ലോക്ക്ഡൗണിന് ശേഷം ബുക്കിംഗ് റദ്ദാക്കൽ ഭീതിയിൽ ഡീലർമാർ

ആദ്യ രണ്ട് ദിവസങ്ങളിൽ കാണുന്ന പ്രവണത അനുസരിച്ച് ബിസിനസ്സ് വീണ്ടും തുറന്നതിനുശേഷവും ഇന്ത്യൻ വാഹന വ്യവസായം ഏറ്റവും മോശം അവസ്ഥയിലേക്കാണ് പോകുന്നത്.

ലോക്ക്ഡൗൺ നടപ്പാക്കുന്നതിന് മുമ്പ് പണമടച്ച വാഹനങ്ങൾ വിതരണം ചെയ്യുന്നത് രാജ്യത്തിന്റെ വിവിധ ഭാഗങ്ങളിലുള്ള കാർ ഡീലർമാർ പുനരാരംഭിച്ചുവെങ്കിലും പുതിയ ഓർഡറുകൾ ലഭിക്കുന്നത് ബുദ്ധിമുട്ടാണ്.

MOST READ: മാരുതി വാഗൺആർ; ഏറ്റവും മികച്ച ബിഎസ് VI സിഎൻജി മോഡൽ

വാസ്തവത്തിൽ ഇടി ഓട്ടോ പുറത്തുവിട്ട റിപ്പോർട്ട് അനുസരിച്ച് വാഹന ഡീലർമാർ വലിയ തോതിൽ ബുക്കിംഗ് ക്യാൻസലേഷൻ അഭിമുഖീകരിക്കുന്നു. ഈ കാലയളവിൽ പ്രതിമാസ EMI -യും മറ്റു ചെലവുകളും കുറയ്ക്കാൻ ഉപയോക്താക്കൾ ശ്രമിക്കുകയാണ്.

മഹാമാരി ഇപ്പോഴും വലിയ മാറ്റമില്ലാതെ തുടരുമ്പോൾ, രാജ്യത്തിന്റെ സമ്പദ്‌വ്യവസ്ഥയെക്കുറിച്ച് അനിശ്ചിതത്വത്തിന്റെ ഒരു അവ്യക്തത നിലനിൽക്കുന്നു, ഇത് സ്വാഭാവികമായും ആളുകളെ പണം ചെലവഴിക്കുന്നതിൽ കൂടുതൽ യാഥാസ്ഥിതികരാക്കുന്നു.

MOST READ: പ്രീമിയം സവിശേഷതകളോടെ 2020 സുസുക്കി സ്വിഫ്റ്റ് സ്പോർട്ട്

വിവിധ മേഘലകളിലെ വ്യാപകമായ പിരിച്ചുവിടലും ശമ്പള വെട്ടിക്കുറവുകളും ജനങ്ങളെ തങ്ങളുടെ സമ്പാദ്യം പരമാവധി വർദ്ധിപ്പിക്കാനും സാമ്പത്തിക തകർച്ച ഒഴിവാക്കാനും ആളുകളെ പ്രേരിപ്പിക്കുന്നു.

ഇതിനാൽ ഏറ്റവും കൂടുതൽ ബാധിക്കപ്പെടുന്ന ഒന്നായിരിക്കുമെന്ന് വാഹന വ്യവസായം എന്ന് തോന്നുന്നു. മഹാമാരിയുടെ രണ്ടാം തരംഗത്തെക്കുറിച്ചുള്ള ഭയം, വാക്‌സിൻ കണ്ടെത്താനുള്ള കാലതാമസം എന്നിവ വിപണിയിൽ ഈ മാന്ദ്യം വർദ്ധിപ്പിക്കുമെന്ന് പ്രതീക്ഷിക്കുന്നു.

MOST READ: ടാക്‌സി കാറുകളില്‍ ഫൈബര്‍ ക്ലിയര്‍ ഗ്ലാസ് പദ്ധതിയുമായി എറണാകുളം ജില്ല

ഇന്ത്യയിലെ പുതിയ കാർ വിൽപ്പനയുടെ 70 ശതമാനത്തിലധികവും കമ്പനികൾ പിന്തുണയുള്ള ധനകാര്യ സ്ഥാപനങ്ങളുടേയോ മികച്ച വായ്പ സ്കീമുകളുള്ള ബാങ്കുകളോ വാഗ്ദാനം ചെയ്യുന്ന ആകർഷകമായ EMI പദ്ധതികളിൽ നിന്നാണ്. അതിനാൽ, വരും മാസങ്ങളിൽ വിൽപ്പന വളരെ മന്ദഗതിയിലാകുമെന്ന് വാഹന ഡീലർമാർ ഭയപ്പെടുന്നു.

