Just In
- 13 min ago കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
- 12 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 13 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 14 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
Don't Miss
- News ഇസ്രായേല് മിസൈല് ഇറാന് വിമാനത്താവളത്തില് പതിച്ചു: ഇനി തുറന്ന യുദ്ധമോ? ആശങ്ക
- Technology റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു
- Sports IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ്
- Movies 'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പുതിയമുഖം; മഹീന്ദ്ര ബൊലേറോ നിയോ വിപണിയിൽ, വില 8.48 ലക്ഷം രൂപ
അഭ്യൂഹങ്ങൾക്കെല്ലാം വിടനൽകി മഹീന്ദ്രയുടെ ഏറ്റവും പുതിയ ബൊലേറോ നിയോയെ വിപണിയിൽ അവതരിപ്പിച്ച് മഹീന്ദ്ര. 8.48 ലക്ഷം രൂപയുടെ പ്രാരംഭ എക്സ്ഷോറൂം വിലയോടെയാണ് കോംപാക്ട് എസ്യുവിയെ കമ്പനി വിപണിയിൽ എത്തിച്ചിരിക്കുന്നത്.
അടിസ്ഥാനപരമായി TUV300 സബ് കോംപാക്ട് എസ്യുവിയുടെ പുതുക്കിയ ഫെയ്സ്ലിഫ്റ്റ് പതിപ്പാണ് മഹീന്ദ്ര ബൊലേറോ നിയോ. എന്നാൽ അകത്തും പുറത്തും നിരവധി പരിഷ്ക്കാരങ്ങളോടെയാണ് വാഹനം പുനരവതരിച്ചിരിക്കുന്നത്.
ബൊലേറോ നിയോയുടെ വില പ്രഖ്യാപനം നേരത്തെ ജൂലൈ 15-ന് നിശ്ചയിച്ചിരുന്നെങ്കിലും അരങ്ങേറ്റം നേരത്തെയാക്കുകയായിരുന്നു. മന്ദഗതിയിൽ വിറ്റുപോയിരുന്ന TUV300 എസ്യുവിയുടെ പേരിലൂടെ മാറ്റിപരീക്ഷിക്കാനാണ് കമ്പനിയുടെ ഈ പുതിയ നീക്കം.
ജനപ്രിയ ബൊലേറോയുടെ പേര് വാഹനത്തിലേക്ക് പുതിയ ഉപഭോക്താക്കളെ എത്തിച്ചേക്കും. മഹീന്ദ്ര ബൊലേറോ നിയോയ്ക്ക് പുതുമയുള്ള രൂപം ലഭിക്കുന്നത് വളരെ സ്വീകാര്യമായ മാറ്റമാണ്. ഹെഡ്ലൈറ്റുകൾ ഉൾപ്പടെയുള്ള കാര്യങ്ങളിൽ പരിഷ്ക്കാരം നടപ്പിലാക്കിയത് ഒരു പുതുമയിലേക്ക് നയിച്ചിട്ടുണ്ട്.
മുകളിലെ പകുതിയിൽ സ്ഥാപിച്ചിരിക്കുന്ന എൽഇഡി ഡിആർഎല്ലുകൾക്കൊപ്പം ഹെഡ്ലൈറ്റുകൾ വളരെ മെലിഞ്ഞതായി തോന്നുന്നു. പുതിയ ഫോഗ് ലാമ്പുകൾ ഉപയോഗിച്ചിട്ടുള്ള ഫ്രണ്ട് ബമ്പറും മനോഹരമാണ്. മഹീന്ദ്രയുടെ പുതിയ ആറ് സ്ലാറ്റ് ക്രോം ഗ്രിൽഡ് ഡിസൈനും ഭംഗിയായിട്ടുണ്ട്.
വശക്കാഴ്ച്ചയിലേക്ക് നോക്കിയാൽ സി-പില്ലർ ഇപ്പോൾ കറുപ്പിലാണ് പൂർത്തിയാക്കിയിരിക്കുന്നത്. അതേസമയം ഡി-പില്ലർ ബോഡി കളറിലും ഒരുക്കി. സ്റ്റാൻഡേർഡ് ബൊലേറോയിൽ നിന്ന് ചില ക്ലാസിക് ഡിസൈൻ സൂചകളും ബൊലേറോ നിയോ കടംകൊണ്ടിട്ടുണ്ട്.
