'അർടുറ' മക്ലാരന്റെ ആദ്യത്തെ ഹൈബ്രിഡ് സൂപ്പർകാർ; ടീസർ ചിത്രങ്ങൾ പുറത്ത്

കമ്പനിക്കായി ഒരു പുതിയ യുഗത്തിന്റെ ആരംഭം കുറിക്കുന്ന മോഡലാകും അർടുറ. ഒപ്പം മക്ലാരന്റെ ആദ്യത്തെ ഹൈബ്രിഡ് സീരീസ് പ്രൊഡക്ഷൻ സൂപ്പർകാർ ആയിരിക്കും ഇതെന്ന ആകർഷണവും ഏറെ ശ്രദ്ധേയമായിരിക്കും.

ഡ്യുവൽ എക്‌സ്‌ഹോസ്റ്റ് സജ്ജീകരണത്തിനിടയിലുള്ള അർടുറ ബാഡ്‌ജിംഗിനൊപ്പം പിൻ പ്രൊഫൈലിലെ മക്ലാരൻ ബാഡ്‌ജിംഗും പുതിയ മക്ലാരൻ ഹൈബ്രിഡ് കാറിന്റെ ടീസർ ചിത്രം വെളിപ്പെടുത്തുന്നു. നെയിം പ്ലേറ്റിന് പിന്നിൽ ഒരു ഹണികോമ്പ് ഡിസൈൻ ഗ്രില്ലും ഇടംപിടിക്കുന്നു.

പുതിയ ഹൈബ്രിഡ് എഞ്ചിനിൽ ഇലക്ട്രിക് മോട്ടോറുമായി സംയോജിപ്പിക്കാൻ രൂപകൽപ്പന ചെയ്ത പുതിയ കോംപാക്ട് ട്വിൻ-ടർബോചാർജ്ഡ് V6 പെട്രോൾ എഞ്ചിൻ ഈ മോഡൽ അവതരിപ്പിക്കും. കുറഞ്ഞ വേഗതയിൽ മെച്ചപ്പെട്ട ടോർഖ് പ്രതികരണത്തിന്റെ അധിക ആകർഷണവും പുതിയ എഞ്ചിനിലുണ്ടെന്ന് കമ്പനി അവകാശപ്പെടുന്നു.

വൈദ്യുതീകരണത്തിനായി ഒപ്റ്റിമൈസ് ചെയ്ത ഒരു പുതിയ പ്ലാറ്റ്ഫോം ആർക്കിടെക്ചറിൽ നിർമിച്ച ആദ്യത്തെ കാറായിരിക്കും പുതിയ അർടുറ. ഇത് യുകെയിലെ മക്ലാരൻ കോമ്പോസിറ്റ്സ് ടെക്നോളജി സെന്ററിൽ രൂപകൽപ്പന ചെയ്താണ് നിർമിക്കുന്നത്.

മോട്ടോർസ്പോർട്ട് വിഭാഗത്തിൽ അതിന്റെ ചാസി, ബോഡി, എഞ്ചിൻ എന്നിവയിലുടനീളം ഭാരം ലാഭിക്കുന്ന സാങ്കേതികവിദ്യകൾ പ്രയോഗിക്കുന്നതിലൂടെ ഹൈബ്രിഡ് സിസ്റ്റത്തിന്റെ അധിക ഭാരവും ഇത് നികത്തുന്നു.

കൂടാതെ അർടുറയുടെ ഹൃദയഭാഗത്തുള്ള മക്ലാരൻ കാർബൺ ലൈറ്റ്വെയിറ്റ് ആർക്കിടെക്ചർ (MCLA) മോഡലിന് ക്ലാസ്-ലീഡിംഗ് ഭാരവും നൽകുന്നു.

പ്ലാറ്റ്ഫോം ആർക്കിടെക്ചർ മുതൽ ഉയർന്ന പ്രകടനമുള്ള ഹൈബ്രിഡ് എഞ്ചിന്റെ എല്ലാ ഭാഗങ്ങളും, എക്സ്റ്റീരിയർ, ഇന്റീരിയർ, കട്ടിംഗ് എഡ്ജ് ഡ്രൈവർ ഇന്റർഫേസ് എന്നീ എല്ലാ ഘടകങ്ങളും പുതിയതാണെന്ന് മക്ലാരൻ ഓട്ടോമോട്ടീവ് ചീഫ് എക്സിക്യൂട്ടീവ് ഓഫീസർ മൈക്ക് ഫ്ലെവിറ്റ് പറഞ്ഞു.