വില കൂടുന്ന Tata കാറുകൾ, ഇനി അധികം മുടക്കേണ്ടി വരിക 3,000 രൂപ വരെ

കാലക്രമേണ കാർ വില വർധന കൂടുതൽ സാധാരണമായിരിക്കുന്നുവെന്നു പറയാം. ഇൻപുട്ട് ചെലവുകളിലെ ഗണ്യമായ വർധനവാണ് വില അടിക്കടി ഉയർത്താൻ കമ്പനി തയാറാവുന്നത്. ദേ ഇപ്പോൾ ജനപ്രിയരായ ടാറ്റ മോട്ടോർസും തങ്ങളുടെ മോഡൽ നിരയിലാകെ വില വർധിപ്പിക്കുകയാണ്.

നേരത്തെ ടാറ്റ മോട്ടോർസ് തങ്ങളുടെ കാറുകളുടെ വില അവസാനമായി വർധിപ്പിച്ചത് രണ്ടു മാസം മുമ്പ് 2022 ജനുവരിയിലാണ്. സാധാരണയായി മോഡലിനെയും വേരിയന്റിനെയും ആശ്രയിച്ച് വില വർധന വ്യത്യാസപ്പെടുമ്പോൾ ഇത്തവണ കമ്പനി ഈ തന്ത്രം മാറ്റിപ്പിടിച്ചിരിക്കുകയാണ്.

തെരഞ്ഞെടുത്ത മോഡലുകളിലുടനീളം ഫ്ലാറ്റ് വർധനവാണ് കമ്പനി ഇപ്പോൾ നടപ്പിലാക്കിയിരിക്കുന്നത്. ടാറ്റയുടെ കാറുകളുടെ മുഴുവൻ ശ്രേണിയുടെയും തെരഞ്ഞെടുത്ത വകഭേദങ്ങൾക്ക് 3,000 രൂപയോളമാണ് വില വർധിപ്പിച്ചിരിക്കുന്നത്.

ഏറ്റവും പുതിയ പരിഷ്ക്കരണത്തിൽ ആൾട്രോസ് ഡീസൽ XE, XE+, XM+, XT, XZ, XZ(O), XZ+ എന്നീ വേരിയന്റുകൾക്ക് ഇപ്പോൾ 3,000 രൂപയാണ് കൂടിയിരിക്കുന്നത്. പ്രീമിയം ഹാച്ച്ബാക്കിന്റെ പെട്രോൾ XE+, XM+, XT, XT TC, XZ, XZ TC (O), XZ TC, XZ (O), XZ+, XZ+ Dark, XZ+TC, XZ+TC Dark എന്നിവയ്ക്കും 3,000 രൂപയുടെ വർധനവാണ് നടപ്പിലാക്കിയിരിക്കുന്നത്.

ടാറ്റ ഹാരിയർ XE, XM, XMZ എന്നിവയ്ക്കും 3,000 രൂപയാണ് കൂടിയിരിക്കുന്നത്. നെക്സോൺ ഡീസൽ XM, XM(S), XMA(S), XZ+, XZ+ (O), XZ+ഡാർക്ക് എഡിഷൻ, XZ+ (O) ഡാർക്ക് എഡിഷൻ, XZA+ ഡാർക്ക് എഡിഷൻ, XZA+ DT, XZA+ DT(O) പതിപ്പുകൾക്കും ഇതേ വില പരിഷ്ക്കരണം തന്നെയാണ് തീരുമാനത്തിലുള്ളത്.

അതേസമയം നെക്സോൺ പെട്രോൾ വേരിയന്റുകളായ XE, XM, XM(S), XMA, XMA(S), XZ, XZ+, XZ+(O), XZ+ DT, XZ+ DT(O) എന്നിവയിലും ടാറ്റ മോട്ടോർസ് 3,000 രൂപയുടെ വില വർധനയാണ് പ്രഖ്യാപിച്ചിരിക്കുന്നത്. ബ്രാൻഡിന്റെ ഏറ്റവും പുതിയ വാഹനമായ ടാറ്റ പഞ്ചും വില പരിഷ്‌കരണത്തിന് വിധേയമായി.

