പരീക്ഷണയോട്ടത്തിനിടെ ക്യാമറയിൽ കുടുങ്ങി ടാറ്റ ഗ്രാവിറ്റാസ് ഓട്ടോമാറ്റിക്

ഇപ്പോൾ ടാറ്റ ഗ്രാവിറ്റസിന്റെ പ്രൊഡക്ഷൻ പതിപ്പിന്റെ ഒരു പ്രോട്ടോടൈപ്പ് അടുത്തിടെ മഹാബലേശ്വറിൽ പരീക്ഷണയോട്ടം നടത്തുന്നതായി കണ്ടെത്തി.

ടാറ്റ ഹാരിയറിൽ വരുന്ന അതേ ഹ്യുണ്ടായി-സോർസ്ഡ് ആറ് സ്പീഡ് ടോർക്ക് കൺവെർട്ടർ അവതരിപ്പിക്കുന്ന ഗ്രാവിറ്റസിന്റെ ഓട്ടോമാറ്റിക് വേരിയന്റാണിത്. ഏറ്റവും പുതിയ സ്പൈ ഇമേജുകൾ വാഹനത്തിന്റെ എക്സ്റ്റീരിയറിനേയും ഇന്റീരിയറുകളെയും കുറിച്ചുള്ള രസകരമായ കുറച്ച് കാര്യങ്ങൾ വെളിപ്പെടുത്തുന്നു.

MOST READ: പരിമിതമായ മിനി സൈഡ്‌വോക്ക് എഡിഷൻ സ്വന്തമാക്കി ടൊവിനോ

ഉദാഹരണത്തിന്, ഹാരിയറിലെ 17 ഇഞ്ച് അലോയികളിൽ നിന്ന് വ്യത്യസ്തമായി, ഈ ടാറ്റ ഗ്രാവിറ്റാസ് പ്രോട്ടോടൈപ്പിൽ 18 ഇഞ്ച് ഡ്യുവൽ-ടോൺ വീലുകളാണുള്ളത്, അവ 235/60 R18 ബ്രിഡ്ജ്സ്റ്റോൺ ടയറുകളുമായി ജോടിയാക്കുന്നു.

മൊത്തത്തിലുള്ള രൂപകൽപ്പന 2020 ഓട്ടോ എക്‌സ്‌പോയിൽ പ്രദർശിപ്പിച്ച മോഡലിന് സമാനമാണ്. എന്നിരുന്നാലും, ടാറ്റ മോട്ടോർസ് വിചിത്രമായി കാണപ്പെടുന്ന പിൻ ക്വാർട്ടർ ഗ്ലാസ് ഡിസൈൻ പുനർനിർമ്മിച്ചതായി തോന്നുന്നു.

MOST READ: ബിഎസ്-VI നിലവാരത്തിലേക്ക് ഉയരാൻ ഹീറോ എക്‌സ്ട്രീം 200S; വിപണിയിലേക്ക് ഉടനെന്ന് സൂചന

ഇന്റീരിയറുകളെ സംബന്ധിച്ചിടത്തോളം, ടെസ്റ്റ് വാഹനത്തിൽ ഗ്രേ നിറത്തിലുള്ള ഡാഷ്ബോർഡും, ഒപ്പം സീറ്റുകൾക്കും ഡോർ പാഡുകൾക്കും ഐവറി നിറത്തിലുള്ള അപ്ഹോൾസ്റ്ററിയും ലഭിക്കുന്നു.

ഹാരിയറിലെ എയർക്രാഫ്റ്റ് സ്റ്റൈൽ ഹാൻഡ്‌ബ്രേക്കിൽ നിന്ന് വ്യത്യസ്തമായി, ടാറ്റ ഗ്രാവിറ്റസിന് ഓട്ടോ ഹോൾഡ് ഫംഗ്ഷനോടൊപ്പം ഒരു ഇലക്ട്രോണിക് പാർക്കിംഗ് ബ്രേക്കും ഉണ്ടായിരുന്നു. എന്നിരുന്നാലും, ടെസ്റ്റ് മോഡലിൽ ഒരു സൺറൂഫ് കാണുന്നില്ല, ഇത് നിലവിൽ ഉപഭോക്താക്കൾ ഏറെ ആവശ്യപ്പെടുന്ന സവിശേഷതയാണ്, പ്രത്യേകിച്ച് പനോരമിക് ടൈപ്പ്.

MOST READ: കാര്‍ ഉടമകളുടെ എണ്ണം വര്‍ദ്ധിക്കുന്നു; സര്‍വീസ് സെന്ററുകള്‍ വിപുലികരിക്കാനൊരുങ്ങി

ഗ്രാവിറ്റാസിൽ പനോരമിക് സൺറൂഫ് ഘടിപ്പിക്കുന്നതിന് സ്റ്റെപ്പ്ഡ് റൂഫ് ഒരു പ്രധാന തടസ്സമാണെന്ന് വൃത്തങ്ങൾ സൂചിപ്പിക്കുന്നു. എന്നിരുന്നാലും, എസ്‌യുവിക്ക് പരമ്പരാഗത സൺറൂഫ് ലോഞ്ച് സമയത്ത് ലഭിക്കാൻ സാധ്യതയുണ്ട്.

2.0 ലിറ്റർ ടർബോചാർജ്ഡ്, ഡീസൽ മോട്ടോറാവും വാഹനത്തിന്റെ ഹൃദയം. ഇത് 168 bhp കരുത്തും 350 Nm torque ഉം പുറപ്പെടുവിക്കും. ആറ് സ്പീഡ് മാനുവൽ ട്രാൻസ്മിഷൻ ട്രിമ്മുകളിലുടനീളം സ്റ്റാൻഡേർഡ് ആയിരിക്കും, ഉയർന്ന വേരിയന്റുകളിൽ ആറ് സ്പീഡ് ഓട്ടോമാറ്റിക് ഗിയർബോക്സും നിർമ്മാതാക്കൾ നൽകുന്നു. സമാരംഭിക്കുമ്പോൾ വാഹനത്തിൽ ഒരു AWD ഡ്രൈവ്ട്രെയിൻ വാഗ്ദാനം ചെയ്യാൻ സാധ്യതയില്ല.

MOST READ: കോംപാക്‌ട് ഹാച്ച്ബാക്ക് സെഗ്മെന്റിൽ 48 ശതമാനം വളർച്ച; നേട്ടം കൊയ്‌ത് മാരുതി സ്വിഫ്റ്റ്

ടാറ്റ ഗ്രാവിറ്റാസ് 2021 -ന്റെ തുടക്കത്തിൽ ഇന്ത്യയിൽ വിൽപ്പനയ്‌ക്കെത്തുമെന്ന് പ്രതീക്ഷിക്കുന്നു. വിപണിയിലെത്തുമ്പോൾ എം‌ജി ഹെക്ടർ പ്ലസ്, പുതുതലമുറ മഹീന്ദ്ര XUV500, വരാനിരിക്കുന്ന ഹ്യുണ്ടായി ക്രെറ്റ സെവൻ സീറ്റർ എന്നിവയ്‌ക്കെതിരെയാണ് മത്സരിക്കും. ഇതിന്റെ എക്സ്-ഷോറൂം വില 15 ലക്ഷം മുതൽ 22 ലക്ഷം രൂപ വരെയാവും എന്ന് പ്രതീക്ഷിക്കുന്നു.

Source: Carwale