Just In
- 7 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 9 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 10 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 10 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- News ആന്ധപ്രദേശ് മുഖ്യമന്ത്രിയുടെ സമ്പത്തില് വന് വര്ധന; ജഗന് മോഹന് റെഡ്ഡിയുടെ ആസ്തി എത്രയെന്നറിയുമോ?
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
അതിസുന്ദരനായൊരു ഓഫ്-റോഡ് മോഡൽ; ഡിഫെൻഡർ ട്രോഫി എഡിഷനെ അവതരിപ്പിച്ച് ലാൻഡ് റോവർ
എസ്യുവി എന്നുകേട്ടാൽ തന്നെ ആദ്യം മനസിലേക്ക് ഓടിവരുന്ന പേരുകളിലൊന്നാണ് ലാൻഡ് റോവർ ഡിഫെൻഡറിന്റേത്. ഇവനുമായി പിടിച്ചുനിൽക്കാൻ പറ്റിയ വരലിൽ എണ്ണാവുന്ന മോഡലുകളെ വിപണിയിലൊള്ളൂ എന്നതും ശ്രദ്ധേയമാണ്.
ഇപ്പോൾ ഓഫ് റോഡ് അധിഷ്ഠിത ഡിഫെൻഡർ എസ്യുവിയുടെ ഒരു ട്രോഫി എഡിഷനെ കൂടി ലാൻഡ് റോവർ ആഗോള വിപണിയിൽ അവതരിപ്പിച്ചിരിക്കുകയാണ്. സ്റ്റാൻഡേർഡ് എസ്യുവിയേക്കാൾ കൂടുതൽ ആകർഷണീയവും ആക്രമണാത്മകവുമായ പതിപ്പാണിതെന്ന് ആദ്യ കാഴ്ച്ചയിൽ തന്നെ മനസിലാക്കാം.
ഡിഫെൻഡർ വർക്സ് V8 ട്രോഫിയിൽ നിന്ന് പ്രചോദനം ഉൾക്കൊള്ളുന്ന ബ്ലാക്ക്, യെല്ലോ കളർ ഓപ്ഷനിലാണ് എസ്യുവി അണിഞ്ഞൊരുങ്ങിയിരിക്കുന്നത്. കൂടാതെ ഡോറുകളിൽ പഴയ ലാൻഡ് റോവർ ലോഗോയും ഇടംപിടിച്ചിട്ടുണ്ട്.
ഓഫ്-റോഡിംഗിനെ സംബന്ധിച്ചിടത്തോളം ട്രോഫി എഡിഷന് ഫ്രണ്ട് സ്കിഡ് പ്ലേറ്റ്, വിന്യസിക്കാവുന്ന ലാഡർ, റൂഫ് റാക്ക്, സംയോജിത എയർ കംപ്രസർ എന്നിവ സ്റ്റാൻഡേർഡായി ലഭിക്കും. അതേസമയം വിഞ്ചിനായി ഒരു സമർപ്പിത സ്ലോട്ടും വരുന്നുണ്ട്. എന്നാൽ ഇത് ഒരു അധിക ഓപ്ഷനായാണ് നൽകിയിരിക്കുന്നത്.
അകത്ത് പിന്നിലെ കാഗോ ഏരിയയിൽ റബർ മാറ്റുകളാണ് ലാൻഡ്റോവർ നൽകിയിരിക്കുന്നത്. ഓപ്ഷണൽ എയർ സസ്പെൻഷൻ, കോൾഡ് ക്ലൈമറ്റ് പായ്ക്ക്, ഓഫ്-റോഡ് പായ്ക്ക്, നൂതന ഓഫ്-റോഡ് ശേഷി പായ്ക്ക്, റിയർ വ്യൂ മിറർ ക്യാമറ സിസ്റ്റം, ടോ ഹിച്ച് എന്നിവയും സ്റ്റാൻഡേർഡായി ലഭിക്കും.
ഡിഫെൻഡർ ട്രോഫി എഡിഷൻ സ്വന്തമാക്കുന്ന ഉടമകൾക്ക് നോർത്ത് കരോലിനയിലെ ആഷെവില്ലെയിലെ ബിൽറ്റ്മോർ എസ്റ്റേറ്റിൽ ഒരു ദിവസത്തെ ഓഫ്-റോഡ് ട്രോഫി മത്സര പരിപാടിയിൽ പങ്കെടുക്കാനുള്ള അവസരവും ബ്രിട്ടീഷ് ആഢംബര എസ്യുവി നിർമാതാക്കൾ ഒരുക്കിയിട്ടുണ്ട്.
മത്സരത്തിൽ വിജയിക്കുന്ന ടീമിന് 2022-ന്റെ തുടക്കത്തിൽ ഇംഗ്ലണ്ടിലെ ഈസ്റ്റ്നോർ കോട്ടയിൽ സമാനമായ ഒരു പരിപാടിയിൽ പങ്കെടുക്കാനും അവസരം ലഭിക്കും. ഡിഫെൻഡർ ട്രോഫി എഡിഷനിലെ എഞ്ചിൻ ഓപ്ഷനുകളിൽ 3.0 ലിറ്റർ, ആറ് സിലിണ്ടർ യൂണിറ്റാണ് വാഗ്ദാനം ചെയ്യുന്നത്.
കൂടാതെ ഒരു ഡിഫെൻഡർ SVR മോഡലും പുറത്തിറക്കാനുള്ള പദ്ധതിയും ലാൻഡ് റോവറിനുണ്ട്. യാഥാർഥ്യമാവുകയാണെങ്കിൽ ബിഎംഡബ്ല്യുവിൽ നിന്നുള്ള V8 എഞ്ചിനുമായാകും ഇത് അരങ്ങേറ്റം കുറിക്കുക.
ലാൻഡ് റോവർ ഡിഫെൻഡർ V8 വെറും 4.9 സെക്കൻഡിനുള്ളിൽ 100 കിലോമീറ്റർ വേഗത കൈവരിക്കാനാകുമെന്നാണ് അവകാശവാദം. എന്നിരുന്നാലും ഡിഫെൻഡർ ട്രോഫി എഡിഷനോ, SVR പതിപ്പോ ഇന്ത്യയിലേക്ക് എത്തുമോ എന്ന കാര്യം ഇതുവരെ കമ്പനി വ്യക്തമാക്കിയിട്ടില്ല.
മണിക്കൂറിൽ 240 കിലോമീറ്ററാണ് വാഹനത്തിന്റെ പരമാവധി വേഗത. ഇതിനു പുറമെ ഡിഫെൻഡർ SVR പതിപ്പിന് സ്പോർട്ടിയർ സ്റ്റൈലിംഗ് ഘടകങ്ങളും മെച്ചപ്പെട്ട ഡ്രൈവിംഗ് സവിശേഷതകൾക്ക് ആവശ്യമായ സവിശേഷമായ സസ്പെൻഷൻ സജ്ജീകരണവും ബ്രാൻഡ് നൽകിയേക്കും.
കോർണറിംഗിൽ എസ്യുവിയുടെ ബോഡി റോൾ കുറയ്ക്കുന്നതിനായി വലിയ ആന്റി-റോൾ ബാറുകളുള്ള ട്വീക്ക്ഡ് സസ്പെൻഷനും ഡിഫെൻഡർ SVR സ്വീകരിക്കും. എന്തായാലും 2022 വരെ പുതിയ കരുത്തുറ്റൻ മോഡലിനായി കാത്തിരിക്കേണ്ടി വരുമെന്നാണ് സൂചന.