തരംഗമാവാൻ സെൽറ്റോസ് ഗ്രാവിറ്റി, ശ്രേണി വിപുലീകരിച്ച് കിയ

കൊറിയയിലെ 2021 വർഷത്തേക്കുള്ള കിയ സെൽറ്റോസ് മിഡ്‌സൈസ് എസ്‌യുവി ഇപ്പോൾ സ്റ്റാൻഡേർഡായി കൂടുതൽ സുരക്ഷാ കിറ്റും പുതിയതും മികച്ചതുമായ ഗ്രാവിറ്റി വകഭേത്തെയും അവതരിപ്പിക്കുന്നു.

സെൽറ്റോസിന്റെ എൻട്രി ലെവൽ മോഡലായ ട്രെൻഡ്, പ്രസ്റ്റീജ്, സിഗ്നേച്ചർ വകഭേദങ്ങളിൽ നിന്ന് സ്വയം വേർതിരിച്ചറിയാൻ സഹായിക്കുന്ന അകത്തും പുറത്തും നിരവധി കോസ്മെറ്റിക് മാറ്റങ്ങളുമായാണ് സെൽറ്റോസ് ഗ്രാവിറ്റി വിപണിയിൽ ഇടംപിടിക്കുന്നത്.

MOST READ: സ്വന്തം പോലെ ഉപയോഗിക്കാം; സബ്സ്‌ക്രിപ്ഷന്‍ പദ്ധതിയുമായി മാരുതി

ഗ്രാവിറ്റിക്ക് ഹോട്ട്-സ്റ്റാമ്പ് ചെയ്ത, ത്രിമാന ഡിസൈൻ ഘടകങ്ങളുള്ള ഒരു ബെസ്പോക്ക്, ക്രോം-സ്റ്റഡ്ഡ് ഫ്രണ്ട് ഗ്രിൽ ലഭിക്കും. അതുല്യമായ ഡ്യുവൽ ടോൺ 18 ഇഞ്ച് മെഷീൻ അലോയ് വീലുകളും ശ്രദ്ധയാകർഷിക്കുന്നുണ്ട്. കൂടുതൽ ആകർഷകമാക്കാൻ വിംഗ് മിററുകൾ, ഡോർ ഗാർനിഷ്, റിയർ സ്‌കിഡ് പ്ലേറ്റ് എന്നിവയ്ക്ക് സിൽവർ ഫിനിഷാണ് കിയ നൽകിയിരിക്കുന്നത്.

സെൽറ്റോസ് ഗ്രാവിറ്റിയുടെ അകത്തളം ഒരുങ്ങിയിരിക്കുന്നത് എക്സ്ക്ലൂസീവ്, ഗ്രേ കളർ സ്കീമിലാണ്. ഇത് മറ്റ് മോഡലുകളിൽ നിന്ന് വേറിട്ടുനിൽക്കാൻ പുത്തൻ പതിപ്പിനെ സഹായിച്ചിട്ടുണ്ട്. കൊറിയ, യുഎസ്, റഷ്യ എന്നിവിടങ്ങളിൽ വിൽക്കുന്ന സെൽറ്റോസിന്റെ ലെഫ്റ്റ് ഹാൻഡ് ഡ്രൈവ് മോഡലുകൾക്ക് ഇന്ത്യൻ മോഡലുമായി താരതമ്യപ്പെടുത്തുമ്പോൾ അല്പം മാറ്റം വരുത്തിയ ഡാഷ്‌ബോർഡ് ലേഔട്ട് ലഭിക്കുന്നു.

MOST READ: ആറ്റം ക്വാഡ്രിസൈക്കിൾ; ഫീച്ചറുകൾ വെളിപ്പെടുത്തുന്ന ടീസർ വീഡിയോ പുറത്തുവിട്ട് മഹീന്ദ്ര

അതിൽ ഏറ്റവും ശ്രദ്ധേയമായ വ്യത്യാസം ടച്ച്‌സ്‌ക്രീനിനായുള്ള ഇൻസ്ട്രുമെന്റ് ബിനാക്കിളാണ് റൈറ്റ് ഹാൻഡ് ഡ്രൈവ് പതിപ്പുകൾ ഉപയോഗിക്കുന്നത് എന്നതാണ്. സെൽറ്റോസ് ഗ്രാവിറ്റി ഒരു ഉയർന്ന വകഭേദമായതിനാൽ ഫോർ‌വേർ‌ഡ് കൂട്ടിയിടി പ്രിവൻഷൻ അസിസ്റ്റൻറ് സിസ്റ്റം, റിയർ പാസഞ്ചർ നോട്ടിഫിക്കേഷൻ എന്നിവ പോലുള്ള അധിക സുരക്ഷാ സവിശേഷതകൾ പുത്തൻ മോഡലിൽ വാഗ്‌ദാനം ചെയ്യുന്നുണ്ട്.

കൂടാതെ ഇൻസ്ട്രുമെന്റ് ക്ലസ്റ്ററിലെ ഒരു വലിയ എം‌ഐഡി, യു‌വി‌ഒ കണക്റ്റുചെയ്‌ത കാർ ടെക്, ആംബിയന്റ് ലൈറ്റിംഗ്, ബോസ് സൗണ്ട് സിസ്റ്റം, ഓട്ടോമാറ്റിക് എയർ കണ്ടീഷനർ, റിമോട്ട് എഞ്ചിൻ സ്റ്റാർട്ട്, വയർലെസ് ഫോൺ ചാർജർ എന്നിയും ഇതിന് ലഭിക്കും.

MOST READ: പുതിയ e-ട്രോൺ S, e-ട്രോൺ S സ്പോർട്ബാക്ക് പതിപ്പുകൾ അവതരിപ്പിച്ച് ഔഡി

അതോടൊപ്പം ലെയ്ൻ കീപ്പ് അസിസ്റ്റ്, ഹൈ ബീം അസിസ്റ്റ് ഫംഗ്ഷനുകൾ എന്നിവയുൾപ്പെടെയുള്ള കൂടുതൽ സുരക്ഷാ സവിശേഷതകളും 2021 മോഡൽ ഇയർ സെൽറ്റോസിലേക്ക് കിയ ചേർത്തു. 1.6 ലിറ്റർ ടർബോ-പെട്രോൾ, 1.6 ലിറ്റർ ഡീസൽ എഞ്ചിൻ ഓപ്ഷനിൽ സെൽറ്റോസ് തെരഞ്ഞെടുക്കാൻ സാധിക്കും.

ഏഴ് സ്പീഡ് ഡിസിടി ഓട്ടോമാറ്റിക് ഗിയർബോക്സ് സ്റ്റാൻഡേർഡായി ലഭിക്കുമ്പോൾ ഓൾ-വീൽ ഡ്രൈവ് പ്രവർത്തനം രണ്ട് മോഡലുകളിലും ഒരു ഓപ്ഷനായി ലഭ്യമാണ്. സെൽറ്റോസിന്റെ പുതിയ ഗ്രാവിറ്റി വേരിയൻറ് ഇന്ത്യയിലേക്ക് കൊണ്ടുവരുന്നതിനെക്കുറിച്ച് കിയ ഔദ്യോഗിക അറിയിപ്പുകളൊന്നും ഇതുവരെ നടത്തിയിട്ടില്ല.