ഒന്നല്ല, രണ്ടല്ല, മൂന്നുമല്ല... Ioniq 5 ഇവിക്ക് 8 വർഷത്തെ വാറണ്ടി നൽകാൻ Hyundai

ഓൾ-ഇലക്‌ട്രിക് ക്രോസ്ഓവർ മോഡലായ അയോണിക് 5 ഇവിയെ ഹ്യുണ്ടായി ഇന്ത്യയിൽ പരിചയപ്പെടുത്തിയത് ഈ കഴിഞ്ഞ ദിവസമായിരുന്നു. ഡിസംബർ 20 പുറത്തിറക്കി ബുക്കിംഗ് ആരംഭിച്ച വാഹനത്തിനെ വിപണിയിൽ വേറിട്ടു നിർത്താനാണ് ബ്രാൻഡിന്റെ ശ്രമം. ഇവി വാങ്ങാൻ താത്പര്യമുള്ള ഉപഭോക്താക്കൾക്കായി കമ്പനി ഔദ്യോഗിക ബുക്കിംഗും അന്നേ ദിവസം ആരംഭിച്ചിട്ടുണ്ട്.

വാഹനം പുറത്തിറക്കിയെങ്കിലും അടുത്ത മാസം ഓട്ടോ എക്‌സ്‌പോയിലായിരിക്കും അയോണിക് 5 ഇലക്ട്രിക്കിനായുള്ള വില പ്രഖ്യാപിക്കുക. പൂർണമായി ലോഡുചെയ്‌ത ഒരു വേരിയന്റിൽ മാത്രമാവും വാഹനം ലഭ്യമാവുക. അതോടൊപ്പം ഇലക്ട്രിക് ക്രോസ്ഓവർ മൂന്ന് വ്യത്യസ്‌ത കളർ ഓപ്ഷനിലും തെരഞ്ഞെടുക്കാനാവും. കൊറിയൻ ബ്രാൻഡ് വാഹനത്തെ കൂടുതൽ ആകർഷകമാക്കാനായി എക്സ്ക്ലൂസീവ് സർവീസ് പാക്കേജുകൾ വരെയാണ് വാഗ്ദാനം ചെയ്യുന്നത്. അതിൽ വാറണ്ടിയുടെ കാര്യത്തിലാണ് അയോണിക് 5 ഏവരേയും ഞെട്ടിക്കാൻ ഒരുങ്ങുന്നത്.

ഇതിൽ മൂന്ന് വർഷം അല്ലെങ്കിൽ അൺലിമിറ്റഡ് കിലോമീറ്റർ വാറണ്ടി, എട്ട് വർഷം അല്ലെങ്കിൽ 1,60,000 കി.മീ. ബാറ്ററി വാറണ്ടി, മൂന്ന് വർഷത്തെ റോഡ്സൈഡ് അസിസ്റ്റൻസ്, വാറണ്ടി അഞ്ച് വർഷം അല്ലെങ്കിൽ 1,40,000 കി.മീ. വരെ നീട്ടാനുള്ള ഓപ്ഷൻ എന്നിവ ഉൾപ്പെടുന്നു. ഇതിൽ ഏതാണ് നേരത്തെ വരുന്നത് എന്നതിനെ ആശ്രയിച്ചായിരിക്കും വാറണ്ടി ഓപ്ഷൻ പരിഗണിക്കപ്പെടുക. കൂടാതെ അയോണിക് 5 ഡെലിവറി ചെയ്ത് 15 ദിവസത്തിനുള്ളിൽ ഒരു ഫസ്റ്റ് കണക്ട് ഹോം വിസിറ്റിനൊപ്പം രണ്ട് കോംപ്ലിമെന്ററി ഹോം ചാർജറുകളും (3.3kW, 11kW) കമ്പനി വാഗ്ദാനം ചെയ്യും.

തുടർന്ന് ഐകെയർ മെയിന്റനൻസ് പാക്കേജും ഹ്യുണ്ടായി നൽകും. അത് വെഹിക്കിൾ ടു വെഹിക്കിൾ ചാർജിംഗ് പോലെയുള്ള സേവനങ്ങൾ നൽകുന്നു. ഇത് രാജ്യത്തെ പ്രധാന നാല് നഗരങ്ങളിൽ ചാർജ്ജിംഗ് സപ്പോർട്ട് ഉടമകൾക്ക് നൽകുമെന്നാണ് ഉറപ്പു നൽകുന്നത്. 2022 വേൾഡ് കാർ ഓഫ് ദി ഇയർ പുരസ്ക്കാരം കരസ്ഥമാക്കിയ അയോണിക് 5 രാജ്യത്ത് CKD യൂണിറ്റായി അവതരിപ്പിക്കുന്നതിനാൽ ഏകദേശം 50 ലക്ഷം രൂപ എക്സ്ഷോറൂം വിലയായി നൽകേണ്ടി വരുമെന്നാണ് സൂചന.

