പ്രാബല്യത്തില് വരും. ഇതില് പ്രാരംഭ XE വകഭേദത്തിന് മാത്രമാണ് 42,000 രൂപ കൂടുക.
ബാക്കി മോഡലുകള്ക്ക് മുഴുവന് 19,505 രൂപ വര്ധിക്കും. ഏറ്റവും ഉയര്ന്ന ഹെക്സ XT മോഡല് 18.16 ലക്ഷം രൂപയ്ക്കാണ് ഷോറൂമുകളിലെത്തുക. വിലകള് ദില്ലി ഷോറൂം അടിസ്ഥാനപ്പെടുത്തി. പുതിയ നടപടിയുടെ പശ്ചാത്തലത്തില് ഹാരിയറിന് മുകളില് ഏഴു സീറ്റര് ഹെക്സ നിലകൊള്ളും.
എന്നാല് ഹാരിയറിന്റെ ഏഴു സീറ്റര് പതിപ്പ് വരുന്നതുവരെ മാത്രമായിരിക്കും ഫ്ളാഗ്ഷിപ്പ് മോഡലായി ഹെക്സ തുടരുക. പുതുതലമുറ ലൈഫ്സ്റ്റൈല് എസ്യുവികളുടെ ഗണത്തിലാണ് ഹാരിയര് പെടുന്നത്. ഹെക്സ അറിയപ്പെടുന്നത് ഫാമിലി എസ്യുവിയായും.
4,788 mm നീളവും 1,903 mm വീതിയും 1,791 mm ഉയരവും ഹെക്സയ്ക്കുണ്ട്. വീല്ബേസ് 2,850 mm. ഗ്രൗണ്ട് ക്ലിയറന്സ് 200 mm. ഹെക്സ വകഭേദങ്ങള് മുഴുവന് ഏഴു സീറ്റര് ഘടനയിലാണ് വില്പ്പനയ്ക്ക് വരുന്നത്. കൂട്ടത്തില് XT/XTA, XT 4X4 മോഡലുകള്ക്ക് ഓപ്ഷനല് ആറു സീറ്റര് പതിപ്പുമുണ്ട് നിരയില്.
2.2 ലിറ്റര് ഡീസല് എഞ്ചിനാണ് ഹെക്സയുടെ ഹൃദയം. വരിക്കോര് 320, വരിക്കോര് 400 എന്നിങ്ങനെ രണ്ടു ട്യൂണിംഗ് നിലകളില് എഞ്ചിന് പതിപ്പുകള് തിരഞ്ഞെടുക്കാം. 150 bhp കരുത്തും 320 Nm torque ഉം വരിക്കോര് 320 എഞ്ചിന് പരമാവധി സൃഷ്ടിക്കാനാവും.
Most Read: മൈലേജല്ല, സുരക്ഷയാണ് പ്രധാനം — മാരുതിക്ക് ടാറ്റയുടെ മുഖമടച്ച മറുപടി
വരിക്കോര് 400 എഞ്ചിന് കുറിക്കുക 156 bhp കരുത്തും 400 Nm torque ഉം. ആറു സ്പീഡ് മാനുവല്, ഓട്ടോമാറ്റിക് ഗിയര്ബോക്സ് ഓപ്ഷനുകള് ഹെക്സയിലുണ്ട്. അതേസമയം 4X4 ഓള് വീല് ഡ്രൈവ് സംവിധാനം മാനുവല് ഗിയര്ബോക്സുള്ള വരിക്കോര് 400 പതിപ്പില് മാത്രമെയുള്ളൂ.
എബിഎസ്, ഇബിഡി, എഞ്ചിന് ഇമൊബിലൈസര്, സെന്ട്രല് ലോക്കിംഗ്, ചൈല്ഡ് സേഫ്റ്റി ലോക്ക്, പവര് ഡോര് ലോക്ക്, ഹെഡ്ലാമ്പ് ബീം അഡ്ജസ്റ്റര്, സൈഡ് എയര്ബാഗുകള്, ബ്രേക്ക് അസിസ്റ്റ്, ഹില് അസിസ്റ്റ്, ഇലക്ട്രോണിക് സ്റ്റബിലിറ്റി പ്രോഗ്രാം, ട്രാക്ഷാന് കണ്ട്രോള് എന്നിങ്ങനെ നീളും ഹെക്സാ വിശേഷങ്ങള്.
19 ഇഞ്ച് വലുപ്പമുള്ള അലോയ് വീലുകളാണ് ഹെക്സ ഉപയോഗിക്കുന്നത്. വിപണിയില് മഹീന്ദ്ര XUV500 ആണ് ഹെക്സയുടെ മുഖ്യ എതിരാളി.