Just In
- 1 hr ago പാവങ്ങളുടെ ലംബോർഗിനി ആവാനുള്ള യുദ്ധം ടാറ്റയും സിട്രണും തമ്മിൽ; ഇതിൽ മിടുക്കൻ ആരെന്ന് അറിയാം
- 2 hrs ago 40 കിട്ടിയില്ലെങ്കിലും 30 കിലോമീറ്ററിനടുത്തുണ്ട്! യുകെയില് വില്ക്കുന്ന സ്വിഫ്റ്റിന്റെ മൈലേജ് അറിയാം
- 3 hrs ago റീൽ എടുക്കണം ഗമ കാണിക്കണം, സോഷ്യൽ മീഡിയയിൽ വൈറലാവാൻ നടുറോഡിൽ ഇസൂസുവുമായി അഭ്യാസം
- 4 hrs ago ഇന്ത്യയ്ക്ക് പപ്പടം പായസം, UK-യ്ക്ക് ബീഫ് സ്റ്റീക്കും; 2024 സ്വിഫ്റ്റിന്റെ കാര്യത്തിൽ സുസുക്കിയുടെ നയം ഇങ്ങനെ
Don't Miss
- Movies 'ഗുണ്ടയെയും എന്നെയും ഒരുമിച്ചിരുത്തി, ഗുണ്ടയെ ചോദ്യം ചെയ്യുന്നത് പോലെ എന്നെയും; അമ്മ പറഞ്ഞത് വിഷമിപ്പിച്ചു'
- News വി മുരളീധരന് കെട്ടിവെയ്ക്കാനുള്ള പണം നല്കിയത് യുക്രൈനില് നിന്നും മടങ്ങിയെത്തിയ വിദ്യാർത്ഥികൾ
- Lifestyle അധികം മിനക്കെടാതെ ഹോട്ടല് സ്റ്റൈല് മഷ്റൂം പെപ്പര് ഫ്രൈ
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
എസ്-ക്രോസിനെ തിരിച്ചറിഞ്ഞ് ജനം; ജൂണിലെ വിൽപ്പനയിൽ 52 ശതമാനത്തോളം വർധന
നിലവിൽ ഇന്ത്യയിൽ ചൂടപ്പംപോലെ വിറ്റഴിയുന്ന മോഡലുകളാണ് എസ്യുവികൾ. അതിനാൽ തന്നെ ദിവസങ്ങൾ കഴിയുന്തോറും പുതുപുതു മോഡലുകളാണ് നിരത്തിലേക്ക് എത്തുന്നതും. എന്നാൽ ദീർഘനാളായി മിഡ്-സൈസ് എസ്യുവി ശ്രേണിയിൽ ആരും ശ്രദ്ധിക്കാതെ കിടന്നൊരു മോഡലായിരുന്നു മാരുതി എസ്-ക്രോസ്.
ആധുനിക എതിരാളികൾക്കിടയിൽ നിറംമങ്ങിപോയിരുന്നെങ്കിലും അടുത്തിടെയായി എസ്-ക്രോസിനെ ജനം തിരിച്ചറിഞ്ഞിട്ടുണ്ട്. രാജ്യത്തെ ഏറ്റവും വലിയ കാർ നിർമാതാക്കളിൽ നിന്ന് കൂടുതൽ വിൽക്കപ്പെടുന്ന ഉൽപ്പന്നങ്ങളിൽ ഒന്നായി മാറാനും ക്രോസ്ഓവർ ശൈലിയുള്ള വാഹനത്തിന് സാധിച്ചിട്ടുണ്ട്.
പ്രതിമാസ അടിസ്ഥാനത്തിൽ 2021 ജൂണിൽ 524 ശതമാനത്തിന്റെ ഉയർന്ന വിൽപ്പന വളർച്ചയാണ് എസ്-ക്രോസിന് നേടാൻ കഴിഞ്ഞത്. പോയമാസം മൊത്തം 1,441 യൂണിറ്റുകളാണ് മാരുതി നിരത്തിലെത്തിച്ചിരിക്കുന്നത്.
