Click it and Unblock the Notifications
കിക്സിന് കൈ നിറയെ ഓഫറുമായി നിസാന്; മൂന്ന് മാസത്തേക്ക് ഇഎംഐയും ഇല്ല
ജാപ്പനീസ് നിര്മാതാക്കളായ നിസാന് ഇന്ത്യയില് വിരലിലെണ്ണാവുന്ന മോഡലുകള് മാത്രമാണ് വില്പ്പനയ്ക്ക് എത്തിച്ചിട്ടുള്ളത്. 570hp GT-R പോലുള്ള സ്പോര്ട്സ് കാര് വില്ക്കുന്നുണ്ടെങ്കിലും, വില്പ്പനയില് ഇതൊരു പ്രധാനിയല്ല.
ഇന്ത്യന് വിപണിയിലെ അതിന്റെ പ്രൊഫൈലില് രണ്ട് എസ്യുവികള് മാത്രമേ ഉള്പ്പെടുന്നുള്ളൂ, നിസാന് മാഗ്നൈറ്റ്, കിക്സ് എന്നിവ. മാഗ്നൈറ്റ് എന്ന മേഡല് എത്തിയതോടെയാണ് ബ്രാന്ഡിന് ഇന്ത്യന് വിപണിയില് പുതുജീവന് ലഭിച്ചത്.
ഏറെ പ്രതീക്ഷയോടെ ജാപ്പനീസ് ബ്രാന്ഡ് രാജ്യത്ത് വില്പ്പനയ്ക്ക് എത്തിച്ച മോഡലായിരുന്നു കിക്സ്. എന്നാല് മാസം കഴിയും തോറും വാഹനത്തിന്റെ വില്പ്പന പിന്നോട്ട് തന്നെയെന്നാണ് കണക്കുകള് വ്യക്തമാക്കുന്നത്. അതുകൊണ്ട് തന്റെ എല്ലാ മസത്തിലും വാഹനത്തിന് വലിയ ഓഫറുകളും ആനുകൂല്യങ്ങളുമാണ് കമ്പനി വാഗ്ദാനം ചെയ്യുന്നത്.
ഇപ്പോഴിതാ 2021 ജൂണ് മാസത്തിലും കിക്സിന് കൈനിറയെ ഓഫറുമായി രംഗത്തെത്തിയിരിക്കുകയാണ് കമ്പനി ഇപ്പോള്. 80,000 രൂപ വരെയുള്ള ആനുകൂല്യങ്ങളാണ് കമ്പനി വാഹത്തില് നല്കുന്നത്. 25,000 രൂപ വരെ ക്യാഷ് ആനുകൂല്യങ്ങളും 50,000 രൂപയുടെ എക്സ്ചേഞ്ച് ബോണസും നിസാന് വാഗ്ദാനം ചെയ്യുന്നു.
എന്നിരുന്നാലും, വാഹന നിര്മാതാക്കള് ഡിജിറ്റൈസേഷനായി ശ്രമിക്കുന്നതിനാല്, നിസാന് ഇന്ത്യയുടെ ഔദ്യോഗിക വെബ്സൈറ്റില് നിന്ന് ഓണ്ലൈനായി ബുക്ക് ചെയ്യുന്ന ഉപഭോക്താക്കള്ക്ക് ബുക്കിംഗ് ബോണസായി 5,000 രൂപ അധിക ആനുകൂല്യം ലഭിക്കും.
MOST READ: ടുവാനോ 660 മലേഷ്യയിലും വില്പ്പനയ്ക്കെത്തി; ഇന്ത്യയിലേക്ക് വൈകില്ലെന്ന് അപ്രീലിയ
കൂടാതെ, വാഹനം വാങ്ങി മൂന്ന് മാസത്തിന് ശേഷം ഇഎംഐ അടച്ചുതുടങ്ങിയാന് മതിയെന്നും കമ്പനി അറിയിച്ചിട്ടുണ്ട്. 2021 ജൂണ് 1 മുതല് 30 വരെ വാഹനം ബുക്ക് ചെയ്യുന്ന ഉപഭോക്താക്കള്ക്ക് ഓഫറുകള് ബാധകമാണ്.
വേരിയന്റുകളിലും ലൊക്കേഷനിലും ഓഫറുകള് വ്യത്യാസപ്പെടാമെന്ന് നിസാന് നിര്ദ്ദേശിക്കുന്നു. ചില്ലറ വില്പ്പന സമയത്ത് ആനുകൂല്യങ്ങളും കിഴിവുകളും ഉപഭോക്താവിന് കൈമാറുമെന്ന് നിസാന് സ്ഥിരീകരിക്കുന്നു.
ഈ ഓഫറുകള് ഏതെങ്കിലും നിര്ദ്ദിഷ്ട വേരിയന്റുമായി ബന്ധിപ്പിച്ചിട്ടില്ല, പക്ഷേ കിക്സ് എസ്യുവിയുടെ എല്ലാ ട്രിമ്മുകളിലും ലഭ്യമാണ്. രണ്ട് എഞ്ചിന് ഓപ്ഷനുകളുമായി കിക്സ് ലഭ്യമാണ്.
അടിസ്ഥാന മോഡലുകളില് നാച്ചുറലി ആസ്പിരേറ്റഡ് 1.5 ലിറ്റര് പെട്രോള് എഞ്ചിന് സജ്ജീകരിച്ചിരിക്കുന്നു. ഈ യൂണിറ്റ് 106 bhp കരുത്തും 142 Nm torque ഉം ഉത്പാദിപ്പിക്കുന്നു. 5 സ്പീഡ് മാനുവല് ട്രാന്സ്മിഷനുമായി മാത്രം ഇത് ജോടിയാക്കുന്നു.
1.3 ലിറ്റര് ടര്ബോചാര്ജ്ഡ് പെട്രോള് എഞ്ചിന് ഉപയോഗിച്ച് ഉയര്ന്ന സ്പെക്ക് മോഡലുകള് ലഭ്യമാണ്. ഈ യൂണിറ്റ് 156 bhp കരുത്തും 254 Nm torque ഉം സൃഷ്ടിക്കുന്നു. ഈ മോട്ടോര് 6 സ്പീഡ് മാനുവല് അല്ലെങ്കില് CVT ഉപയോഗിച്ച് ലഭ്യമാണ്.
നിസാന് കിക്സ് 9 കളര് കോമ്പിനേഷനുകളില് ലഭ്യമാണ്, അവയില് മൂന്നെണ്ണം ഡ്യുവല്-ടോണ് ഓപ്ഷനുകളാണ്. 1.5 ലിറ്റര് മോഡലിന് 9.49 മുതല് 9.99 ലക്ഷം രൂപ വരെയാണ് എക്സ്ഷോറൂം വില. ടര്ബോ മാനുവല് മോഡലുകള്ക്ക് 12 മുതല് 14.2 ലക്ഷം രൂപ വരെ വിലയുണ്ട്, ടര്ബോ CVT പതിപ്പിന് 13.9 മുതല് 14.6 ലക്ഷം രൂപ വരെയാണ് എക്സ്ഷോറൂം വില.
Continue with Google