Just In
- 1 hr ago കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ
- 12 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 14 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 15 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
Don't Miss
- News ആശ്വാസം; ഇന്ന് മഴ പെയ്യും, ഈ രണ്ട് ജില്ലകൾ ഒഴികെയുള്ള ജില്ലകളിൽ മഴയ്ക്ക് സാധ്യത; മുന്നറിയപ്പ്..
- Finance ഭാവിയിൽ പണം വാരാം, ഈ ഓഹരികളിൽ നിക്ഷേപിക്കു, ഉറപ്പിന് പിന്നിലെ കാരണം ഇതാണ്
- Lifestyle ശരീരത്തില് മരവിപ്പോ, ബലഹീനതയോ നിസ്സാരമല്ല: എഴുന്നേല്ക്കാനാവാത്ത വിധം കിടത്തുന്ന ലക്ഷണങ്ങള്
- Technology ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി
- Sports IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ
- Movies 'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?'
- Travel കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
മെർസിഡീസ് ബെൻസ് ജിഎൽസി കൂപ്പെ വിപണിയിൽ; പ്രാരംഭ വില 62.70 ലക്ഷം
ജർമ്മൻ ആഢംബര വാഹന നിർമാതാക്കളായ മെർസിഡീസ് ബെൻസ് ജിഎൽസി കൂപ്പെ ഇന്ത്യൻ വിപണിയിൽ അവതരിപ്പിച്ചു. 62.70 ലക്ഷം രൂപയാണ് വാഹനത്തിന്റെ പ്രാരംഭ വില.
2020 ജിഎൽസി കൂപ്പെ എസ്യുവിയുടെ ബുക്കിംഗും കമ്പനി ആരംഭിച്ചു. മോഡലിന്റെ ഡെലിവറികൾ ഉടൻ ആരംഭിക്കുമെന്നും മെർസിസീസ് അറിയിച്ചു. ബ്രാൻഡിന്റെ ഏറ്റവും പുതിയ MBUX കണക്റ്റുചെയ്ത സാങ്കേതികവിദ്യ ഉൾപ്പെടെ നിരവധി പുതിയ സവിശേഷതകളും ഉപകരണങ്ങളുമായാണ് വാഹനത്തിന്റെ ഇന്ത്യയിലേക്കുള്ള പ്രവേശനം.
കഴിഞ്ഞ വർഷം ഇന്ത്യൻ വിപണിയിൽ അവതരിപ്പിച്ച പുതിയ ജിഎൽസി എസ്യുവിക്കു മുകളിലാണ് പുതിയ ജിഎൽസി കൂപ്പെ സ്ഥാനം പിടിക്കുക. 300d ഫോർമാറ്റിക്, 300 ഫോർമാറ്റിക് എന്നിങ്ങനെ രണ്ട് വകഭേദങ്ങളിലാണ് കൂപ്പെ പതിപ്പ് എത്തുന്നത്. ജിഎൽസി കൂപ്പെയുടെ ഉയർന്ന ഡീസൽ മോഡലിന് 63.70 ലക്ഷം രൂപയാണ് ആഭ്യന്തര വിപണിയിലെ എക്സ്ഷോറൂം വില.
ഇതാദ്യമായാണ് ജർമ്മൻ ബ്രാൻഡ് ജിഎൽസി കൂപ്പെയുടെ എഎംജി ഇതര പതിപ്പ് ഇന്ത്യൻ വിപണിയിലെത്തിക്കുന്നത്. കംപ്ലീറ്റ്ലി നോക്കഡ് ഡൗൺ (CKD) യൂണിറ്റായി ഇറക്കുമതി ചെയ്യുന്ന മെർസിഡീസ് ബെൻസ് ജിഎൽസി കൂപ്പെ ഇപ്പോൾ ബ്രാൻഡിൽ നിന്ന് ഇന്ത്യൻ വിപണിയിൽ പ്രാദേശികമായി ഒത്തുചേരുന്ന പത്താമത്തെ മോഡലാണ്.
2019 ഡിസംബറിൽ ഇന്ത്യൻ വിപണിയിൽ അവതരിപ്പിച്ച ഏറ്റവും പുതിയ തലമുറ ജിഎൽസി എസ്യുവിയിൽ നിന്നാണ് ജിഎൽസി കൂപ്പെ അതിന്റെ ഡിസൈൻ കടമെടുക്കുന്നത്. ബ്രാൻഡിന്റെ സിഗ്നേച്ചർ ഡയമണ്ട്-പാറ്റേൺ ഗ്രിൽ ഉൾക്കൊള്ളുന്നതാണ് മുൻവശം. അതിൽ ഇന്റഗ്രേറ്റഡ് എൽഇഡി ഡിആർഎല്ലുകൾ (ഡേടൈം റണ്ണിംഗ് ലൈറ്റ്സ്) ഉള്ള എൽഇഡി ഹെഡ്ലാമ്പുകൾ ഇരുവശത്തും ഉൾക്കൊള്ളുന്നു. അതേസമയം അൽപ്പം പരിഷ്ക്കരിച്ച മുൻ ബമ്പറും കാറിന് ലഭിക്കുന്നു.
