Just In
- 4 min ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 11 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 13 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 14 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
Don't Miss
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
- News ചൂട് കുറയില്ല, 10 ജില്ലകളിൽ മുന്നറിയിപ്പ്; നിരാശ വേണ്ട, ആശ്വാസമായി വേനൽ മഴയും..
- Movies കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര!
- Sports IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം?
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
രണ്ടാം ഊഴത്തിന് ഒരുങ്ങി Ford Endeavour; ബൈ ടർബോ ഡീസൽ എഞ്ചിനുമായി എസ്യുവി മടങ്ങിയെത്തിയേക്കും
എൻഡവർ ഇന്ത്യയിൽ നിന്നും പിൻവാങ്ങിയപ്പോൾ ആകെ നിരാശരായത് രാജ്യത്തെ ഹാർഡ്കോർ എസ്യുവി പ്രേമികൾ തന്നെയാണ്. ഇത്രയും മനോഹരമായ ഓഫ്-റോഡ്, ഓൺ-റോഡ് ശേഷിയുള്ള മികച്ച വാഹനം നമ്മുടെ നിരത്തുകളിൽ തന്നെ വളരെ കുറവാണെന്നതു തന്നെയാണ് ഇതിനുള്ള കാരണവും.
ഏത് മലയും കുന്നും താണ്ടാൻ കെൽപ്പുള്ളവനായിരുന്നു ഫോർഡ് എൻഡവർ. എന്നാൽ സ്പോർട്സ് യൂട്ടിലിറ്റി വാഹന പ്രേമികളെ ആവേശത്തിലാക്കി എൻഡവർ ഒരു തിരിച്ചുവരവിന് ഒരുങ്ങുന്നതായാണ് റിപ്പോർട്ട്. പുത്തുവരുന്ന വാർത്തകൾ അനുസരിച്ച് കംപ്ലീറ്റ്ലി ബിൽറ്റ്-അപ്പ് (CBU) റൂട്ട് വഴി എൻഡവർ ഫുൾ സൈസ് എസ്യുവിയെ തിരികെയെത്തിക്കാൻ പദ്ധയിടുകയാണ് അമേരിക്കൻ വാഹന നിർമാതാക്കളായ ഫോർഡ്.
പൂർണമായ ഇറക്കുമതി ആയതിനാൽ നിർത്തലാക്കിയ മോഡലിനേക്കാൾ വളരെ ഉയർന്ന വിലയായിരിക്കുമെന്നാണ് റിപ്പോർട്ട്. എന്നിരുന്നാലും മോശമല്ലാത്ത വിൽപ്പന നേടാൻ ഇത്തരത്തിലും എൻഡവറിന് സാധിക്കുമെന്നാണ് കമ്പനിയുടെ വിലയിരുത്തൽ. എന്നാൽ 2.0 ലിറ്റർ ട്വിൻ ടർബോചാർജ്ഡ് ഡീസൽ എഞ്ചിനിലാണ് ഏഴ് സീറ്റർ എസ്യുവി രണ്ടാം വരവിൽ ഉപയോഗിക്കുകയെന്നാണ് സൂചന.
ഇതിനെ എവറസ്റ്റ് എന്ന് വിളിക്കാമെന്ന് റിപ്പോർട്ടിൽ പറയുന്നുണ്ടെങ്കിലും എത്തിച്ചേരുമ്പോൾ അത് എൻഡവർ നെയിംപ്ലേറ്റിനൊപ്പം തുടരുമെന്നാണ് പ്രതീക്ഷിക്കുന്നത്. 2.0 ലിറ്റർ ബൈ-ടർബോ ഓയിൽ ബർണർ എഞ്ചിൻ പരമാവധി 211 bhp കരുത്തിൽ 500 Nm torque ഉത്പാദിപ്പിക്കാൻ വരെ പ്രാപ്തമായിരിക്കും എന്നതും പ്രധാന ശ്രദ്ധാകേന്ദ്രമാകും. പത്ത് സ്പീഡ് ഓട്ടോമാറ്റിക് ഗിയർബോക്സുമായാണ് ഈ പുതിയ ഡീസൽ യൂണിറ്റ് ജോടിയാക്കിയിരിക്കുന്നത്.