വൈറസ് ബാധയ്ക്ക് മുമ്പും ഇന്ത്യൻ വാഹന വിപണി പ്രതിസന്ധിയിലൂടെയാണ് കടന്നുപോയിരുന്നതെന്നും ശ്രദ്ധിക്കേണ്ടതാണ്. ഉപഭോക്തൃ വികാരം ദുർബലമായിരുന്നു, ബി‌എസ് VI എമിഷൻ മാനദണ്ഡങ്ങളിലേക്കുള്ള പരിവർത്തനം മൂലമുണ്ടായ വിലവർദ്ധനവ് കാര്യങ്ങൾ കൂടുതൽ മന്ദീഭവിപ്പിച്ചു.

MOST READ: ഹോട്ട്സ്പോട്ടുകളിലും ആശങ്കയില്ലാതെ ആശയവിനിമയം നടത്താൻ റോബോട്ട് കോപ്പ്

ലോക്ക്ഡൗൺ നീക്കിയതിനുശേഷം കുറച്ച് ദിവസത്തേക്ക് ബി‌എസ് IV വാഹനങ്ങളുടെ വിൽ‌പനയും രജിസ്ട്രേഷനും സർക്കാർ അനുവദിച്ചിരിക്കുന്നു. ഗണ്യമായ കിഴിവുകളോടെ പരസ്യപ്പെടുത്തുന്നതിനാൽ ഉപയോക്താക്കൾ ഇപ്പോഴും ബിഎസ് IV മോഡലുകളിൽ ഗണ്യമായ താൽപര്യം കാണിക്കുന്നുണ്ടെന്നാണ് റിപ്പോർട്ട്.

ബുക്കിംഗുകളുടെ റദ്ദാക്കൽ‌ നിർമ്മാതാക്കളുടെ വാഹന വിഭാഗങ്ങളിലുടനീളം ബാധിക്കുമെന്ന് പ്രതീക്ഷിക്കുന്നു. ലോക്ക്ഡൗണിന് മുമ്പായി വൻ ബുക്കിംഗുകൾ സ്വീകരിച്ചിരിക്കുന്ന കാർ നിർമ്മാതാക്കളാവും ഏറ്റവും കൂടുതൽ ബാധിക്കപ്പെടുന്ന് എന്നാണ് പ്രതീക്ഷിക്കുന്നത്.

സെൽറ്റോസിനായി 50,000 -ത്തിലധികം ബുക്കിംഗുകളുള്ള കിയ, ഹെക്ടറിനും പുതിയ ക്രെറ്റയ്ക്കും യഥാക്രമം 20,000 -ത്തിലധികം ഓർഡറുകൾ നേടിയിട്ടിരിക്കുന്ന എം‌ജി, ഹ്യുണ്ടായി എന്നിവയ്‌ക്ക് വലിയ തിരിച്ചടികൾ നേരിടേണ്ടി വന്നേക്കാം.

വെല്ലുവിളി നിറഞ്ഞ സാഹചര്യങ്ങൾക്കിടയിലും, ഈ മാസം അവസാനത്തോടെ ലോക്ക്ഡൗൺ അവസാനിച്ചുകഴിഞ്ഞാൽ ഷോറൂമുകളിൽ എൻക്വൈറികൾ വർദ്ധിക്കുമെന്ന് ഫെഡറേഷൻ ഓഫ് ഓട്ടോമൊബൈൽ ഡീലേർസ് അസോസിയേഷൻ (FADA) വിശ്വസിക്കുന്നു.

ശുചിത്വവും സുരക്ഷിതവുമായി ഗതാഗത മാർഗ്ഗങ്ങൾക്കായുള്ള അന്വേഷണം സ്വകാര്യ വാഹനങ്ങൾ വാങ്ങുന്നത് പരിഗണിക്കാൻ ഉപഭോക്താക്കളെ പ്രേരിപ്പിക്കുമെന്ന് FADA പ്രതീക്ഷിക്കുന്നു.