Click it and Unblock the Notifications
XUV300-യില് വീണ്ടും നവീകരണവുമായി Mahindra; പുതിയ മാറ്റങ്ങള് ഇങ്ങനെ
2019-ല് ആദ്യമായി ലോഞ്ച് ചെയ്തതു മുതല് മഹീന്ദ്രയുടെ XUV300 അതിന്റെ സെഗ്മെന്റില് മികച്ച മുന്നേറ്റമാണ് നടത്തുന്നത്. ശ്രേണിയില് എതിരാളികള് വര്ധിക്കുമ്പോഴും പ്രതിമാസം ബ്രാന്ഡിനായി മികച്ച വില്പ്പന നേടികൊടുക്കാനും വാഹനത്തിന് സാധിക്കുന്നുണ്ട്.
എന്നാല് അധികം വൈകാതെ തന്നെ XUV300-യുടെ ഒരു മിഡ്-ലൈഫ് ഫെയ്സ്ലിഫ്റ്റ് വിപണിയില് എത്തുമെന്ന് ഏറെക്കുറെ ഉറപ്പാണ്. മത്സരം വര്ധിച്ചുകൊണ്ടിരിക്കുകയാണ് - എതിരാളിയായ ടാറ്റ നെക്സോണ് 2020-ല് അപ്ഡേറ്റ് ചെയ്തു, ഹ്യുണ്ടായി വെന്യു ഫെയ്സ്ലിഫ്റ്റ് ഈ വര്ഷാവസാനം ലോഞ്ച് ചെയ്യും, അതുപോലെ തന്നെ പുതുതലമുറ ബ്രെസയും വൈകാതെ വിപണിയില് എത്തും.
ഇതെല്ലാം കണക്കിലെടുക്കുമ്പോള് അധികം വൈകാതെ തന്നെ XUV300-യിലും ഒരു നവീകണം പ്രതീക്ഷിക്കാമെന്ന് വേണം പറയാന്. എന്നാല് അതിനുമുമ്പ്, കമ്പനി ഇപ്പോള് വാഹനത്തിന്റെ, W8 വേരിയന്റുകള്ക്ക് ഒരു അപ്ഡേറ്റ് നല്കി രംഗത്തെത്തിയിരിക്കുകയാണ്.
പുതിയ അലോയ് വീലുകളോടെ 2022 XUV300, മഹീന്ദ്ര അപ്ഡേറ്റ് ചെയ്തു. സബ്-കോംപാക്ട് എസ്യുവിയിലെ അലോയ് വീലുകള് 17 ഇഞ്ച് യൂണിറ്റില് നിന്ന് 16 ഇഞ്ച് യൂണിറ്റായി ഒരു വലിപ്പം കുറഞ്ഞു. 4 മീറ്റര് എസ്യുവി സ്പെയ്സിലെ മറ്റ് സെഗ്മെന്റ് എതിരാളികള്ക്ക് അനുസൃതമായാണ് ചക്രങ്ങളുടെ വലുപ്പം താഴ്ത്തുന്നതെന്ന് കമ്പനി പിന്നീട് വ്യക്തമാക്കുകയും ചെയ്തിട്ടുണ്ട്.
പ്രാരംഭ ചെലവുകളിലെ വര്ധന OEM-കള് ഓരോ പാദത്തിലും മിക്കവാറും എല്ലാ മോഡലുകളുടെയും വില വര്ധിപ്പിക്കുന്നതിലേക്ക് നയിച്ചു. ഏറ്റവും പുതിയ ആവര്ത്തനത്തിലെ അലോയ് വീലുകള്ക്ക് വലിപ്പം കുറവാണെങ്കിലും, അവ മനോഹരമായി കാണുകയും വീല് ആര്ച്ചുകള് നന്നായി ഉള്ക്കൊള്ളുകയും ചെയ്യുന്നു.
ടയറുകളുടെ പ്രൊഫൈല് അതേപടി നിലനില്ക്കുമ്പോള്, ടയറുകളുടെ ക്രോസ്-സെക്ഷന് (വീതി) 215-ല് നിന്ന് 205 ആയിട്ടാണ് കുറച്ചിരിക്കുന്നത്. ഈ മാറ്റം മഹീന്ദ്ര XUV300-നെ കുറച്ചുകൂടി ഇന്ധനക്ഷമതയുള്ളതാക്കാന് സഹായിക്കുമെന്നും കമ്പനി അവകാശപ്പെടുന്നു.
പക്ഷേ ഇത് അതിന്റെ പ്രകടനത്തെ കുറച്ചേക്കാമെന്നും റിപ്പോര്ട്ടില് പറയുന്നു. ചിത്രങ്ങളില് ചക്രങ്ങള് ചെറുതായതായി കാണുന്നില്ല. അലോയ് വീലുകളിലെ അപ്ഡേറ്റുകള് ടോപ്പ്-സ്പെക്ക് W8, W8 (O) ട്രിമ്മുകളില് മാത്രമാണ് വരുത്തിയിരിക്കുന്നത്, കാരണം ബാക്കി ട്രിമ്മുകള് ഇതിനകം 16 ഇഞ്ച് വീലുകള് സ്റ്റാന്ഡേര്ഡായി ലഭ്യമാണ്.
