Just In
- 10 min ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
- 2 hrs ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 13 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 15 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
Don't Miss
- Lifestyle ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം
- News പേഴ്സണൽ ലോൺ കൈയെത്തും ദൂരത്ത്; കെഎസ്എഫ്ഇ ഇല്ലേ പിന്നെന്തിന് ടെൻഷൻ, പലിശ ഇത്രയും കുറവോ?
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Finance വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും
- Sports T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര്
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
വീണ്ടും കളംനിറയാൻ ഹോണ്ട ജാസ് എത്തുന്നു, ടീസർ ചിത്രം പുറത്ത്
ജാപ്പനീസ് വാഹന നിർമാതാക്കളായ ഹോണ്ടയുടെ ജനപ്രീയ പ്രീമിയം ഹാച്ച്ബാക്കായ ജാസിന്റെ ബിഎസ്-VI പതിപ്പ് വിപണിയിലേക്ക് എത്തുന്നു. അതിന്റെ ഭാഗമായി കാറിന്റെ ടീസർ ചിത്രം കമ്പനി പുറത്തുവിട്ടു.
പഴയ ബിഎസ്-IV മോഡലിനെ അപേക്ഷിച്ച് പരിസ്ഥിതി സൗഹാർദമെന്നതിനേക്കാൾ അപ്പുറമാണ് നവീകരിച്ചെത്തുന്ന ജാസ് എന്ന് ഹോണ്ട സൂചന നൽകുന്നു. രാജ്യത്ത് പുതിയ ബിഎസ്-VI മലിനീകരണ മാനദണ്ഡങ്ങൾ ഇന്നു മുതൽ പ്രാബല്യത്തിൽ വന്നതോടെ ചില മോഡലുകളും ബ്രാൻഡ് നിർത്തലാക്കിയതായി പ്രഖ്യാപിച്ചിട്ടുണ്ട്.
കഴിഞ്ഞ വർഷം അന്താരാഷ്ട്ര വിപണിയിൽ അരങ്ങേറ്റം കുറിച്ച Mk4 ഹോണ്ട ജാസ് വളരെ സങ്കീർണമായതും നിലവിലുള്ള മോഡൽ പ്രതീക്ഷകൾക്ക് അനുസൃതമാകാൻ പരാജയപ്പെട്ടതുമായതിനാൽ ഈയൊരു പതിപ്പായിരിക്കില്ല ഇന്ത്യയിൽ എത്തുക. പകരം നിലവിലുണ്ടായിരുന്ന Mk3 ഹോണ്ട ജാസിനെ ഫെയ്സ്ലിഫ്റ്റ് നൽകി വിപുലീകരിക്കാനാണ് കമ്പനിയുടെ പദ്ധതി.
എന്നാൽ ടീസർ ചിത്രങ്ങളിൽ കാണിക്കുന്ന കാറിന് ഡിസൈൻ മാറ്റങ്ങളൊന്നും ഉണ്ടെന്ന് തോന്നുന്നില്ല. ഒരുപക്ഷേ ഇത് സവിശേഷത പുനരവലോകനങ്ങൾ വാഗ്ദാനം ചെയ്യുന്നുണ്ടാകാം. ബിഎസ്-IV ഹോണ്ട ജാസിൽ നൽകി വന്നിരുന്ന 1.2 ലിറ്റർ i-VTEC നാച്ചുറലി ആസ്പിറേറ്റഡ് പെട്രോൾ എഞ്ചിനും 1.5 ലിറ്റർ i-DTEC ടർബോചാർജ്ഡ് ഡീസൽ യൂണിറ്റും തന്നെയാകും ബിഎസ്-VI പതിപ്പിലും വാഗ്ദാനം ചെയ്യുക.
