Click it and Unblock the Notifications
ഫോക്സ്വാഗണ് ടൈഗൂണ് ലെഫ്റ്റ് ഹാന്ഡ് ഡ്രൈവിന്റെ പരീക്ഷണയോട്ടവും തകൃതി; കൂടുതല് വിവരങ്ങള് ഇങ്ങനെ
ജര്മ്മന് വാഹന നിര്മ്മാതാക്കളായ ഫോക്സ്വാഗണില് നിന്നുള്ള പ്രധാന അവതരണങ്ങളില് ഒന്നാണ് ടൈഗൂണ്. ഉത്സവ സീസണോടെ വാഹനം അവതരിപ്പിച്ചേക്കുമെന്നാണ് സൂചന.
അവതരണത്തിന് മുന്നോടിയായി നിരവധി തവണ വാഹനത്തിന്റെ പരീക്ഷണയോട്ട ചിത്രങ്ങള് പുറത്തുവന്നിരുന്നു. ഇപ്പോഴിതാ പുതിയ പരീക്ഷണ ചിത്രങ്ങളും പുറത്തുവന്നിരിക്കുകയാണ്. മുംബൈ-സത്താറ സ്ട്രെച്ചിലെ പൊലീസ് ചെക്ക് പോസ്റ്റില് നിന്നാണ് മൂടിക്കെട്ടലുകള് ഒന്നും ഇല്ലാതെ പരീക്ഷണയോട്ടം നടത്തുന്ന വാഹനത്തിന്റെ ചിത്രങ്ങള് പുറത്തുവന്നത്.
കണ്ടെത്തിയ ടൈഗൂണിന്റെ ചിത്രങ്ങളില് ഇത് ലെഫ്റ്റ് ഹാന്ഡ് ഡ്രൈവ് (LHD) വാഹനമായിരുന്നുവെന്ന് വെളിപ്പെടുത്തുന്നു. നമ്മുടെ വിപണിയില് നിന്ന് മറ്റ് വിപണികളിലേക്ക് കയറ്റുമതി ചെയ്യുന്ന മോഡലുകളും ഇന്ത്യന് മണ്ണില് പരീക്ഷിക്കപ്പെടുന്നുണ്ടെന്നാണ് ഇത് അര്ത്ഥമാക്കുന്നത്.
അതേസമയം ലെഫ്റ്റ് ഹാന്ഡ് ഡ്രൈവ് ടൈഗൂണ് ഇന്ത്യ-സ്പെക്ക് എസ്യുവിക്ക് സമാനമാണ്. സ്റ്റിയറിംഗ് വീല് എതിര്വശത്താണ് എന്നതൊഴിച്ചാല്, ഡിസൈനിലോ, ഫീച്ചറുകളിലോ ഫോക്സ്വാഗണ് മാറ്റങ്ങള് ഒന്നും തന്നെ അവതരിപ്പിച്ചിട്ടില്ല.
ഫ്രണ്ട് ഗ്രില്ലിലും ഫോഗ് ലാമ്പ് ഹൗസിംഗിനുചുറ്റും വാഹനത്തിന് ധാരാളം ക്രോം ഇന്സേര്ട്ടുകള് ലഭിക്കുന്നു. ബോക്സി അനുപാതങ്ങള് മോഡലില് നല്ല നിലപാട് സമ്മാനിക്കുന്നു.
MOST READ: കുടുംബത്തിനായി കൂടുതൽ ഇടം; ഹെക്ടർ പ്ലസ് ഏഴ് സീറ്ററിന് പുത്തൻ TVC -യുമായി എംജി
വാഹനത്തിന്റെ എസ്യുവി അനുഭൂതി വര്ദ്ധിപ്പിക്കുന്നത് സ്കിഡ് പ്ലേറ്റ്, പ്ലാസ്റ്റിക് ക്ലാഡിംഗ്, റൂഫ് റെയിലുകള് എന്നിവ ഇതിന് ലഭിക്കുന്നു. സിംഗിള്-ബാര് എല്ഇഡി ടെയില് ലാമ്പ് നല്കി കാറിന്റെ പിന്ഭാഗം മനോഹരമാക്കി. മുന്വശത്ത്, എല്ഇഡി ഹെഡ്ലൈറ്റുകളും, ഡേ ടൈം റണ്ണിംഗ് ലാമ്പുകളും ലഭിക്കും.
ജര്മ്മന് വാഹന നിര്മ്മാതാക്കള് അടുത്തിടെ അതിന്റെ ക്യാബിന്റെ ചിത്രങ്ങള് പങ്കുവെച്ചിരുന്നു. ഡ്യുവല്-ടോണ്, ബ്ലാക്ക് ബ്രൗണ് നിറത്തിലുള്ള ട്രീറ്റ്മെന്റും ടി-റോക്കിനോട് വളരെ സാമ്യമുള്ളതാണ്.
