സിറ്റി RS -ന്റെ അരങ്ങേറ്റത്തിനും സാധ്യത തെളിയുന്നു; വ്യക്തമാക്കാതെ ഹോണ്ട

ബിഎസ് VI മാനദണ്ഡങ്ങള്‍ക്കനുസരിച്ച് പരിഷ്‌കരിച്ച 1.5-ലിറ്റര്‍ i-DTEC ഡീസല്‍ എഞ്ചിന്‍ തുടരുമെങ്കിലും 1.5-ലിറ്റര്‍ i-VTEC പെട്രോള്‍ എഞ്ചിന് പകരം പുത്തന്‍ എഞ്ചിനാണ് ഇടംപിടിച്ചിരിക്കുന്നത്. തുടക്കത്തില്‍ സിറ്റിയുടെ RS പതിപ്പിനെ ഇന്ത്യന്‍ വിപണിയില്‍ എത്തിക്കാന്‍ കമ്പനി ആഗ്രഹം പ്രകടിപ്പിച്ചിരുന്നു.

എന്നാല്‍ പിന്നീട് ആ ശ്രമം നിര്‍മ്മാതാക്കള്‍ ഉപേക്ഷിച്ചിരുന്നു. എന്നാല്‍ പുതിയ റിപ്പോര്‍ട്ട് അനുസരിച്ച് ആ തീരുമാനത്തിന് കമ്പനി അയവ് വരുത്തിയേക്കുമെന്നാണ് സൂചന. 1.0 ലിറ്റര്‍ ടര്‍ബോ പെട്രോള്‍ എഞ്ചിന്‍ നല്‍കുന്ന സിറ്റി RS വിപണിയിലെത്തിക്കാനുള്ള സാധ്യത ഹോണ്ട വിലയിരുത്തുന്നുണ്ടെന്നാണ് റിപ്പോര്‍ട്ട്.

MOST READ: വിട്ടുകൊടുക്കാൻ തയാറല്ല, റോക്‌സർ ഉടച്ചുവാർത്ത് മഹീന്ദ്ര; ടീസർ ചിത്രം പുറത്ത്

ഇതിനോടകം തന്നെ ഈ പതിപ്പ് തായ്‌ലാന്‍ഡ് വിപണിയില്‍ ലഭ്യമാണ്. 1.0 ലിറ്റര്‍ ത്രി സിലിണ്ടര്‍ ടര്‍ബോചാര്‍ജ്ഡ് പെട്രോള്‍ എഞ്ചിനാണ് ഈ മോഡലിന്റെ കരുത്ത്.

5,500 rpm -ല്‍ 120 bhp കരുത്തും 2,000-4,500 rpm -ല്‍ 173 Nm torque ഉം സൃഷ്ടിക്കും. ഏഴ് സ്പീഡ് സിവിടിയാണ് ഗിയര്‍ബോക്‌സ്. സ്റ്റാന്‍ഡേര്‍ഡ് മോഡലില്‍ നിന്ന് വേര്‍തിരിച്ചറിയാന്‍ സിറ്റി RS -ന് കുറച്ച് കോസ്‌മെറ്റിക് മാറ്റങ്ങളും ലഭിക്കുന്നു.

MOST READ: 100 സിസി പ്ലാറ്റിനയുടെ ഡിസ്‌ക് ബ്രേക്ക് പതിപ്പ് അവതരിപ്പിച്ച് ബജാജ്; വില 59,373 രൂപ

സ്‌പോര്‍ട്ടിയര്‍ ഫ്രണ്ട്, റിയര്‍ ബമ്പറുകള്‍, കറുത്ത ട്രങ്ക്-ലിഡ് ഘടിപ്പിച്ച റിയര്‍ സ്‌പോയിലര്‍, ടെയില്‍ ലാമ്പുകള്‍ക്ക് ഡാര്‍ച്ച് ഗ്ലാസ്, കറുത്ത ഉള്‍പ്പെടുത്തലുകളുള്ള പൂര്‍ണ്ണ എല്‍ഇഡി ഹെഡ്‌ലാമ്പുകള്‍ എന്നിവ ഈ പതിപ്പിന്റെ സവിശേഷതകളാണ്.

തായ്‌ലാന്‍ഡ്‌ വിപണിയില്‍ സ്റ്റാന്‍ഡേര്‍ഡ് സിറ്റിയില്‍ കാണുന്ന 15 ഇഞ്ചുകള്‍ക്ക് പകരം 16 ഇഞ്ച് അലോയ് വീലുകളും പുതിയ RS വകഭേദത്തിന് ലഭിക്കും. പെര്‍ഫോമെന്‍സ് പതിപ്പായതുകൊണ്ട് റെഗുലര്‍ പതിപ്പില്‍ നിന്നും അകത്തളത്തിലും മാറ്റങ്ങള്‍ കമ്പനി ഉള്‍പ്പെടുത്തിയിട്ടുണ്ട്.

MOST READ: ഇന്ത്യയിലെ ഏറ്റവും ശക്തിയേറിയ സ്വിഫ്റ്റ് AMT അവതരിപ്പിച്ച് പീറ്റ്സ് ഓട്ടോമോട്ടീവ്

ഡാഷ്‌ബോര്‍ഡിലും സെന്റര്‍ കണ്‍സോളിലും സ്‌പോര്‍ട്ടിയര്‍ ട്രിമ്മിംഗ്, ഇന്‍സ്ട്രുമെന്റ് ക്ലസ്റ്ററില്‍ വ്യത്യസ്ത സീറ്റ് ഫാബ്രിക്, ചുവന്ന ആക്‌സന്റുകള്‍ എന്നിവയും RS ടര്‍ബോ പതിപ്പില്‍ ഉള്‍പ്പെടുത്തിയിട്ടുണ്ട്.