പെട്രോളിൽ അഞ്ച് സ്പീഡ് മാനുവൽ അല്ലെങ്കിൽ സിവിടി ഗിയർബോക്സ് തെരഞ്ഞെടുക്കാൻ സാധിക്കും. അതേസമയം ഡീസൽ യൂണിറ്റിൽ ആറ് സ്പീഡ് മാനുവൽ മാത്രമായി പരിമിതപ്പെടുത്തിയിരിക്കുന്നു. ഈ പെട്രോൾ, ഡീസൽ എഞ്ചിനുകൾ പഴയ കാറിൽ യഥാക്രമം 90 bhp/ 110 Nm torque, 100 bhp/ 200 Nm torque എന്നിവ ഉത്പാദിപ്പിക്കുന്നു.
ബിഎസ്-IV പെട്രോൾ മാനുവലിന് 19.0 കിലോമീറ്ററും സിവിടി പതിപ്പിന് 18.2 കിലോമീറ്റർ മൈലേജുമാണ് ഹോണ്ട വാഗ്ദാനം ചെയ്യുന്നത്. അതേസമയം ഡീസൽ എഞ്ചിനിൽ 27.3 കിലോമീറ്റർ ഇന്ധനക്ഷമതയുമാണ് കമ്പനി അവകാശപ്പെടുന്നത്.
കൂടാതെ നിലവിലുള്ള ഹോണ്ട ജാസിന് സമാനമായ 15 ഇഞ്ച് അലോയ് വീലുകൾ, എൽഇഡി ടെയിൽ ലൈറ്റുകൾ, ആപ്പിൾ കാർപ്ലേയ്ക്കൊപ്പം ഏഴ് ഇഞ്ച് ടച്ച്സ്ക്രീൻ ഇൻഫോടെയിൻമെന്റ് സിസ്റ്റം, ആൻഡ്രോയിഡ് ഓട്ടോ, ജിപിഎസ് നാവിഗേഷൻ, പാഡിൽ ഷിഫ്റ്ററുകൾ, ക്രൂയിസ് കൺട്രോൾ തുടങ്ങിയ സവിശേഷതകളോടെ ബിഎസ്-VI പതിപ്പും വിപണിയിൽ ഇടംപിടിക്കും.
ജാപ്പനീസ് ബ്രാൻഡായ ഹോണ്ടയുമായി ബന്ധപ്പെട്ട മറ്റ വാർത്തകളിൽ ഡീസൽ എഞ്ചിൻ ഉപയോഗിച്ച് വിൽപ്പനക്കെത്തിയിരുന്ന സിവിക്, സിആർ-വി എന്നീ മോഡലുകളുടെ ഉത്പാദനം ഹോണ്ട നിർത്തലാക്കി. ഇരു മോഡലുകളിലും വാഗ്ദാനം ചെയ്തിരുന്ന 1.5 ലിറ്റർ യൂണിറ്റ് 120 bhp കരുത്തും 300 Nm torque ഉം ആണ് ഉത്പാദിപ്പിച്ചിരുന്നത്.
എന്നാൽ രണ്ട് കാറുകളുടെയും പരിഷ്ക്കരിച്ച ബിഎസ്-VI മോഡൽ ഈ വർഷം അവസാനത്തോടെ വിപണിയിൽ വീണ്ടും എത്തുമെന്നാണ് ലഭിക്കുന്ന സൂചന.
ഇതുകൂടാതെ ഹൈബ്രിഡ് വകഭേദത്തിൽ മാത്രം വാഗ്ദാനം ചെയ്തിരുന്ന ഒമ്പതാം തലമുറ അക്കോർഡിനെയും ഇന്ത്യൻ വിപണിയിൽ നിന്നും ഹോണ്ട പിൻവലിച്ചു. കമ്പനി 2017 ജൂലൈയിൽ അവതരിപ്പിച്ച പത്താം തലമുറ മോഡലിനെ ആഭ്യന്തര വിപണിയിൽ അവതരിപ്പിക്കാൻ സാധ്യതയില്ല.