തെരഞ്ഞെടുത്ത മോഡലുകൾക്ക് ഡിസ്‌കൗണ്ടുമായി ടൊയോട്ട

സേവന പ്രവർത്തനങ്ങൾ ഇതിനകം ആരംഭിച്ചു. കമ്പനിയുടെ 75 ശതമാനം വിതരണക്കാരും പ്രവർത്തനങ്ങൾ പുനരാരംഭിക്കാൻ സർക്കാരിൽ നിന്ന് അനുമതി നേടി.

2020 മെയ് 5 -ന് TKM തങ്ങളുടെ ഉൽ‌പാദന കേന്ദ്രത്തിൽ ഉത്പാദനം ആരംഭിക്കാനുള്ള മുന്നൊരുക്കങ്ങൾ ആരംഭിച്ചിരുന്നു. ആഭ്യന്തര വിപണിയിലും ബ്രാൻഡ് ദുഷ്‌കരമായ സമയങ്ങളിലൂടെയാണ് കടന്നു പോകുന്നത്.

MOST READ: പാക്കേജ് ഡെലിവറികൾക്കായി പുതിയ കണക്ട് സേവനം ആരംഭിച്ച് യൂബർ

കഴിഞ്ഞ മാസം ആദ്യം മുതൽ ബിഎസ് VI എമിഷൻ മാനദണ്ഡങ്ങളുടെ വരവ് ജാപ്പനീസ് വാഹന ഭീമന് വളരെ ബുദ്ധിമുട്ടുണ്ടാക്കി. എത്തിയോസ്, ലിവ, കൊറോള ആൾറ്റിസ് തുടങ്ങി നിരവധി മോഡലുകൾ ഇതോടെ നിർമ്മാതാക്കൾക്ക് നിർത്തലാക്കേണ്ടിവന്നു.

അതിനാൽ, യാരിസും ഗ്ലാൻസയും മാത്രമാണ് നിലവിൽ ബ്രാൻഡിന്റെ വോളിയം അധിഷ്ഠിത മോഡലുകളായി തുടരുന്നത്. മാരുതി സുസുക്കിയുടെ വിറ്റാര ബ്രെസയുടെ പുനർ‌നിർമ്മിച്ച പതിപ്പിൽ‌ ഇവയോടൊപ്പം ഉടനെ ചേരുമെന്ന് പ്രതീക്ഷിക്കുന്നു. ലാൻഡ് ക്രൂയിസറിന്റെ പേരിന് അനുസൃതമായി വാഹനം അർബൻ ക്രൂയിസർ എന്ന് നാമകരണം ചെയ്യപ്പെടാം.

MOST READ: ലോക്ക്ഡൗണില്‍ ജീവിതം ലോക്കായി; ഉപജീവനത്തിനായി മാസ്‌ക് വിറ്റ് ടാക്‌സി ഡ്രൈവര്‍

യാരിസ് C-സെഗ്മെന്റ് സെഡാൻ വിൽപ്പന സംഖ്യകളിൽ മികച്ച പ്രകടനം കാഴ്ചവയ്ക്കുന്നില്ല. മിഡ്-സൈസ് സെഡാനുകളേക്കാൾ മിഡ്-സൈസ് എസ്‌യുവി തിരഞ്ഞെടുക്കുന്നതിനുള്ള ഉപഭോക്താക്കളുടെ മുൻഗണന മോശം വിൽപ്പനയ്ക്ക് കാരണമാകാം.

എന്നിരുന്നാലും, അരങ്ങേറ്റം മുതൽ ഏതാനും വർഷങ്ങളായിട്ടും യാരിസ് മോഡലുകൾ അത്രയൊന്നും ശ്രദ്ധിക്കപ്പെടാത്ത രീതിയിൽ തുടരുകയാണ്.

MOST READ: നാട്ടിലേക്ക് പറക്കാം സൗജന്യമായി; സ്‌നേഹസമ്മാനവുമായി ഖത്തര്‍ എയര്‍വേയ്സ്

ഉൽ‌പാദനത്തിലും വിൽ‌പനയിലുമുള്ള പുനരാരംഭം മുതലെടുത്ത് ടൊയോട്ട യാരിസ് വലിയ കിഴിവോടെ വാഗ്ദാനം ചെയ്യുന്നു. 20,000 രൂപ ക്യാഷ് ഡിസ്‌കൗണ്ടും കൂടാതെ 20,000 രൂപ കോർപ്പറേറ്റ് ഡിസ്‌കൗണ്ടും മറ്റ് വാഹനങ്ങൾ എക്സചേഞ്ച് ചെയ്യുന്നതിന് 20,000 രൂപ ലോയൽറ്റി ബോണസും നിർമ്മാതാക്കൾ വാഗ്ദാനം ചെയ്യുന്നു. ടൊയോട്ട യാരിസ് സെഡാന് ഒരു റഫറൻസ് സ്കീമും നൽകുന്നുണ്ട്.

ഒരു പുതിയ ഉപഭോക്താവിനെ റെഫർ ചെയ്യുന്ന നിലവിലുള്ള യാരിസ് ഉപഭോക്താവിന് 20,000 രൂപ ആനുകൂല്യങ്ങൾ ലഭിക്കും. ഈ തുക ചില നടപടിക്രമങ്ങൾക്ക് ശേഷം ഡീലർഷിപ്പുകളിൽ ക്ലെയിം ചെയ്യാനും കഴിയും.

MOST READ: സാനിറ്റൈസറുകൾ വാഹനത്തിനുള്ളിൽ സൂക്ഷിക്കുന്നത് അപകടം!

TKM ഓഹരി പതിനായിരം രൂപയും ശുപാർശ ചെയ്യുന്ന ഡീലർ‌ ഷെയർ‌ 10,000 രൂപയും ചേർന്നാണിത്. യാരിസിന് മൊത്തം ലഭിക്കുന്നത് 60,000 രൂപയുടെ ആനുകൂല്യങ്ങളാണ്.

അതേസമയം, ഗ്ലാൻസ 35,000 രൂപ കിഴിവോടെ വാങ്ങാൻ സാധിക്കും. 15,000 രൂപ ക്യാഷ് ഡിസ്‌കൗണ്ട് 5,000 കോർപ്പറേറ്റ് കിഴിവും 15,000 രൂപ എക്സ്ചേഞ്ച് ബോണസുമാണ്. ബ്രാൻഡിന്റെ ആഭ്യന്തര വാഹന നിരയിലെ മറ്റ് മോഡലുകൾക്കൊന്നും യാതൊരു തരത്തിലുള്ള കിഴിവുകളും ലഭിക്കുന്നില്ല.