പുത്തൻ ലോഗോയുമായി കിയ സോനെറ്റ് ഡീലർഷിപ്പുകളിൽ എത്തിത്തുടങ്ങി

സെഗ്‌മെന്റിലെ ഏറ്റവും പ്രീമിയം, ഫീച്ചർ-ലോഡഡ് ക്രോസ്ഓവറുകളിൽ ഒന്നാണ് സോനെറ്റ്. ഈ മാസം അവസാനത്തോടെ കിയ ഇന്ത്യ പുതുക്കിയ സോനെറ്റ്, സെൽറ്റോസ് എസ്‌യുവികളെ ഇന്ത്യയിൽ അവതരിപ്പിക്കും.

ഈ വർഷം ആദ്യം ആഗോളതലത്തിൽ അനാച്ഛാദനം ചെയ്ത പുതിയ കിയ ലോഗോയുടെ കൂട്ടിച്ചേർക്കലാണ് ഏറ്റവും വലിയ പരിഷ്ക്കാരങ്ങളിലൊന്ന്. പുതിയ ലോഗോയുള്ള കിയ സോനെറ്റിന്റെ ആദ്യ യൂണിറ്റുകൾ ഇന്ത്യയിലെ ഡീലർഷിപ്പുകളിൽ എത്തിത്തുടങ്ങിയിട്ടുമുണ്ട്.

MOST READ: പുത്തൻ ഇവോസ് എസ്‌യുവിയെ ഷാങ്ഹായ് ഓട്ടോ ഷോയിൽ അവതരിപ്പിച്ച് ഫോർഡ്

ഇതിന്റെ ചിത്രങ്ങളും റഷ്‌ലൈൻ ഇപ്പോൾ പുറത്തുവിട്ടിട്ടുണ്ട്. ലോഗോയുടെ കൂട്ടിച്ചേർക്കലിനു പുറമെ ഒരു ചെറിയ വേരിയന്റ് നവീകരണവും മോഡലുകൾക്ക് ലഭിക്കും. HTK+ ഡിസിടി ടർബോ പെട്രോൾ, HTK പ്ലസ് ഓട്ടോമാറ്റിക് ഡീസൽ എന്നിവ നിർത്താൻ പോകുകയാണെന്ന് കിയ ഇന്ത്യ ഈ മാസം ആദ്യം വെളിപ്പെടുത്തിയിരുന്നു.

ഇതിനുപകരമായി HTX ഡിസിടി പെട്രോളും HTX ഓട്ടോമാറ്റിക് ഡീസൽ വേരിയന്റും കമ്പനി പുറത്തിറക്കും. ഫീച്ചർ പട്ടികയിൽ വലിയ മാറ്റങ്ങളൊന്നും ഉണ്ടാകില്ല. വയർലെസ് ഫോൺ ചാർജർ, 7-സ്പീക്കർ ബോസ് സ്റ്റീരിയോ സിസ്റ്റം, ഇലക്ട്രിക് സൺറൂഫ് തുടങ്ങിയ പ്രധാന സവിശേഷതകളെല്ലാം അതേപടി കമ്പനി നിലനിർത്തും.

MOST READ: ഉയർന്ന ഡിമാൻഡ്; ചെന്നൈ പ്ലാന്റിൽ ഉത്പാദനം വർധിപ്പിക്കാനൊരുങ്ങി നിസാൻ

അതോടൊപ്പം തന്നെ ആംബിയന്റ് ലൈറ്റിംഗ്, ക്രൂയിസ് കൺട്രോൾ, ഓട്ടോമാറ്റിക് ക്ലൈമറ്റ് കൺട്രോൾ, റിയർ എസി വെന്റുകൾ, കണക്റ്റുചെയ്ത കാർ ടെക്, എഞ്ചിൻ സ്റ്റാർട്ട്-സ്റ്റോപ്പ് എന്നിവ സോനെറ്റിന്റെ നിലവിലെ സവിശേഷതകളാണ്. ഇതും വാഹനത്തിൽ അതേപടി നിലനിർത്തും.

1.2 നാച്ചുറലി ആസ്പിറേറ്റഡ് പെട്രോൾ, 1.0 ലിറ്റർ ടർബോ പെട്രോൾ, 1.5 ലിറ്റർ ടർബോ-ഡീസൽ യൂണിറ്റ് എന്നിവയാണ് സബ് കോംപാക്‌ട് എസ്‌യുവി വാഗ്ദാനം ചെയ്യുന്ന എഞ്ചിൻ ഓപ്ഷനുകൾ. ഗിയർബോക്‌സ് ശ്രേണിയിൽ മാനുവൽ, ഡിസിടി ഓട്ടോമാറ്റിക്, iMT, എന്നിവയും അണിനിരത്തുന്നുണ്ട് കമ്പനി.

MOST READ: പരിഷ്കരിച്ച 2022 ES ഫെയ്‌സ്‌ലിഫ്റ്റ് അവതരിപ്പിച്ച് ലെക്സസ്

സുരക്ഷയുടെ കാര്യത്തിൽ ആറ് എയർബാഗുകൾ, ഇബിഡിയുള്ള എബിഎസ്, ഫ്രണ്ട്, റിയർ പാർക്കിംഗ് സെൻസറുകൾ, ട്രാക്ഷൻ കൺട്രോൾ, ഇലക്ട്രോണിക് സ്റ്റെബിലിറ്റി കൺട്രോൾ, ടയർ പ്രഷർ മോണിറ്ററിംഗ് സിസ്റ്റം, ഹിൽ-സ്റ്റാർട്ട് അസിസ്റ്റ് എന്നിവയും അതിലേറെയും സവിശേഷതകളാണ് കിയ ഉൾപ്പെടുത്തിയിരിക്കുന്നത്.

ഏപ്രിൽ 27-ന് കിയ ഇന്ത്യ പുതിയ സോനെറ്റും സെൽറ്റോസും പുറത്തിറക്കുമെന്നാണ് പ്രതീക്ഷിക്കുന്നത്. ഈ രണ്ട് കാറുകളിലും കിയയുടെ പുതിയ ലോഗോ ഉണ്ടായിരിക്കും. പുതിയ ബ്രാൻഡ് ലോഗോ എക്സ്റ്റീരിയറുകൾ, വീൽ ക്യാപ്സ്, ഇന്റീരിയർ, സ്റ്റിയറിംഗ് വീൽ എന്നിവയിൽ കാണാനാകും. സോനെറ്റിനെപ്പോലെ സെൽറ്റോസിനും പുതിയ വേരിയന്റുകൾ ലഭിക്കും.