പിൻമാറ്റം പ്രഖ്യാപിക്കുന്ന വേളയിൽ എൻഡവറിൽ 2.0 ലിറ്റർ 4 സിലിണ്ടർ, സിംഗിൾ ടർബോ ഡീസൽ എഞ്ചിനാണ് ഫോർഡ് വാഗ്ദാനം ചെയ്തിരുന്നത്. ഈ എഞ്ചിൻ 168 bhp പവറിൽ 420 Nm torque വികസിപ്പിക്കാൻ ശേഷിയുള്ളതായിരുന്നു. ഓട്ടോമാറ്റിക് ഗിയർബോക്സിൽ മാത്രം വിപണിയിൽ എത്തിയിരുന്ന വാഹനത്തിൽ 13.9 കിലോമീറ്റർ മൈലേജാണ് കമ്പനി അവകാശപ്പെട്ടിരുന്നതും.
അടുത്ത വർഷം എപ്പോഴെങ്കിലും മസ്താങ് ജിടി, മസ്താങ് മാക്-ഇ എന്നിവയുൾപ്പെടെ എട്ട് സിബിയു മോഡലുകൾ ബ്ലൂ ഓവൽ പുറത്തിറക്കുമെന്നും റിപ്പോർട്ടുണ്ട്. അന്താരാഷ്ട്ര വിപണികളെ സംബന്ധിച്ചിടത്തോളം ഏറ്റവും പുതിയ F-150 പിക്കപ്പ് ട്രിക്കിൽ നിന്ന് പ്രചോദനം ഉൾക്കൊണ്ട് രൂപകല്പന ചെയ്ത് വളരെയധികം പുതുമകളോടെ എത്തുന്ന എൻഡവറിലും കമ്പനി പ്രവർത്തിക്കുന്നുണ്ട്.
വാർത്തകൾ ശരിയാണെങ്കിൽ ഇതിന് പ്ലഗ്-ഇൻ ഹൈബ്രിഡ് ഓപ്ഷനും ലഭിക്കും. ഇന്ത്യയിൽ നിന്നും പിൻമാറുന്നതായി പ്രഖ്യാപിച്ചതിന് ശേഷം ഫോർച്യൂണറിനൊപ്പം ഫുൾ സൈസ് എസ്യുവി സെഗ്മെന്റിന്റെ മുകളിൽ ടൊയോട്ട അതിന്റെ നേട്ടം കൂടുതൽ വിപുലീകരിച്ചു. അടുത്തിടെ ലെജൻഡർ ഓട്ടോമാറ്റിക്കിന്റെ 4×4 പതിപ്പും ജാപ്പനീസ് ബ്രാൻഡ് അവതരിപ്പിച്ചിരുന്നു.
എൻഡവർ വിൽപ്പനയ്ക്കെത്തിയപ്പോൾ മത്സരാധിഷ്ഠിതമായി വില നിശ്ചയിച്ചാണ് ഫോർഡ് ശ്രദ്ധയാകർഷിച്ചത്. എന്നാൽ രണ്ടാംവരവിൽ ഒരു CBU ഇറക്കുമതിയായി മാറുമ്പോൾ വിലനിർണയ തന്ത്രം എത്തരത്തിലാകുമെന്ന് കാത്തിരുന്നു തന്നെ കാണേണ്ടി വരും. സാധാരണയായി കംപ്ലീറ്റ്ലി ബിൽറ്റ്-അപ്പ് യൂണിറ്റുകളായി വിദേശത്ത് നിന്നും ഇന്ത്യയിലേക്ക് കൊണ്ടുവരുന്ന മോഡലുകൾ ഉയർന്ന നികുതി കാരണം വില കൂടുതലാണ് ഈടാക്കാറുള്ളത്.