റേഞ്ച്-ടോപ്പിംഗ് W8 (O) ട്രിമ്മിന് സ്റ്റൈലിഷ് ഡ്യുവല്-ടോണ് ഡയമണ്ട്-കട്ട് അലോയ് വീലുകളാണ് ലഭിക്കുന്നത്. അതേസമയം W8 ട്രിമ്മിന് ലളിതമായ സില്വര് നിറമുള്ള അലോയ്കളും കമ്പനി നല്കും. എന്നിരുന്നാലും, XUV300-ന്റെ ഫീച്ചര് ലിസ്റ്റില് മറ്റ് മാറ്റങ്ങളുണ്ട്.
സമീപകാല റിപ്പോര്ട്ട് അനുസരിച്ച്, പാസഞ്ചര് സൈഡ് കീലെസ് എന്ട്രി, റിയര് സെന്റര് ആംറെസ്റ്റ്, കപ്പ് ഹോള്ഡറുകള് തുടങ്ങിയ ചില സവിശേഷതകള് ടോപ്പ്-സ്പെക്ക് ട്രിമ്മില് നിന്ന് കമ്പനി പിന്വലിച്ചിട്ടുണ്ട്.
XUV300-യുടെ എല്ലാ വേരിയന്റുകളുടെയും വിലകള് ഇപ്പോള് മാറ്റമില്ലാതെ തന്നെ തുടരുന്നു. 7.95 ലക്ഷം മുതല് 13.46 ലക്ഷം രൂപ വരെയാണ് വാഹനത്തിന്റെ എക്സ്ഷോറൂം വില.
W4, W6, W8, W8 (O) എന്നീ നാല് വകഭേദങ്ങളിലാണ് മഹീന്ദ്ര സബ്-കോംപാക്ട് എസ്യുവി വാഗ്ദാനം ചെയ്യുന്നത്. ഒരു കാലത്ത് മഹീന്ദ്രയുടെ കൊറിയന് ഉപകമ്പനിയായിരുന്ന സാങ്യോങ് ടിവോലിയെ അടിസ്ഥാനമാക്കിയുള്ളതാണ് കാര്.
1.2 ലിറ്റര് ടര്ബോ പെട്രോള് യൂണിറ്റും 1.5 ലിറ്റര് ഡീസല് യൂണിറ്റും രണ്ട് എഞ്ചിന് ഓപ്ഷനുകളാണ് XUV300-ന് നല്കുന്നത്. ആദ്യത്തേത് 109 bhp കരുത്തും 200 Nm പീക്ക് ടോര്ക്കും നല്കുന്നു.
ഓയില് ബര്ണറിലേക്ക് വരുമ്പോള് ഈ യൂണിറ്റ് 115 bhp കരുത്തും 300 Nm പീക്ക് ടോര്ക്കും പുറപ്പെടുവിക്കുന്നു. രണ്ട് മോട്ടോറുകളും 6-സ്പീഡ് മാനുവല് ഗിയര്ബോക്സ് അല്ലെങ്കില് 6-സ്പീഡ് AMT എന്നിവയുമായിട്ടാണ് ബന്ധിപ്പിക്കുന്നത്.
ഫീച്ചറുകളുടെ കാര്യത്തില്, XUV300-ല് ഇലക്ട്രിക് സണ്റൂഫ്, ക്രൂയിസ് കണ്ട്രോള്, ആന്ഡ്രോയിഡ് ഓട്ടോ, ആപ്പിള് കാര്പ്ലേ എന്നിവയ്ക്കൊപ്പം 7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, റെയിന് സെന്സിംഗ് വൈപ്പറുകള്, ഓട്ടോ എസി, കണക്റ്റഡ് കാര് സാങ്കേതികവിദ്യ തുടങ്ങിയ സവിശേഷതകളുണ്ട്.
ഏഴ് എയര്ബാഗുകള്, കോര്ണര് ബ്രേക്കിംഗ് കണ്ട്രോള്, ഫ്രണ്ട് ആന്ഡ് റിയര് പാര്ക്കിംഗ് സെന്സറുകള് എന്നിവയാണ് യാത്രക്കാരുടെ സുരക്ഷ ഫീച്ചറുകള്. XUV300-ന്റെ പൂര്ണ്ണമായ ഇലക്ട്രിക് പതിപ്പ് വികസിപ്പിക്കാനുള്ള ശ്രമത്തിലാണ് മഹീന്ദ്ര ഇപ്പോള്.
അതിന്റെ പ്രീ-പ്രൊഡക്ഷന് 2020 ഓട്ടോ എക്സ്പോയുടെ അവസാന പതിപ്പില് പ്രിവ്യൂ ചെയ്യുകയും ചെയ്തിരുന്നു. ഇലക്ട്രിക് എസ്യുവിയുടെ ഒരു പരീക്ഷണ പതിപ്പ് അടുത്തിടെ പുറത്തുവരികയും ചെയ്തിരുന്നു. ഇതുകൂടാതെ, മഹീന്ദ്രയ്ക്ക് ഐസി എഞ്ചിന് ഉപയോഗിച്ച് പ്രവര്ത്തിക്കുന്ന XUV300-ന് മിഡ്-ലൈഫ് ഫെയ്സ്ലിഫ്റ്റ് നല്കാനും കമ്പനി ഒരുങ്ങുകയാണ്.
Continue with Google