മെർസിഡീസ് ശ്രേണിയിൽ എസ്‌യുവികളേക്കാൾ പ്രിയം സെഡാനുകളോട്, ഈ വർഷം ആദ്യ പാദത്തിലെ വിൽപ്പന ഇങ്ങനെ

എങ്ങനെയെന്നല്ലേ? വേറൊന്നുമല്ല കമ്പനിയുടെ ഈ വർഷം ആദ്യ പാദത്തിലെ വിൽപ്പന കണക്കുകൾ ഒന്നു പരിശോധിച്ചാൽ മതിയാകും. സെഡാനുകൾക്ക് ഇനിയും രാജ്യത്ത് ഭാവിയുണ്ടെന്ന് തെളിയിക്കുന്നതാണ് മെർസിഡീസ് ബെൻസിന്റെ വിൽപ്പന കണക്കുകൾ തെളിയിക്കുന്നത്.

2021 വർഷത്തിന്റെ ആദ്യ പാദത്തിൽ 34 ശതമാനം വിൽപ്പന വളർച്ചയാണ് കമ്പനി നേടിയിരിക്കുന്നത്.ഈ വർഷം ആദ്യ മൂന്ന് മാസങ്ങളിൽ വിറ്റ മെർസിഡീസ് കാറുകളിൽ പകുതിയിലധികം സെഡാനുകളാണ്.

MOST READ: മാഗ്നൈറ്റിന് വീണ്ടും ചെലവേറും; 33,000 രൂപ വില വർധനയുമായി നിസാൻ

ഈ വർഷം ജനുവരി മുതൽ മാർച്ച് വരെ 3,193 യൂണിറ്റ് വാഹനങ്ങളാണ് കമ്പനി ആഭ്യന്തര നിരത്തിലെത്തിച്ചത്. കഴിഞ്ഞ വർഷം ഇതേ കാലയളവിൽ വിറ്റ 2,386 യൂണിറ്റിനെ അപേക്ഷിച്ച് 34 ശതമാനം വർധനവാണിത്.

എന്നിരുന്നാലും മാർച്ച് മൂന്നാം വാരം മുതൽ ഇന്ത്യ രാജ്യവ്യാപകമായി ലോക്ക്ഡൗണിലേക്ക് കടന്നുവെന്ന് കണക്കാക്കേണ്ടതുണ്ട്. ഇത് കഴിഞ്ഞ വർഷം ഈ പാദത്തിന്റെ അവസാനത്തിൽ മെർസിഡീസിന്റെ വിൽപ്പനയെ ബാധിച്ചു.

MOST READ: 2022 CLS 450 സെഡാൻ അവതരിപ്പിച്ച് മെർസിഡീസ് ബെൻസ്

E-ക്ലാസ് ലോംഗ് വീൽബേസ് സെഡാന്റെ ഫെയ്‌സ്‌ലിഫ്റ്റ് പതിപ്പ് അടുത്തിടെ ഇന്ത്യയിൽ 63.6 ലക്ഷം രൂപ വിലയ്ക്ക് കമ്പനി പുറത്തിറക്കിയിരുന്നു. പെട്രോൾ, ഡീസൽ എഞ്ചിനുകളിലാണ് ഈ ആഢംബര സെഡാൻ നിരത്തിലെത്തുന്നത്.

ഇത് ബ്രാൻഡിന്റെ ഇന്ത്യൻ നിരയിൽ ഏറ്റവും കൂടുതൽ വിൽക്കപ്പെടുന്ന മോഡലായി തുടരുന്നു. E-ക്ലാസ് ലോംഗ് വീൽബേസ് ഫെയ്‌സ്‌ലിഫ്റ്റ് പതിപ്പിന് ഇതിനകം തന്നെ ശക്തമായ ഉപഭോക്തൃ പ്രതികരണം ലഭിച്ചുതുടങ്ങിയതായി മെർസിഡീസ് പറയുന്നു.

MOST READ: ഹ്യുണ്ടായി അൽകാസർ ആഗോള അരങ്ങേറ്റം ഇന്ന് ഇന്ത്യയിൽ; പ്രതീക്ഷകളും ഹൈലൈറ്റുകളും

വിൽപ്പനയുടെ കാര്യത്തിൽ E-ക്ലാസിന് പിന്നാലെ C-ക്ലാസ് സെഡാനുകളാണ് ഇടംപിടിക്കുന്നത്. എസ്‌യുവികളിൽ ഈ വർഷം ജനുവരി മുതൽ മാർച്ച് വരെ കാർ നിർമാതാക്കൾക്ക് ഏറ്റവുമധികം വിറ്റഴിക്കപ്പെടുന്ന മോഡലായി GLE മാറി.

ജർമൻ വാഹന നിർമാതാക്കളുടെ ആദ്യപാദത്തിലെ വിൽപ്പനയുടെ 53 ശതമാനവും സംഭാവന ചെയ്തുകൊണ്ട് മെർസിഡീസ് സെഡാനുകൾ എസ്‌യുവികളെ മറികടന്നു എന്നതാണ് ശ്രദ്ധേയമാകുന്നത്.

പുതുതായി പുറത്തിറക്കിയ A-ക്ലാസ് ലിമോസിനായി അമിതമായ പ്രതികരണമാണ് ലഭിച്ചതെന്നും മെർസിഡീസ് ബെൻസ് ഇന്ത്യ അറിയിച്ചു. 30.90 ലക്ഷം രൂപയുടെ പ്രാരംഭ വിലയ്ക്കാണ് സെഡാൻ കഴിഞ്ഞ മാസം ഇന്ത്യയിൽ ഔദ്യോഗികമായി അവതരിപ്പിച്ചത്.

A 200, A 200d, A 35 AMG വേരിയന്റുകളിൽ വാഗ്ദാനം ചെയ്യുന്ന പുതിയ A-ക്ലാസ് ലിമോസിൻ എൻട്രി ലെവൽ ആഢംബര സെഡാൻ വിഭാഗത്തിൽ ബ്രാൻഡിന്റെ പുതിയ തന്ത്രമാണ് ഈ മോഡൽ. A-ക്ലാസ് ലിമോസിനായുള്ള ഡെലിവറി ഏപ്രിൽ, മെയ് മാസങ്ങളിലായി നടക്കുമെന്നും കമ്പനി അറിയിച്ചിട്ടുണ്ട്.