Just In
- 3 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 4 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 4 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 5 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Lifestyle മുഖത്തെ കരുവാളിപ്പിന് അടുക്കളക്കൂട്ടില് പെട്ടെന്ന് പരിഹാരം
- Sports IPL 2024: റയാന് പരാഗ് 2.0; വിമര്ശകരുടെ വായടപ്പിച്ച വെടിക്കെട്ട്; രാജസ്ഥാന്റെ രക്ഷകനായി പരാഗ്
- News സാമ്പത്തികനേട്ടങ്ങള് ഉണ്ടാകും, പ്രണയലക്ഷ്യങ്ങള് സാധിക്കും, നിങ്ങളുടെ രാശിഫലം അറിയാം
- Movies ട്രെയിനില് വിശന്നിരുന്ന എനിക്ക് ഭക്ഷണം തന്ന ആ യുവാവ്; സുരേഷ് ഗോപിയെക്കുറിച്ച് മണിയന് പിള്ള രാജു
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ഹോണ്ട അക്കോർഡ് ഹൈബ്രിഡിനോടും ഗുഡ്ബൈ പറഞ്ഞ് ഇന്ത്യ
പുതിയ ബിഎസ്-VI മലിനീകരണ മാനദണ്ഡങ്ങൾ ഏപ്രിൽ ഒന്നിന് രാജ്യത്ത് പ്രബല്യത്തിൽ വന്നതോടെ നിരവധി പ്രധാന മോഡലുകളാണ് ഇന്ത്യൻ വിപണിയോട് വിടപറഞ്ഞത്. ജാപ്പനീസ് നിർമാതാക്കളായ ഹോണ്ടയുടെ നിരയിൽ നിന്ന് പകുതിയോളം മോഡലുകളാണ് നിരത്ത് ഒഴിയുന്നത്.
CR-V, BR-V, ഡീസൽ ഹോണ്ട സിറ്റി, സിവിക് ഡീസൽ തുടങ്ങിയവ ആഭ്യന്തര വിപണിയിൽ നിന്നും പിൻവാങ്ങിയതിനു പിന്നാലെ ബ്രാൻഡിന്റെ മുൻനിര ഓഫറായ അക്കോർഡ് ഹൈബ്രിഡിനെയും ഹോണ്ട നിർത്തലാക്കിയതായി പ്രഖ്യാപിച്ചു. പൂർണമായും ഇറക്കുമതി ചെയ്ത ഒരൊറ്റ വേരിയന്റിലാണ് മുൻനിര സെഡാൻ വാഗ്ദാനം ചെയ്തിരുന്നത്.
43.23 ലക്ഷം രൂപയായിരുന്നു ഹോണ്ട അക്കോർഡ് ഹൈബ്രിഡിന്റെ എക്സ്ഷോറൂം വില. സ്കോഡ സൂപ്പർബ്, ടൊയോട്ട കാമ്രി ഹൈബ്രിഡ് എന്നിവയായിരുന്നു ഇതിന്റെ പ്രധാന എതിരാളികൾ. e-CVT ഗിയർബോക്സിലേക്ക് ജോടിയാക്കിയ രണ്ട് ഇലക്ട്രിക് മോട്ടോറുകളുള്ള ബിഎസ്-IV 2.0 ലിറ്റർ പെട്രോൾ എഞ്ചിനാണ് ആഢംബര സെഡാനിൽ ലഭ്യമായിരുന്നത്.
ഈ ഹൈബ്രിഡ് യൂണിറ്റ് പരമാവധി 215 bhp പവറാണ് ഉത്പാദിപ്പിച്ചിരുന്നത്. ഇലക്ട്രിക് മോട്ടോറുകൾക്ക് കരുത്ത് പകരുന്ന സെഡാനിൽ 1.3 കിലോവാട്ട്സ് ലിഥിയം അയൺ ബാറ്ററി പായ്ക്കും ഹോണ്ട വാഗ്ദാനം ചെയ്തു. ARAI സാക്ഷ്യപ്പെടുത്തിയ 23.1 കിലോമീറ്ററായിരുന്നു വാഹനത്തിന്റെ ഇന്ധനക്ഷമത എന്നതും നിരവധി ആളുകളെ അക്കോർഡിലേക്ക് ആകർഷിക്കുന്നതിൽ പ്രധാന പങ്കുവഹിച്ചു.
സവിശേഷതകളുടെ കാര്യത്തിൽ എൽഇഡി ഡിആർഎല്ലുകളുള്ള എൽഇഡി ഹെഡ്ലാമ്പുകൾ, സൺറൂഫ്, എട്ട് തവണ ക്രമീകരിക്കാവുന്ന ഡ്രൈവർ സീറ്റ്, നാല് തവണ ക്രമീകരിക്കാവുന്ന പാസഞ്ചർ സീറ്റ് എന്നിവയുമായാണ് സെഡാൻ വിപണിയിൽ ഇടംപിടിച്ചത്.
കൂടാതെ ആൻഡ്രോയിഡ് ഓട്ടോ, ആപ്പിൾ കാർപ്ലേ, മൊബൈൽ സെൻസിംഗ് വൈപ്പർ, ഡ്യുവൽ സോൺ ക്ലൈമറ്റ് കൺട്രോൾ എന്നിവ സജ്ജീകരിച്ച ഏഴ് ഇഞ്ച് ടച്ച്സ്ക്രീൻ ഇൻഫോടെയിൻമെന്റ് സംവിധാനവും ഹോണ്ട അക്കോർഡിന്റെ പ്രത്യേകതകളായിരുന്നു.
അതേസമയം നിർത്തലാക്കിയ CR-V എസ്യുവി, സിവിക് പ്രീമിയം സെഡാൻ എന്നിവയുടെ ഡീസൽ വകഭേദങ്ങളെ ബിഎസ്-VI കരുത്തിലേക്ക് പരിഷ്ക്കരിച്ച് ഈ വർഷം അവസാനത്തോടെ ഇന്ത്യയിൽ അവതരിപ്പിക്കുമെന്ന് ഹോണ്ട സൂചന നൽകുന്നു.
കൂടാതെ കൊവിഡ്-19 പശ്ചാത്തലത്തിൽ അവതരണം വൈകിയിരിക്കുന്ന അഞ്ചാംതലമുറ ഹോണ്ട സിറ്റിയും നിലവിലെ സാഹചര്യം മാറിയാൽ വിപണിയിലേക്ക് ചുവടുവെക്കും. ആസിയാൻ NCAP ക്രാഷ് ടെസ്റ്റില് അഞ്ച് സ്റ്റാര് സ്വന്തമാക്കാനും പുത്തൻ സിറ്റിക്ക് സാധിച്ചിരുന്നു.
ജാപ്പനീസ് കാർ നിർമാതാക്കൾ ജാസ്, WR-V എന്നിവയുടെ ബിഎസ്-VI പതിപ്പുകളും വരും ആഴ്ചകളിൽ അവതരിപ്പിക്കുമെന്ന് പ്രതീക്ഷിക്കുന്നു. എന്നാൽ അക്കോർഡിന്റെ പരിഷ്ക്കരിച്ച പതിപ്പ് ഇനി രാജ്യത്ത് എത്തില്ലെന്നാണ് സൂചന.