പഞ്ച് അക്കംപ്ലിഷ്, അക്കംപ്ലിഷ് എഎംടി, അക്കംപ്ലിഷ് ഡാസിൽ, അക്കംപ്ലിഷ് ഡാസിൽ മാറ്റ്, അഡ്വഞ്ചർ, അഡ്വഞ്ചർ എഎംടി, അഡ്വഞ്ചർ റിഥം, അഡ്വഞ്ചർ റിഥം എഎംടി, ക്രിയേറ്റീവ്, ക്രിയേറ്റീവ് എഎംടി, ക്രിയേറ്റീവ് ഐആർഎ, ക്രിയേറ്റീവ് ഐആർഎ എഎംടി, പ്യുവർ വേരിയന്റുകൾക്ക് ഇപ്പോൾ 3,000 രൂപ വിലയാണ് അധികം മുടക്കേണ്ടി വരിക.

ടാറ്റ സഫാരി XE, XM, XMA, XT, XT+, XT+ ഡാർക്ക്, XTA+, XTA+ ഡാർക്ക്, XZ, XZ+ 6S ഡാർക്ക്, XZ+ ഡാർക്ക്, XZ+ ഗോൾഡ്, XZ+ ഗോൾഡ് 6S, XZA, XZA+ 6S ഡാർക്ക്, XZA+ ഡാർക്ക്, XZA+ ഗോൾഡ്, XZA+ ഗോൾഡ്, XZA+ ഗോൾഡ് 6S വേരിയന്റുകൾക്കും ഇപ്പോൾ 3,000 രൂപ കൂടുതലാണ്.

ടിയാഗോ XE, XT, XTA, XTO, XZZ< XZ+ DT New, XZA+ DT New, XZA+ ടിയാഗോ NRG വിലകളും സമാനമായ വർധനവിനാണ് സാക്ഷ്യംവഹിച്ചിരിക്കുന്നത്.

ടാറ്റ ടിഗോർ XE, XM, XMA, XZ, XZ+ New, XZ+ DT New, XZA+ DT New, XZA+ എന്നീ പുതിയ വേരിയന്റുകൾക്കും 3,000 രൂപ വില കൂടും. വിലക്കയറ്റം അനിവാര്യമാണെങ്കിലും ടാറ്റ ഈ മാസത്തേയ്ക്ക് പുതിയ ഓഫറുകളും ആനുകൂല്യങ്ങളും പ്രഖ്യാപിച്ചിട്ടുണ്ട്.

ഇതിൽ കൺസ്യൂമർ സ്കീം ഓഫറുകളും എക്സ്ചേഞ്ച് ഡിസ്കൗണ്ടുമാണ് ഉൾപ്പെടുന്നത്. ഈ ആനുകൂല്യങ്ങൾ MY2021, MY2022 എന്നീ രണ്ട് മോഡലുകൾക്കും ബാധകമാണ്. 2021 മോഡൽ ഇയർ വാഹനങ്ങൾക്കാണ് കൂടുതൽ ആനുകൂല്യങ്ങൾ ഉപയോഗപ്പെടുത്താനാവുക.

നെക്സോൺ, ആൾട്രോസ്, സഫാരി, ഹാരിയർ, ടിഗോർ, ടിയാഗോ തുടങ്ങിയ മോഡലുകളിലെല്ലാം ഓഫറിനു കീഴിൽ അണിനിരത്തിയിട്ടുണ്ട്. ഇപ്പോൾ വാഹന വ്യവസായത്തെ ആകെ ഉലയ്ക്കുന്ന ചിപ്പ് പ്രതിസന്ധി ടാറ്റയ്ക്കും നേരിടേണ്ടി വന്നിരിക്കുകയാണ്.

ഇതിനുള്ള പ്രതിരോധ നടപടികളുടെ ഭാഗമായി ടാറ്റ ഹാരിയർ, സഫാരി, പഞ്ച്, ആൾട്രോസ് എന്നീ മോഡലുകളിൽ ഇനി മുതൽ ടാറ്റ മോട്ടോർസ് ഒരു റിമോട്ട് കീ മാത്രമേ നൽകൂ എന്ന് അറിയിച്ചിട്ടുണ്ട്. എന്നാൽ കീലെസ് എൻട്രി നൽകാത്ത അടിസ്ഥാന മോഡലുകൾ രണ്ട് മാനുവൽ കീകൾ ഉപയോഗിച്ച് വാഗ്ദാനം ചെയ്യുന്നത് തുടരും.