അതിൽ ക്ലാം-ഷെൽ ബോണറ്റ്, സ്ക്വയർ-ഓഫ്, മാർജിൻ ഫ്ലേഡ് വീൽ ആർച്ചുകൾ, എസ്യുവിയുടെ നീളത്തിൽ പ്രവർത്തിക്കുന്ന കട്ടിയുള്ള പ്ലാസ്റ്റിക് ക്ലാഡിംഗ് എന്നിവ ഉൾപ്പെടുന്നു. മറ്റൊരിടത്ത് പുതിയ ഡ്യുവൽ ഫൈവ്-സ്പോക്ക് അലോയ് വീലുകൾ സിൽവറിലാണ് പൂർത്തിയാക്കിയത്.
TUV300 മോഡലിൽ നിന്നുള്ള മേൽക്കൂര റെയിലുകൾ നിയോയിൽ ഉൾപ്പെടുത്തിയിട്ടുമില്ല. ഇനി വാഹനത്തിന്റെ പിൻഭാഗത്തേക്ക് നോക്കിയാൽ ബൊലേറോ നിയോയ്ക്ക് 'ബൊലേറോ' ബ്രാൻഡിംഗും ഒരു സ്പോയ്ലറും ഉള്ള പുതിയ X-ടൈപ്പ് സ്പെയർ വീൽ കവറുമാണ് ലഭിക്കുന്നത്.
ബൊലേറോ നിയോയുടെ അകത്തളത്തെ മാറ്റങ്ങൾ പുറംമോടിയോ പോലെ അത്ര സമഗ്രമല്ല. എന്നിരുന്നാലും പുതുക്കിയ ഡയലുകളുള്ള ഒരു പുതിയ ഇൻസ്ട്രുമെന്റ് ക്ലസ്റ്ററും അതിനിടയിൽ ഒരു പുതിയ MID സ്ക്രീനും എസ്യുവിയെ അൽപം പ്രീമിയമാക്കുന്നുണ്ട്.
ടെക്സ്ചർഡ് ഇഫക്റ്റോടുകൂടിയ പുതിയ ബീജ് ഫാബ്രിക് അപ്ഹോൾസ്റ്ററി, പുതിയ ടിൽറ്റ് ക്രമീകരിക്കാവുന്ന പവർ സ്റ്റിയറിംഗ് വീൽ, രണ്ടാമത്തെ വരി സീറ്റുകൾക്കായി ഹാൻഡ് റെസ്റ്റ് എന്നിവ ഇന്റീരിയറിലെ മറ്റ് നവീകരണങ്ങളിൽ ഉൾപ്പെടുന്നു.
ബ്ലൂടൂത്തിനൊപ്പം 7 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, സ്റ്റിയറിംഗ് മൗണ്ട് ചെയ്ത ഓഡിയോ നിയന്ത്രണങ്ങൾ, ക്രൂയിസ് കൺട്രോൾ, ഇക്കോ മോഡിനൊപ്പം എയർ കണ്ടീഷനിംഗ്, ഫ്രണ്ട് ആം റെസ്റ്റുകൾ, ഉയരം ക്രമീകരിക്കാവുന്ന ഡ്രൈവർ സീറ്റ്, ഇലക്ട്രോണിക് ക്രമീകരിക്കാവുന്ന ഒആർവിഎം എന്നിവയാണ് ബൊലോറോ നിയോയിലെ മറ്റ് സ്റ്റാൻഡേർഡ് സവിശേഷതകൾ.
എബിഎസ്, ഇബിഡി, സിബിസി, ഡ്യുവൽ ഫ്രണ്ട് എയർബാഗുകൾ, റിവേഴ്സിംഗ് പാർക്കിംഗ് സെൻസറുകൾ, ഓപ്ഷണൽ ഐസോഫിക്സ് മൗണ്ടുകൾ എന്നിവ ബൊലേറോ നിയോയിലെ സ്റ്റാൻഡേർഡ് സുരക്ഷാ സവിശേഷതകളിൽ ഉൾപ്പെടുന്നു.
