പുതുതലമുറ Maruti Celerio -യുടെ കൂടുതൽ വിവരങ്ങൾ വെളിപ്പെടുത്തി പുത്തൻ സ്പൈ ചിത്രങ്ങൾ പുറത്ത്

സെലെറിയോ അതിന്റെ ജീവിതകാലത്ത് ചില അപ്‌ഡേറ്റുകളിലൂടെ കടന്നുപോയി, പക്ഷേ കാര്യമായ ഒന്നും വാഹനത്തിൽ ലഭിച്ചില്ല, അതിനാൽ ഈ വർഷാവസാനത്തോടെ ഒരു തലമുറ മാറ്റത്തിന് നിർമ്മാതാക്കൾ ഒരുങ്ങുന്നു.

രണ്ടാം തലമുറ മാരുതി സുസുക്കി സെലെറിയോയുടെ ടെസ്റ്റ് മോഡൽ പരീക്ഷണയോട്ടത്തിനിടെ പലതവണ ക്യാമറയിൽ കുടുങ്ങിയിട്ടുണ്ട്. ഇപ്പോൾ വീണ്ടും വരാനിരിക്കുന്ന ഹാച്ച്ബാക്കിന്റെ പ്രൊഡക്ഷൻ-സ്പെക്കിന്റെ ബോഡി കാണിക്കുന്ന ഒരു കൂട്ടം സ്പൈ ചിത്രങ്ങൾ കൂടി പുറത്തു വന്നിട്ടുണ്ട്. വാഹനത്തിന്റെ വികസനം ഇന്ത്യയിൽ ആരംഭിച്ചതായി തോന്നുന്നു.

പുതിയ തലമുറ സെലെറിയോയുടെ അവതരണത്തിനുശേഷം, മാരുതി സുസുക്കി തങ്ങളുടെ ആഭ്യന്തര ശ്രേണിയിലുള്ള വാഹനങ്ങളിലേക്ക് മിഡ്-ലൈഫ് അപ്‌ഡേറ്റുകൾ കൊണ്ടുവരുമെന്ന് പ്രതീക്ഷിക്കുന്നു.

പുനർരൂപകൽപ്പന ചെയ്ത ഫ്രണ്ട് ഗ്രില്ല്, കൂടുതൽ ബൾബസായ ഹെഡ്‌ലാമ്പുകൾ, മുന്നിലും പിന്നിലും പുനർനിർമ്മിച്ച ബമ്പർ വിഭാഗം എന്നിവയുടെ സാന്നിധ്യം കൊണ്ട് രൂപകൽപ്പനയ്ക്ക് പരിണാമപരമായ സമീപനമാണ് പുറംഭാഗം സ്വീകരിക്കുന്നത്.

കൂടാതെ, വിശാലമായ സെൻട്രൽ എയർ ഇൻടേക്ക്, ട്വീക്ക്ഡ് ടെയിൽ ഗേറ്റ്, പുതുതായി രൂപകൽപ്പന ചെയ്ത ഫോഗ് ലാമ്പ് ഹൗസിംഗ്, റാപ്പ്എറൗണ്ട് ടെയിൽ ലാമ്പുകൾ തുടങ്ങിയവ വ്യക്തമായി കാണാം.

രണ്ടാം തലമുറ മാരുതി സുസുക്കി സെലെറിയോ ഭാരം കുറഞ്ഞ HEARTTECT K പ്ലാറ്റ്ഫോമിനെ അടിസ്ഥാനമാക്കിയുള്ളതാണ്, വിപണിയിൽ നിന്ന് പിൻവാങ്ങുന്ന മോഡലിനെ അപേക്ഷിച്ച് ഇതിന് വലിയ അനുപാതമുണ്ടെന്നും അതിനാൽ ഇന്റീരിയർ സ്പേസ് കൂടുതൽ മെച്ചപ്പെടുത്തിയിട്ടുണ്ട് എന്ന് പ്രതീക്ഷിക്കുന്നു.

ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റി എന്നിവയുള്ള ഏറ്റവും പുതിയ സ്മാർട്ട് പ്ലേ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, മൗണ്ടഡ് കൺട്രോളുകളുള്ള ഒരു മൾട്ടി-ഫംഗ്ഷണൽ സ്റ്റിയറിംഗ് വീൽ, അപ്‌ഡേറ്റ് ചെയ്ത സെന്റർ കൺസോൾ, ഡാഷ്‌ബോർഡ്, ഉപരിതലത്തിൽ പുതിയ മെറ്റീരിയലുകളുടെ ഉപയോഗം, പുതുക്കിയ സെമി-ഡിജിറ്റൽ ഇൻസ്ട്രുമെന്റ് ക്ലസ്റ്റർ തുടങ്ങിയവ ഉൾപ്പടെയുള്ള നിരവധി മാറ്റങ്ങളും ഇന്റീരിയറിന് ലഭിക്കും.

ബോണറ്റിന് കീഴിൽ, നിലവിലുള്ള 1.0 ലിറ്റർ ത്രീ-സിലിണ്ടർ പെട്രോൾ എഞ്ചിൻ സമാനമായ പവറും torque റേറ്റിംഗും തുടരാം, അതേസമയം 1.2 ലിറ്റർ K-സീരീസ് പെട്രോൾ പ്രത്യേക വകഭേദങ്ങളിൽ നിർമ്മാതാക്കൾ നൽകിയേക്കാം. ട്രാൻസ്മിഷനെ സംബന്ധിച്ചിടത്തോളം, അഞ്ച് സ്പീഡ് മാനുവൽ സ്റ്റാൻഡേർഡായിരിക്കും കൂടാതെ ഒരു AMT ഒരു ഓപ്ഷണലായി കമ്പനി ലഭ്യമാക്കും.

Source: GaadiWaadi

പുതുതലമുറ സെലെറിയോയ്ക്കൊപ്പം മാരുതി സുസുക്കി തങ്ങളുടെ വിറ്റാര ബ്രെസ കോംപാക്ട്എസ്‌യുവി, ബലേനോ പ്രീമിയം സെഡാൻ, ആൾട്ടോ ഹാച്ച്ബാക്ക് എന്നിവയുടെയും അടുത്ത തലമുറ പതിപ്പുകൾ പുറത്തിറക്കാനുള്ള ഒരുക്കത്തിലാണ്. ഇവയുടെ പ്രവർത്തനങ്ങൾ നിർമ്മാതാക്കളുടെ അണിയറയിൽ നടക്കുന്നുണ്ട്.

ഇതുവരേയും ഇവയെക്കുറിച്ചുള്ള ഔദ്യോഗിക വെളിപ്പെടുത്തലുകളോന്നും നിർമ്മാതാക്കൾ നടത്തിയിട്ടില്ല. അതിനാൽ തന്നെ ഈ വാഹനങ്ങളുമായി ബന്ധപ്പെട്ട വിവരങ്ങളും ചുരുക്കമാണ്. എന്നിരുന്നാലും തലമുറ മാറ്റവുമായി വരാനിരിക്കുന്ന മേൽപറഞ്ഞ മോഡലുകൾക്ക് കാര്യമായ മാറ്റങ്ങൾ നമുക്ക് പ്രതീക്ഷിക്കാം.

അപ്പ്ഡേറ്റുകളും മാറ്റങ്ങളും ഇന്റീരിയറിലും എക്സ്റ്റീരിയറിലും കാര്യമായി ഉണ്ടായിരിക്കും എന്ന് ഞങ്ങൾ പ്രതീക്ഷിക്കുന്നു. സൗന്ദര്യവർധക മാറ്റങ്ങൾ തുടങ്ങി പവർട്രെയിൻ പരിഷ്കരണങ്ങളും കൂടുതൽ ശക്തമായ ഹൈബ്രിഡ് സംവിധാനങ്ങളുടെ അവതരണവും ഉണ്ടായേക്കാം.