Click it and Unblock the Notifications
നെക്സോണ് ഇവിയുടെ വില വര്ധിപ്പിച്ച് ടാറ്റ; പുതിയ വില വിവരങ്ങള് ഇങ്ങനെ
ഇന്ത്യന് വിപണിയില് നെക്സോണ് ഇവി ഇലക്ട്രിക് എസ്യുവിയുടെ വില വര്ദ്ധിപ്പിച്ച് നിര്മാതാക്കളായ ടാറ്റ. ഇലക്ട്രിക് എസ്യുവിയുടെ വേരിയന്റിനെ ആശ്രയിച്ച് 16,000 രൂപ വരെയാണ് വര്ദ്ധിപ്പിച്ചിരിക്കുന്നത്.
ഇലക്ട്രിക് എസ്യുവിയുടെ ബേസ്-സ്പെക്ക് ട്രിമില് കമ്പനി മാറ്റങ്ങളൊന്നും വരുത്തിയിട്ടില്ല. എന്നാല് XZ +, XZ + LUX വേരിയന്റുകളുടെ വിലയാണ് 16,000 രൂപ വര്ദ്ധിച്ചു. വില വര്ധനവിന് ശേഷം നെക്സോണ് ഇവി XZ + വേരിയന്റിന് 15.56 ലക്ഷം രൂപയും ടോപ്പ് സ്പെക്ക് XZ + LUX വേരിയന്റിന് 16.56 ലക്ഷം രൂപയുമാണ് വില.
| Variants | Old Price | New Price | Difference |
| XM | ₹13.99 Lakh | ₹13.99 Lakh | NIL |
| XZ+ | ₹15.40 Lakh | ₹15.56 Lakh | ₹16,000 |
| XZ+ LUX | ₹16.40 Lakh | ₹16.56 Lakh | ₹16,000 |
ബേസ്-സ്പെക്ക് XM ട്രിമ്മുകളുടെ വില 13.99 ലക്ഷം രൂപയാണ്. സൂചിപ്പിച്ച എല്ലാ വിലകളും എക്സ്ഷോറൂം വിലകളാണെന്നും കമ്പനി അറിയിച്ചു. ടാറ്റ നെക്സോണ് നിലവില് ഇന്ത്യന് വിപണിയില് വില കുറഞ്ഞ ഇലക്ട്രിക് എസ്യുവിയാണ്.
ഇന്ത്യന് വിപണിയില് നെക്സോണ് ഇവിയുടെ വില്പ്പന 4,000 യൂണിറ്റ് കടന്നതായും കമ്പനി അറിയിച്ചു. അതിന്റെ പ്രായോഗിക ശ്രേണിയും സവിശേഷതകളും കാരണം ഇതിന് ഇന്ത്യന് വിപണിയിലും മികച്ച സ്വീകാര്യത ലഭിച്ചു.
പാസഞ്ചര് ഫോര് വീലര് ഇലക്ട്രിക് ശ്രേണിയില് നെക്സോണ് ഇവിക്ക് 64 ശതമാനം വിപണി വിഹിതമുണ്ട്, നിലവില് രാജ്യത്ത് ഏറ്റവും കൂടുതല് വില്ക്കപ്പെടുന്ന ഇലക്ട്രിക് എസ്യുവി ഖ്യാതിയും വാഹനത്തിനുണ്ട്.
വിവിധ ഉടമസ്ഥാവകാശ ഓപ്ഷനുകളുള്ള നെക്സോണ് ഇവിയും കമ്പനി വാഗ്ദാനം ചെയ്യുന്നു. ഇതില് ഒരു ലീസിംഗ് സേവനം ഉള്പ്പെടുന്നു, അവിടെ വരിക്കാരന് മുഴുവന് കാലയളവിനും പ്രതിമാസം എല്ലാം ഉള്ക്കൊള്ളുന്ന ചെലവ് നല്കേണ്ടിവരും.
ഇത് മുന്കൂറായി പണമടയ്ക്കല് ഒഴിവാക്കുകയും ഒരു വാഹനം സ്വന്തമാക്കുന്നത് എളുപ്പമാക്കുകയും ചെയ്യുന്നു. പൂര്ണ ചാര്ജില് 312 കിലോമീറ്റര് വരെ ഡ്രൈവിംഗ് ശ്രേണി ഇലക്ട്രിക് എസ്യുവിയുടെ സവിശേഷതയാണ്.
നിരവധി ഘടകങ്ങളെ ആശ്രയിച്ച് യഥാര്ത്ഥ ശ്രേണി അല്പം കുറവായിരിക്കാം, എങ്കിലും 250 മുതല് 300 കിലോമീറ്റര് വരെ ലഭിക്കുമെന്നും റിപ്പോര്ട്ടില് പറയുന്നു. 7 മുതല് 8 മണിക്കൂറിനുള്ളില് ഹോം ചാര്ജര് വഴി പൂര്ണ്ണമായും ചാര്ജ് ചെയ്യാം.
ഫാസ്റ്റ് ചാര്ജര് ഉപയോഗിച്ച് 60 മിനിറ്റിനുള്ളില് 0 മുതല് 80 ശതമാനം വരെ ചാര്ജ് ചെയ്യാന് കഴിയുമെന്നും കമ്പനി അവകാശപ്പെടുന്നു. മെച്ചപ്പെട്ട ഡ്രൈവിംഗ് ശ്രേണിക്കായി റീജനറേറ്റീവ് ബ്രേക്കിംഗ് സാങ്കേതികവിദ്യയും ഇലക്ട്രിക് എസ്യുവിയില് ഉണ്ട്.
ആപ്പിള് കാര്പ്ലേയും ആന്ഡ്രോയിഡ് ഓട്ടോയും പിന്തുണയ്ക്കുന്ന 7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, സെമി ഡിജിറ്റല് ഇന്സ്ട്രുമെന്റ് ക്ലസ്റ്റര്, കണക്റ്റുചെയ്ത സാങ്കേതികവിദ്യ, ക്ലൈമറ്റ് കണ്ട്രോള് എന്നിവയും നെക്സോണ് ഇവിയുടെ പ്രധാന സവിശേഷതകളില് ഉള്പ്പെടുന്നു.
Continue with Google