മെക്കാനിക്കൽ ഘടകങ്ങളെല്ലാം മുൻഗാമിയായ TUV300 മോഡലിന് സമാനമാണ്. അതായത് 1.5 ലിറ്റർ ത്രീ സിലിണ്ടർ ഡീസൽ എഞ്ചിനാണ് വാഹനത്തിന് തുടിപ്പേകുന്നത്. എന്നിരുന്നാലും ബിഎസ്-VI മലിനീകരണ മാനദണ്ഡങ്ങൾ പാലിക്കുന്നതിനായി എഞ്ചിൻ പരിഷ്ക്കരണത്തിന് വിധേയമായിട്ടുണ്ട്.
ഈ എഞ്ചിൻ 100 bhp കരുത്തിൽ 260 Nm torque ഉത്പാദിപ്പിക്കാൻ പ്രാപ്തമാണ്. അഞ്ച് സ്പീഡ് മാനുവൽ ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്. കൂടാതെ TUV300 പോലെ തന്നെ ഇന്ധനം ലാഭിക്കാൻ സഹായിക്കുന്ന എഞ്ചിൻ സ്റ്റാർട്ട്-സ്റ്റോപ്പ് സാങ്കേതികവിദ്യയും മഹീന്ദ്ര ബൊലേറോ നിയോ അവതരിപ്പിക്കുന്നു.
ഇന്ധനക്ഷമത വർധിപ്പിക്കുന്നതിനായുള്ള സമർപ്പിത ഇക്കോ ഡ്രൈവ് മോഡും ബൊലേറോ നിയോയുടെ പ്രത്യേകതയാണ്. മൂന്നാം തലമുറ സ്കോർപിയോയുടെ ലാൻഡർ-ഫ്രെയിം ചാസിയിലാണ് ഈ കോംപാക്ട് എസ്യുവിയെ നിർമിച്ചിരിക്കുന്നത്.
സബ് കോംപാക്ട് എസ്യുവി ശ്രേണിയിലെ ആദ്യ ബോഡി-ഓൺ-ഫ്രെയിം എസ്യുവിയായി ബൊലേറോ നിയോ സ്വയം വിശേഷിപ്പിക്കുകയും ചെയ്യുന്നു. ഇത് ഒരു റിയർ-വീൽ ഡ്രൈവ് എസ്യുവി കൂടിയാണെന്നതും ശ്രദ്ധേയമാണ്. എതിരാളി മോഡലുകളിൽ നിന്ന് വേറിട്ടു നിർത്താനും മഹീന്ദ്രയെ ഇത് സഹായിക്കും.
വാഹനത്തിന്റെ ടോപ്പ്-എൻഡ് N10 വേരിയന്റിനെ പോലും മെക്കാനിക്കലി ലോക്കിംഗ് ഡിഫറൻഷ്യൽ കൊണ്ട് സജ്ജീകരിച്ചിരിക്കുന്നുവെന്നതും ആശ്ചര്യപ്പെടുത്തിയിട്ടുണ്ട്. മഹീന്ദ്ര ബൊലേറോ നിയോ സ്റ്റാൻഡേർഡ് ബൊലേറോയ്ക്ക് മുകളിലാണ് സ്ഥാനംപിടിച്ചിരിക്കുന്നത്.
അധിക പ്രകടനവും കൂടുതൽ സുഖസൗകര്യങ്ങളും തേടുന്ന സാധാരണ ബൊലേറോ വാങ്ങുന്നയാൾക്ക് മഹീന്ദ്ര TUV300 എസ്യുവിയുടെ പിൻഗാമിയെ തെരഞ്ഞെടുക്കാം. ബൊലേറോ നിയോയ്ക്ക് അതിന്റെ സെഗ്മെന്റിൽ നേരിട്ടുള്ള എതിരാളികളൊന്നുമില്ല. എന്നാൽ ഈ വില ശ്രേണിയിൽ ഇത് മറ്റ് മോണോകോക്ക് കോംപാക്ട് എസ്യുവികളുമായാണ് ഇതിന്റെ മത്സരം.