MOST READ: സഹായഹസ്തവുമായി യൂബര്; കൊവിഡ് വാക്സിനേഷനുകള്ക്കായി സൗജന്യ സവാരി
ഡാഷ്ബോര്ഡിലെ സെന്റര് സ്റ്റേജ് വലിയ ടച്ച്സ്ക്രീന് ഇന്ഫോടെയ്ന്മെന്റ് ഡിസ്പ്ലേയാണ് ലഭിക്കുന്നത്. ഇത് 10 ഇഞ്ച് യൂണിറ്റായിരിക്കുമെന്ന് പ്രതീക്ഷിക്കുന്നു, അതിനടുത്തായി ഒരു വലിയ ഇന്സ്ട്രുമെന്റ് ക്ലസ്റ്ററും ലഭിക്കും.
അത് പൂര്ണ്ണമായും ഡിജിറ്റല് യൂണിറ്റാണ്. സംഗീതം, ടെലിഫോണ്, സാധ്യമായ ക്രൂയിസ് കണ്ട്രോള് എന്നിവയ്ക്കുള്ള നിയന്ത്രണങ്ങളുള്ള ഒരു ഫ്ലാറ്റ്-ബോട്ടം സ്റ്റിയറിംഗ് വീലും ടൈഗൂണിന് ലഭിക്കുന്നു. സെന്ട്രല് വെന്റുകള്ക്ക് കീഴില്, എയര്-കോണ് സിസ്റ്റം ഉള്പ്പെടെ മറ്റ് കാറിലെ പ്രവര്ത്തനങ്ങള്ക്കായി കൂടുതല് ബട്ടണുകള് ഉണ്ട്.
ഒരു ജോഡി യുഎസ്ബി ചാര്ജിംഗ് പോര്ട്ടുകള്, 12V ചാര്ജിംഗ് സോക്കറ്റ്, എഞ്ചിന് സ്റ്റാര്ട്ട്-സ്റ്റോപ്പ് ബട്ടണ് എന്നിവയും ക്യാബിന്റെ സവിശേഷതകളാണ്. എസ്യുവിക്ക് ഒരു കൂട്ടം സ്റ്റോറേജ് ഇടങ്ങള്, സെന്ട്രല് ആംറെസ്റ്റ്, ടു-ടോണ് ഫാബ്രിക്, ഫോക്സ് ലെതര് അപ്ഹോള്സ്റ്ററി എന്നിവയും വാഹനത്തിലെ സവിശേഷതകളാണ്.
MQB A0 IN പ്ലാറ്റ്ഫോമിനെ അടിസ്ഥാനമാക്കിയുള്ളതാണ് ഫോക്സ്വാഗണ് ടൈഗൂണ് ഒരുങ്ങുന്നത്. ഭാവിയില് ഈ പ്ലാറ്റ്ഫോമിനെ അടിസ്ഥാനമാക്കി നിരവധി മോഡലുകള് വിപണിയില് എത്തുമെന്നും കമ്പനി വ്യക്തമാക്കിയിട്ടുണ്ട്.
1.0 ലിറ്റര് TSI, 1.5 ലിറ്റര് TSI എന്നിങ്ങനെ രണ്ട് ടര്ബോചാര്ജ്ഡ് പെട്രോള് എഞ്ചിനുകളുമായാണ് ടൈഗൂണ് വരുന്നത്. ഓഫറില് ഡീസല് എഞ്ചിന് ഉണ്ടാകില്ല. 1.0 ലിറ്റര് TSI എഞ്ചിന് 113 bhp കരുത്തും 175 Nm torque ഉം നല്കുന്നു.
ആറ് സ്പീഡ് മാനുവല് അല്ലെങ്കില് ആറ് സ്പീഡ് ഓട്ടോമാറ്റിക് ഗിയര്ബോക്സ് ഉപയോഗിച്ച് ഇത് വാഗ്ദാനം ചെയ്യും. 1.5 ലിറ്റര് TSI യൂണിറ്റ് 148 bhp കരുത്തും 250 Nm torque ഉം സൃഷ്ടിക്കുന്നു. ഈ യൂണിറ്റിനൊപ്പം ആറ് സ്പീഡ് മാനുവല്, ഏഴ് സ്പീഡ് DSG ഓട്ടോമാറ്റിക് ഗിയര്ബോക്സ് ഓപ്ഷനുകളും ലഭ്യമാണ്.
Source: Maha News
Continue with Google