അവതരണത്തിന് സജ്ജമായി മാരുതി വാഗണ്‍ആര്‍ ഇലക്ട്രിക്; പ്രൊഡക്ഷന്‍ പതിപ്പിന്റെ ചിത്രങ്ങള്‍ ഇതാ

ഇലക്ട്രിക് ഹാച്ച്ബാക്ക് ഈ വര്‍ഷം ഇന്ത്യയില്‍ വിപണിയിലെത്തുമെന്ന് കമ്പനി വ്യക്തമാക്കിയിട്ടുണ്ട്. ഈപ്പോഴിതാ അവതരണത്തിന് മുന്നോടിയായി, വാഗണ്‍ആര്‍ ഇവിയുടെ പ്രോട്ടോടൈപ്പ് പതിപ്പിന്റെ ചിത്രങ്ങള്‍ പുറത്തുവന്നു.

മാരുതി സുസുക്കി കഴിഞ്ഞ വര്‍ഷം രാജ്യത്ത് 50 JDM-സ്‌പെക്ക് പ്രോട്ടോടൈപ്പുകള്‍ അവതരിപ്പിച്ചു, ഇത് വിവിധ സാഹചര്യങ്ങളില്‍ വിവിധ പരിശോധനകള്‍ക്ക് വിധേയമാക്കുമെന്നും കമ്പനി അറിയിച്ചിരുന്നു.

MOST READ: ഇന്ത്യൻ വിപണിയിൽ തരംതാഴ്ത്തിയ മിടുക്കൻ കാറുകൾ; ഇഗ്നിസ് മുതൽ മറാസോ വരെ

മുമ്പത്തെ റിപ്പോര്‍ട്ടുകള്‍ പ്രകാരം, വാണിജ്യപരമായ ഉപയോഗത്തിനും ഫ്‌ലീറ്റ് മാനേജുമെന്റിനുമായി ഇലക്ട്രിക് ഹാച്ച്ബാക്ക് ആദ്യം സമാരംഭിക്കുമെന്ന് വ്യക്തമാക്കിയിരുന്നു. ബ്രാന്‍ഡില്‍ നിന്നും രാജ്യത്തെത്തുന്ന ആദ്യത്തെ സമ്പൂര്‍ണ ഇലക്ട്രിക് വാഹനം കൂടിയാണിത്.

അതേസമയം വാഹനം സംബന്ധിച്ചുള്ള കൂടുതല്‍ വിവരങ്ങള്‍ കമ്പനി ഔദ്യോഗികമായി വെളിപ്പെടുത്തിയിട്ടില്ല. എങ്കിലും ഡിസൈന്‍ ഘടകങ്ങള്‍ ഏറെക്കുറെ നിലവില്‍ വിപണിയില്‍ ഉള്ള മുന്നാംതലമുറ പതിപ്പില്‍ നിന്ന് കടമെടുക്കും.

MOST READ: അന്താരാഷ്‌ട്ര വിപണിയോടും ഗുഡ്-ബൈ പറയാൻ പജേറോ, ഫൈനൽ എഡിഷൻ മോഡലുമായി മിത്സുബിഷി തയാർ

ഇലക്ട്രിക് വാഹനം എന്ന് സൂചിപ്പിക്കുന്നതിനായി പ്രത്യേക ഡിസൈനുകളും വാഹനത്തില്‍ പ്രതീക്ഷിക്കാം. ഹാച്ച്ബാക്കിന്റെ ഇലക്ട്രിക് പവര്‍ട്രെയിനിന്റെ സവിശേഷതകളും ശ്രേണിയും പ്രകടനവും കമ്പനി ഇതുവരെ വെളിപ്പെടുത്തിയിട്ടില്ല.

എന്നിരുന്നാലും, ഇലക്ട്രിക് ഹാച്ച്ബാക്ക് സ്റ്റാന്‍ഡേര്‍ഡ്, ഫാസ്റ്റ് ചാര്‍ജിംഗ് ശേഷികളുമായി വരുമെന്ന് പ്രതീക്ഷിക്കുന്നു. സാധാരണ ചാര്‍ജര്‍ വഴി ഹാച്ച്ബാക്ക് ചാര്‍ജ് ചെയ്യുന്നതിന് ഏഴു മണിക്കൂര്‍ വരെ സമയം എടുക്കുമെന്ന് പ്രതീക്ഷിക്കുന്നു.

MOST READ: വിപണിയിൽ എത്തും മുമ്പേ ഫോക്‌സ്‌വാഗണ്‍ ടൈഗൂണിന്റെ ബുക്കിംഗ് ആരംഭിച്ച് ഡീലമാർ

അതേസമയം ഫാസ്റ്റ് ചാര്‍ജര്‍ ഉപയോഗിച്ച് ഒരു മണിക്കൂറില്‍ 0 മുതല്‍ 80 ശതമാനം വരെ ചാര്‍ജ് ബാറ്ററി ചാര്‍ജ് ചെയ്യുമെന്നാണ് പ്രതീക്ഷിക്കുന്നത്. പൂര്‍ണ ചാര്‍ജില്‍ പരമാവധി 200 കിലോമീറ്ററിലധികം ഡ്രൈവിംഗ് ശ്രേണി വാഗണ്‍ആര്‍ ഇവി അവതരിപ്പിക്കുമെന്നും പ്രതീക്ഷിക്കുന്നു.

ഇത് രാജ്യത്ത് വ്യക്തിഗതവും വാണിജ്യപരവുമായ ഉപയോഗത്തിന് അനുയോജ്യമായ കാറായി മാറും. വയര്‍ലെസ് ഫോണ്‍ കണക്റ്റിവിറ്റിയുള്ള വലിയ ടച്ച് സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, പൂര്‍ണ്ണ ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, കണക്റ്റുചെയ്ത സാങ്കേതികവിദ്യ ഉള്‍പ്പെടെ നിരവധി ആധുനിക സവിശേഷതകളും വാഗണ്‍ആര്‍ ഇവി വാഗ്ദാനം ചെയ്യും.

MOST READ: പരിഷ്ക്കരിച്ച സെൽറ്റോസ്, സോനെറ്റ് മോഡലുകൾക്കായുള്ള ഡെലിവറി ആരംഭിച്ച് കിയ ഇന്ത്യ

ഈ വര്‍ഷം രാജ്യത്ത് വിപണിയിലെത്തുമെന്ന് പ്രതീക്ഷിക്കുന്ന ഇലക്ട്രിക് കാറുകളില്‍ ഒന്നാണ് വാഗണ്‍ആര്‍ ഇലക്ട്രിക്. രാജ്യത്തെ ഏറ്റവും താങ്ങാനാവുന്ന ഇലക്ട്രിക് കാര്‍ ആയിരിക്കും ഇതെന്നും റിപ്പോര്‍ട്ടില്‍ പറയുന്നു.

അവതരിപ്പിച്ചു കഴിഞ്ഞാല്‍, മാരുതി സുസുക്കി വാഗണ്‍ആര്‍ ഇലക്ട്രിക്, ടാറ്റ ടിഗോര്‍ ഇവി, വരാനിരിക്കുന്ന മഹീന്ദ്ര KUV100, ഓല ഇലക്ട്രിക് കാര്‍ എന്നിവയ്‌ക്കെതിരെയാകും മത്സരിക്കുക.

Image Courtesy: Prabhat Rana/Rushlanespylance