ആദ്യ കാലങ്ങളിൽ ബിഎസ്-IV ഡീസൽ എഞ്ചിൻ ഉപയോഗിച്ചാണ് എസ്-ക്രോസ് ആരംഭിച്ചതെങ്കിലും പുതിയ ബിഎസ്-VI മലിനീകരണ മാനദണ്ഡങ്ങളിലേക്ക് രാജ്യം മാറിയതോടെ മാരുതി സുസുക്കി ഡീസൽ എഞ്ചിനുകളോട് വിടപറയുകയും ചെയ്തു. തൽഫലമായി എസ്-ക്രോസ് പെട്രോൾ എഞ്ചിനിലേക്ക് ചേക്കേറുകയും ചെയ്തു.
ഇന്ത്യൻ വിപണിയിൽ ഹ്യുണ്ടായി ക്രെറ്റ, കിയ സെൽറ്റോസ് എന്നീ വമ്പൻമാരെല്ലാം വിൽപ്പനയിൽ എസ്-ക്രോസിനേക്കാൾ ഏറെ മുന്നിലാണെങ്കിലും മാന്യമായ വിൽപ്പന വാഹനത്തിനെ തേടിവരുന്നത് ആശ്വാസകരമാണ്.
ഈ വർഷം ജൂണിൽ ഹ്യുണ്ടായി ക്രെറ്റയുടെ മൊത്തം 9,941 യൂണിറ്റുകൾ വിറ്റപ്പോൾ കിയയ്ക്ക് സെൽറ്റോസിന്റെ 8,549 യൂണിറ്റുകളും വിൽക്കാൻ കഴിഞ്ഞു. 1.5 ലിറ്റർ 4-സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിനാണ് എസ്-ക്രോസിന് തുടിപ്പേകുന്നത്.
ഇത് പരമാവധി 105 bhp കരുത്തിൽ 138 Nm torque ഉത്പാദിപ്പിക്കാൻ ശേഷിയുള്ളതാണ്. അഞ്ച് സ്പീഡ് മാനുവൽ അല്ലെങ്കിൽ നാല് സ്പീഡ് ടോഖ് കൺവേർട്ടർ ഓട്ടോമാറ്റിക് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്. 18.55 കിലോമീറ്റർ മൈലേജാണ് മാരുതി സുസുക്കി എസ്-ക്രോസ് വാഗ്ദാനം ചെയ്യുന്നത്.
ആൻഡ്രോയിഡ് ഓട്ടോ, ആപ്പിൾ കാർപ്ലേ പിന്തുണയോടു കൂടിയ ഏഴ് ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, എൽഇഡി പ്രൊജക്ടർ ഹെഡ്ലാമ്പുകൾ, റെയ്ൻ-സെൻസിംഗ് വൈപ്പറുകൾ, പുഷ്-ബട്ടൻ സ്റ്റാർട്ട്-സ്റ്റോപ്പ്, കീ-ലെസ് എൻട്രി, 16-ഇഞ്ച് ഡ്യുവൽ ടോണ അലോയ് വീലുകൾ എന്നിവയാണ് എസ്-ക്രോസിന്റെ പ്രധാന സവിശേഷതകൾ.
കാറിന്റെ സുരക്ഷാ സവിശേഷതകളിലേക്ക് നോക്കിയാൽ ഡ്യുവൽ-ഫ്രണ്ട് എയർബാഗുകൾ, ഇബിഡിയുള്ള എബിഎസ്, റിവേഴ്സ് പാർക്കിംഗ് സെൻസറുകൾ, സീറ്റ് ബെൽറ്റ് റിമൈൻഡർ, ISOFIX ചൈൽഡ് സീറ്റ് മൌണ്ടുകൾ തുടങ്ങിയവും സ്റ്റാൻഡേർഡായി വാഗ്ദാനം ചെയ്യുന്നുണ്ട്.