മുൻകാലങ്ങളിൽ നമ്മൾ കണ്ടതുപോലെ വിലനിർണയം ഒരു വാഹനത്തിന്റെ വിൽപ്പനയുടെ പ്രധാന കേന്ദ്രമാണ്. റിപ്പോർട്ടുകൾ ശരിയാണെങ്കിൽ എൻഡവർ 2022-ൽ ആഭ്യന്തര വിപണിയിൽ ഇറക്കുമതി മോഡലായി സമാരംഭിക്കും. നേരത്തെ എൻഡവർ, ഇക്കോസ്പോർട്ട് എന്നീ രണ്ട് വ്യത്യസ്ത എസ്യുവി മോഡലുകളുടെ വിൽപ്പനയിലാണ് ഫോർഡ് രാജ്യത്ത് പിടിച്ചുനിന്നിരുന്നത്.
എന്നാൽ പല കാരണങ്ങളാലും ഈ വർഷം നാലാം പാദത്തോടെ ഗുജറാത്തിലെ സനന്ദ്, അടുത്ത വർഷം രണ്ടാം പാദത്തോടെ തമിഴ്നാട്ടിലെ ചെന്നൈയ്ക്കടുത്തുള്ള മറൈമല എന്നിവിടങ്ങളിലെ ഉത്പാദനം കേന്ദ്രങ്ങളാണ് അടച്ചുപൂട്ടാൻ തീരുമാനിക്കുകയായിരുന്നു. തുടർന്ന പൂർണമായും ഇറക്കുമതി മോഡലുകളിലേക്ക് ശ്രദ്ധ ഊന്നാനാണ് അമേരിക്കൻ ബ്രാൻഡ് തീരുമാനിച്ചത്.
1995 ലാണ് മഹീന്ദ്ര ഫോർഡ് ഇന്ത്യ ലിമിറ്റഡ് (MFIL) എന്ന പേരിൽ ഫോർഡ് മോട്ടോർ ഇന്ത്യയിൽ പ്രവർത്തനം ആരംഭിക്കുന്നത്. വിപണിയിൽ നിന്നും പിൻമാറുന്നതിനു മുമ്പായി ഫിഗോ, ആസ്പയർ, ഫ്രീസ്റ്റൈൽ, ഇക്കോസ്പോർട്ട്, എൻഡവർ, മസ്താങ് എന്നീ മോഡലുകളാണ് ഫോർഡ് പ്രധാനമായും വിൽപ്പനയ്ക്ക് എത്തിച്ചിരുന്നത്. ഇവയ്ക്കായുള്ള പിന്തുണ അടുത്ത പത്ത് വർഷത്തേക്കും കമ്പനി നൽകും.
തുടർന്ന് ഒരു പൂർണ ഇറക്കുമതി ബ്രാൻഡായി ഇന്ത്യയിൽ അറിയപ്പെടാനാണ് ഫോർഡ് ആഗ്രഹിക്കുന്നത്. ഇറക്കുമതി വഴി മസ്താങ് പോലുള്ള ചില പ്രധാന ഉൽപ്പന്നങ്ങൾ ഇനിയും വാഗ്ദാനം ചെയ്യുമെന്നും മാക്-ഇ പോലുള്ള പുതിയ ഹൈബ്രിഡ്, പൂർണ ഇലക്ട്രിക് വാഹനങ്ങൾ ഇന്ത്യക്കായി കൊണ്ടുവരുമെന്നും ഫോർഡ് ഉറപ്പുനൽകിയിട്ടുണ്ട്. എന്നാൽ ഇവ എത്രത്തോളം പ്രായോഗികമാണെന്ന് കാത്തിരുന്നു കാണേണ്ടി വരും.