ജിഎൽസി കൂപ്പെയുടെ വശവും പിൻഭാഗവുമാണ് പുതിയ എസ്യുവിയുടെ രൂപകൽപ്പനയിൽ നിന്നും കടംമെടുത്തിരിക്കുന്നത്. ചരിഞ്ഞ കൂപ്പെ പോലുള്ള മേൽക്കൂരയും പുതുതായി രൂപകൽപ്പന ചെയ്ത ഒരു കൂട്ടം അലോയ് വീലുകളും എസ്യുവിയുടെ സ്പോർട്ടി സ്വഭാവത്തെ വർധിപ്പിക്കുന്നു. പുതുക്കിയ എൽഇഡി ടെയിൽ ലൈറ്റുകൾ, വാർത്തെടുത്ത ഡിഫ്യൂസർ, ഒരു കൂട്ടം പുതിയ എക്സ്ഹോസ്റ്റ് ടിപ്പുകൾ എന്നിവ പിൻവശത്ത് ഇടംപിടിക്കുന്നു.
പുതുക്കിയ ഇന്റീരിയറുകളുമായാണ് പുതിയ ബെൻസ് ജിഎൽസി കൂപ്പെ വരുന്നത്. സെന്റർ കൺസോളിലെ പുതിയ 10.25 ഇഞ്ച് ടച്ച്സ്ക്രീൻ ഇൻഫോടെയിൻമെന്റ് സിസ്റ്റം ഇതിൽ ഉൾപ്പെടുന്നു.
ഇത് ആപ്പിൾ കാർപ്ലേയ്ക്കും ആൻഡ്രോയിഡ് ഓട്ടോയ്ക്കും അനുയോജ്യമാക്കുന്നു. അതോടൊപ്പം പുതിയ ഇൻഫോടെയിൻമെന്റ് ഡിസ്പ്ലേയിൽ ബ്രാൻഡിന്റെ MBUX (മെർസിഡീസ് ബെൻസ് യൂസർ എക്സ്പീരിയൻസ്) സാങ്കേതികവിദ്യയും ഉൾക്കൊള്ളുന്നു. 12.3 ഇഞ്ച് ഇൻസ്ട്രുമെന്റ് കൺസോളും മറ്റ് പ്രീമിയം സവിശേഷതകളും സുരക്ഷാ ഉപകരണങ്ങളും വാഹനത്തിലുണ്ട്.
എഞ്ചിൻ ഓപ്ഷനുകളുടെ കാര്യത്തിൽ, ബിഎസ്-VI കംപ്ലയിന്റ് പെട്രോൾ, ഡീസൽ എഞ്ചിനുകളിൽ പുതിയ ജിഎൽസി കൂപ്പെയിൽ വാഗ്ദാനം ചെയ്യുന്നു. 2.0 ലിറ്റർ പെട്രോൾ, ഡീസൽ യൂണിറ്റുകളാണ് ഇടംപിടിക്കുന്നത്. 300d ഫോർമാറ്റിക്കിൽ 2.0 ലിറ്റർ പെട്രോൾ ലഭ്യമാകുന്നു. ഇത് 258 bhp കരുത്തിൽ 370 Nm torque ഉത്പാദിപ്പിക്കുന്നു.
ഡീസൽ വകഭേദമായ കൂപ്പെ 300 ഫോർമാറ്റിക്ക് 245 bhp കരുത്തും 500 Nm torque ഉം ആണ് സൃഷ്ടിക്കുന്നത്. രണ്ട് എഞ്ചിനുകളും ഒരു സ്റ്റാൻഡേർഡ് 9G-ട്രോണിക് ഓട്ടോമാറ്റിക് ഗിയർബോക്സുമായി ജോടിയാക്കിയിരിക്കുന്നു. പോർഷെ മക്കാൻ (69.98-85.12 ലക്ഷം രൂപ), ബിഎംഡബ്ല്യു X4 (60.60-65.90 ലക്ഷം രൂപ) തുടങ്ങിയ മോഡലുകളുമായി പുതിയ ഫെയ്സ്ലിഫ്റ്റ് പതിപ്പ് മത്സരിക്കും.
വരുന്ന 12 മാസത്തിനുള്ളിൽ ഇന്ത്യയിൽ പുതിയ പത്ത് ഉൽപ്പന്നങ്ങൾ അവതരിപ്പിക്കുമെന്ന് ജർമ്മൻ ആഢംബര വാഹന നിർമാതാക്കൾ അറിയിച്ചിട്ടുണ്ട്.