Click it and Unblock the Notifications
2021 ക്രെറ്റയ്ക്ക് പുത്തൻ ഫീച്ചറുകളും കണക്റ്റിവിറ്റി അപ്പ്ഡേറ്റുകളുമായി ഹ്യുണ്ടായി
കൊറിയൻ വാഹന നിർമാതാക്കളായ ഹ്യുണ്ടായി ഇന്ത്യൻ വിപണിയിൽ പുതിയ ക്രെറ്റയുടെ വകഭേദങ്ങൾ പുതുക്കുന്നതായി റിപ്പോർട്ടുകൾ സൂചിപ്പിക്കുന്നു. 2021 ഹ്യുണ്ടായി ക്രെറ്റ എസ്യുവിക്ക് ഉടൻ തന്നെ നിരവധി പുതിയ സവിശേഷതകൾ ലഭിക്കുമെന്നും നിലവിലുള്ള ചിലത് ഇല്ലാതാകുമെന്നും റിപ്പോർട്ട് അവകാശപ്പെടുന്നു.
പുതിയ അപ്ഗ്രേഡുകളിലൂടെ, മത്സര വിപണിയിലെ വിൽപ്പന കൂടുതൽ ഉയർത്താൻ ഹ്യുണ്ടായി ലക്ഷ്യമിടുന്നു. വിപണി പ്രവണതകളും ഉപഭോക്തൃ ഫീഡ്ബാക്കും അടിസ്ഥാനമാക്കിയാവും കമ്പനി മാറ്റങ്ങൾ വരുത്തുന്നത്.
എൻട്രി ലെവൽ ക്രെറ്റ E വേരിയന്റിൽ ചില സവിശേഷതകൾ നീക്കംചെയ്യുമ്പോൾ, മറ്റ് വേരിയന്റുകൾക്ക് പുതിയ സവിശേഷതകൾ ലഭിക്കും. റേഞ്ച്-ടോപ്പിംഗ് SX, SX (O) ട്രിമ്മുകൾക്ക് പുതിയ കണക്റ്റിവിറ്റി ഓപ്ഷനുകൾ ലഭിക്കും.
MOST READ: വിൽപ്പന വർധിപ്പിക്കണം, തെരഞ്ഞെടുത്ത മോഡലുകൾക്ക് ഓഫറുകളും ആനുകൂല്യങ്ങളുമായി ടാറ്റ
കണക്റ്റിവിറ്റി സവിശേഷതകളിൽ ഇൻഫോടെയ്ൻമെന്റ് സിസ്റ്റത്തിനായി ഓവർ-ദി-എയർ (OTA) അപ്ഡേറ്റുകൾ ഉണ്ടായിരിക്കും. പവർ വിൻഡോ കൺട്രോൾ, കോൺടാക്റ്റ് വിശദാംശങ്ങൾ വീണ്ടെടുക്കൽ, സെർച്ച് ഓപ്ഷൻ മുതലായ പുതിയ വോയ്സ് കമാൻഡുകളെയും വാഹനം പിന്തുണയ്ക്കും.
ടോപ്പ് എൻഡ് വേരിയന്റുകൾക്ക് റിമോർട്ട് എഞ്ചിൻ സ്റ്റാർട്ടുള്ള പുതിയ സ്മാർട്ട് കീയും ഡാഷ്ബോർഡിൽ സോഫ്റ്റ് പെയിന്റ് ഫിനിഷും ലഭിക്കും.
മിഡ് ലെവൽ EX, S ട്രിമ്മുകളുടെ ഇൻഫോടെയ്ൻമെന്റ് സിസ്റ്റം വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയെ പിന്തുണയ്ക്കും. മറുവശത്ത്, അടിസ്ഥാന E ട്രിമ്മിന് ഇലക്ട്രിക്കലി ക്രമീകരിക്കാവുന്ന പുറത്തെ റിയർ വ്യൂ മിററുകൾ നഷ്ടപ്പെടുന്നു.
ലഗേജ് ലാമ്പ്, പാസഞ്ചർ സീറ്റ് ബാക്ക് പോക്കറ്റ് എന്നിവയും ഈ വേരിയന്റിന് നഷ്ടമാകും. ടേൺ ഇന്റിക്കേറ്ററുകൾ ഫ്രണ്ട് ഫെൻഡറുകളിലേക്ക് മാറ്റി സ്ഥാപിച്ചിരിക്കുന്നു.
MOST READ: കുലുക്കമില്ലാതെ ഫോർച്യൂണറും, എൻഡവറും; 2021 ഏപ്രിൽ ഫുൾ-സൈസ് എസ്യുവി വിൽപ്പന ഇങ്ങനെ
ദിവസത്തിലെ സമയം അനുസരിച്ച് ഉടമ കാർ സ്റ്റാർട്ടാക്കുമ്പോൾ ഹ്യുണ്ടായി പുതിയ വോയിസ് ഗ്രീറ്റിംഗുകളും അവതരിപ്പിച്ചു. സീറ്റ് ബെൽറ്റ് ധരിക്കാനുള്ള റിമൈൻഡറായും വോയിസ് ഗ്രീറ്റിംഗുകൾ പ്രവർത്തിക്കുന്നു.
2021 ഏപ്രിൽ അവസാനത്തോടെ ഹ്യുണ്ടായി പുതിയ ക്രെറ്റയുടെ വില ഉയർത്തിയിരുന്നു. അടിസ്ഥാന വേരിയന്റിന്19,600 രൂപ ഉയർത്തി നിലവിൽ 9.99 ലക്ഷം രൂപ എക്സ്-ഷോറൂം വിലയ്ക്ക് എത്തുന്നു.
MOST READ: 22 ഇഞ്ചിന്റെ കൂറ്റന് അലോയ് വീലും സ്പോര്ട്ടി ലുക്കും; മഹീന്ദ്ര ഥാര് ഒരുങ്ങിയത് ഇങ്ങനെ
ബേസ് 1.5 ലിറ്റർ E ഡീസൽ മോഡലിന് 19,600 രൂപയും മറ്റ് വേരിയന്റുകൾക്ക് 13,600 രൂപയുമാണ് വില ഉയർത്തിയിരിക്കുന്നത്. 9.99 ലക്ഷം മുതൽ 17.67 ലക്ഷം രൂപ വരെ എക്സ്-ഷോറൂം വിലയിൽ പെട്രോൾ ശ്രേണി ലഭ്യമാണ്. ഡീസൽ ക്രെറ്റയുടെ വില 10.51 ലക്ഷം മുതൽ 17.62 ലക്ഷം രൂപ വരെയാണ്.
113 bhp, 1.5 ലിറ്റർ, നാച്ചുറലി ആസ്പിറേറ്റഡ് പെട്രോൾ, 138 bhp, 1.4 ലിറ്റർ ടർബോ പെട്രോൾ, 113 bhp, 1.5 ലിറ്റർ ടർബോ ഡീസൽ എന്നിങ്ങനെ മൂന്ന് എഞ്ചിൻ ഓപ്ഷനുകൾ 2021 ഹ്യുണ്ടായി ക്രെറ്റയിൽ ലഭ്യമാണ്.
Source: Rushlane
Continue with Google