Just In
- 1 hr ago പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
- 3 hrs ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 4 hrs ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- 5 hrs ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
Don't Miss
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- News ഖത്തര് കടുത്ത തീരുമാനത്തിലേക്ക്; പശ്ചിമേഷ്യ കൂടുതല് വെട്ടിലാകും, ഹമാസ് ഓഫീസ് മാറ്റുമെന്ന് സൂചന
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Movies ശോഭനയുടെ പെരുമാറ്റം; ബാലചന്ദ്രമേനോൻ ദേഷ്യപ്പെട്ട് ബിസ്കറ്റ് വലിച്ചെറിഞ്ഞു; അനുഭവങ്ങൾ പങ്കുവെച്ച് വിജി തമ്പി
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Travel വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
2020 ഹോണ്ട സിറ്റി അടുത്ത ആഴ്ച വിപണിയിലേക്ക്
പ്രീമിയം സെഡാൻ വിഭാഗത്തിലെ താരമായ ഹോണ്ട സിറ്റിയുടെ ഏറ്റവും പുതിയ അഞ്ചാംതലമുറ ആവർത്തനം അടുത്ത ആഴ്ച ഇന്ത്യൻ വിപണിയിൽ അരങ്ങേറ്റം കുറിക്കും. കഴിഞ്ഞ വർഷം നവംബറിൽ ആഗോളതലത്തിൽ പുറത്തിറങ്ങിയ മോഡലിനെ മാർച്ച് 16-ന് ആണ് രാജ്യത്ത് അവതരിപ്പിക്കുന്നത്.
കാറിന്റെ മൊത്തത്തിലുള്ള നിലപാട് നിലവിലുള്ള മോഡലിന് സമാനമാണെങ്കിലും കാഴ്ചയിൽ അടിമുടി മാറ്റങ്ങളോടെയാണ് 2020 ഹോണ്ട സിറ്റി ആഭ്യന്തര വിപണിയിലേക്ക് എത്തുന്നത്. അകത്തും പുറത്തും പൂർണമായും മാറ്റങ്ങൾ ഉൾപ്പെടുത്തിയിട്ടുണ്ട്. കട്ടിയുള്ള ക്രോം ഗ്രില്ലിനൊപ്പം പുത്തൻ സിറ്റിക്ക് ആകർഷകമായ എൽഇഡി ഹെഡ്ലാമ്പുകളും ലഭിക്കും.
ഇന്ത്യൻ പതിപ്പ് മോഡലിൽ പുനർരൂപകൽപ്പന ചെയ്ത അലോയ് വീലുകളും ഇടംപിടിക്കും. അതേസമയം മിക്ക ഡിസൈനുകളും നിലനിർത്തിയാകും വാഹനം എത്തുക. പിൻഭാഗത്ത്, പുതിയ സ്ലിം റാപ്എറൗണ്ട് എൽഇഡി ടെയിൽ ലാമ്പുകളും ഒരു ഷാർക്ക് ഫിൻ ആന്റിനയും കാറിൽ കാണാൻ സാധിക്കും.
ഇന്റീരിയറിലേക്ക് നോക്കുമ്പോൾ 2020 സിറ്റിക്ക് സ്മാർട്ട്ഫോൺ കണക്റ്റിവിറ്റിയുള്ള 8 ഇഞ്ച് ടച്ച്സ്ക്രീൻ ഇൻഫോടെയിൻമെന്റ് സിസ്റ്റം ലഭിക്കും. സ്ക്രീൻ എസി വെന്റുകളാൽ ചുറ്റപ്പെട്ടിരിക്കുന്നു. HVAC നിയന്ത്രണങ്ങൾ ഇൻഫോടെയിൻമെൻറ് സിസ്റ്റത്തിന്റെ അടിയിൽ സ്ഥാപിച്ചിരിക്കുന്നതായി കാണാം.
ക്രൂയിസ് കൺട്രോൾ, ഇലക്ട്രിക് സൺറൂഫ്, വെന്റിലേറ്റഡ് ഫ്രണ്ട് സീറ്റുകൾ, വയർലെസ് ചാർജിംഗ് എന്നിവയും അതിലേറെയുമുള്ള സവിശേഷതകളോടെയാണ് കാർ വിപണിയിൽ ഇടംപിടിക്കാൻ ഒരുങ്ങുന്നത്
ഹോണ്ടയുടെ അഞ്ചാം തലമുറ മിഡ്സൈസ് സെഡാന് ബിഎസ്-VI കംപ്ലയിന്റ് 1.5 ലിറ്റർ ഡീസൽ, പെട്രോൾ എഞ്ചിൻ യൂണിറ്റുകൾ ലഭിക്കും. 1.5 ലിറ്റർ പെട്രോൾ യൂണിറ്റ് അടുത്തിടെ വെളിപ്പെടുത്തിയ പ്രിമീയം ഹാച്ച്ബാക്കായ ജാസിൽ ഉൾപ്പെടുത്തിയ ഏറ്റവും പുതിയ മൈൽഡ്-ഹൈബ്രിഡ് സാങ്കേതികവിദ്യയും വാഗ്ദാനം ചെയ്യുമെന്നാണ് ലഭിക്കുന്ന സൂചന.
നിലവിലെ ഹോണ്ട സിറ്റിയിലെ പെട്രോൾ യൂണിറ്റ് പരമാവധി 119 bhp പവറും 145 Nm torque ഉം ആണ് സൃഷ്ടിക്കുന്നത്. 1.5 ലിറ്റർ ഡീസൽ എഞ്ചിൻ 100 bhp കരുത്തിൽ 200 Nm torque ഉത്പാദിപ്പിക്കുന്നു.
ഏറ്റവും പുതിയ മലിനീകരണ മാനദണ്ഡങ്ങൾ പാലിക്കുന്നതിനായി ഇവ രണ്ടും നവീകരിക്കും. സിറ്റിയിലെ ഡീസൽ വകഭേദങ്ങൾക്കും ഹോണ്ട ഇത്തവണ ഓപ്ഷണൽ സിവിടി ഗിയർബോക്സ് ഉൾപ്പെടുത്തിയേക്കാം.
ജാപ്പനീസ് വാഹന നിർമാതാക്കൾ നിലവിൽ സിറ്റിയെ 9.91 ലക്ഷം രൂപയ്ക്കാണ് വിൽപ്പനക്കെത്തിക്കുന്നത്. ഉയർന്ന ഡീസൽ വകഭേദത്തിന് 14.31 ലക്ഷം രൂപയുമാണ് എക്സ്ഷോറൂം വില. അതേസമയം 2020 മോഡൽ രാജ്യത്ത് വിപണിയിലെത്തുമ്പോൾ വിലയിൽ നേരിയ വർധനയുണ്ടാകുമെന്ന് പ്രതീക്ഷിക്കുക.
2020 ഹോണ്ട സിറ്റി വരാനിരിക്കുന്ന ഹ്യുണ്ടായി വേർണ ഫെയ്സ്ലിഫ്റ്റ്, മാരുതി സുസുക്കി സിയാസ്, ടൊയോട്ട യാരിസ്, ഫോക്സ്വാഗണ് വെന്റോ, 1.0 ടിഎസ്ഐ എഞ്ചിൻ സജ്ജീകരിച്ച സ്കോഡ റാപ്പിഡ് തുടങ്ങിയ മോഡലുകൾക്കെതിരെ വിപണിയിൽ മത്സരിക്കും.