മോഡുലാരിറ്റി, പെർഫോമൻസ്, വിശ്വാസ്യത, ഉപയോഗക്ഷമത എന്നിവ ഉപയോഗിച്ച് സൃഷ്ടിച്ച സമർപ്പിത ഇ-ജിഎംപി സ്കേറ്റ്ബോർഡ് ആർക്കിടെക്ചറിലാണ് ഇവി വികസിപ്പിച്ചിരിക്കുന്നത്. അതിലും പ്രധാനമായി, ഫ്ലാറ്റ് ഫോർ വിശാലമായ ക്യാബിൻ പ്രാപ്തമാക്കുന്നു. അതിനാൽ അയോണിക് 5 പ്രായോഗികവും ആധുനികവും രസകരവുമായിരിക്കും. അങ്ങനെ ഇലക്ട്രിക് എസ്‌യുവി പുതിയ കാലത്തെ വാങ്ങുന്നവരെ ആകർഷിക്കും. പുരോഗമനപരവും ഭാവിയുക്തവുമായ രൂപകൽപ്പനയെ അടിസ്ഥാനമാക്കി നിർമിച്ചിരിക്കുന്ന മോഡൽ ഹ്യുണ്ടായിയുടെ പോണി കാറുകളെ ഓർമപ്പെടുത്തിയേക്കും എന്നതും ശ്രദ്ധേയമാണ്.

ലോകമെമ്പാടും പിന്തുടരുന്ന ഹ്യുണ്ടായിയുടെ "സെൻസുസ് സ്‌പോർട്ടിനസ്" ഡിസൈൻ ഫിലോസഫിയുടെ ലൈനുകളിൽ സൃഷ്‌ടിച്ച അയോണിക് 5 ഇവി ആധുനിക നിർമാണത്തോടൊപ്പം ഒരു ഭാവി പാക്കേജിലേക്ക് സന്നിവേശിപ്പിച്ച റെട്രോ ഘടകങ്ങളുടെ മിശ്രിതമാണെന്നും പറയാം. ഹ്യുണ്ടായി ഇവിക്ക് വ്യത്യസ്‌തമായ ഹാച്ച്‌ബാക്ക് സ്‌റ്റൈലിംഗ് ഉണ്ടെന്നതാണ് ഹൈലൈറ്റ്. എന്നിരുന്നാലും മിക്ക ഹാച്ച്‌ബാക്കുകളെയും അപേക്ഷിച്ച് ഇത് വളരെ വലുതാണ്. ചതുരാകൃതിയിലുള്ള ഹെഡ്‌ലൈറ്റ്, ടെയിൽലൈറ്റ് ഘടകങ്ങൾ എന്നിവ പോലെയുള്ള റെട്രോ ഡിസൈൻ സൂചകങ്ങളും മൊത്തത്തിൽ ഒരു ബോക്‌സി സൗന്ദര്യാത്മകതയും അയോണിക് 5 ഇവിയെ വേറിട്ടുനിർത്തുന്നു.

എൽഇഡി ഹൈ-മൗണ്ട് സ്റ്റോപ്പ് ലാമ്പുള്ള പിൻ സ്‌പോയിലർ ഇവിയുടെ എയറോഡൈനാമിക്‌സ് മെച്ചപ്പെടുത്തുമ്പോൾ അത്‌ലറ്റിക് സെൻസിബിലിറ്റികൾ ചേർക്കുന്നു. 3 മീറ്റർ നീളമുള്ള വീൽബേസ് അനിഷേധ്യമായ റോഡ് സാന്നിധ്യം നൽകുന്നുവെന്നും ഉറപ്പുവരുത്തിയിട്ടുണ്ട്. ശക്തമായ പെർഫോമൻസ് ശേഷി കൂടാതെ 350 kW ഡിസി ഫാസ്റ്റ് ചാർജറും നൂതനമായ വെഹിക്കിൾ-ടു-ലോഡ് (V2L) സൊല്യൂഷനുകളും ഉപയോഗിച്ച് വെറും 18 മിനിറ്റിനുള്ളിൽ 10 ശതമാനം മുതൽ 80 ശതമാനം വരെ അൾട്രാ ഫാസ്റ്റ് ചാർജിംഗ് ശേഷി ഹ്യുണ്ടായി അയോണിക് 5 പ്രാപ്തമാക്കുന്നു.

ദക്ഷിണ കൊറിയൻ വാഹന നിർമാതാക്കൾ ലെവൽ 2 ADAS ഓഫർ ചെയ്യു. 72.6 kWh ബാറ്ററി പാക്ക് ഒറ്റ ചാർജിൽ 631 കിലോമീറ്റർ ARAI സാക്ഷ്യപ്പെടുത്തിയ ഡ്രൈവിംഗ് റേഞ്ച് അനുവദിക്കുന്നു. ആഗോളതലത്തിൽ റിയർ-വീൽ ഡ്രൈവ് (RWD), ഓൾ-വീൽ ഡ്രൈവ് (AWD) പവർട്രെയിനുകൾക്കൊപ്പം സ്റ്റാൻഡേർഡ് റേഞ്ച്, ലോംഗ് റേഞ്ച് വേരിയന്റുകളോടെയാണ് ഹ്യുണ്ടായി മോഡൽ വാഗ്ദാനം ചെയ്യുന്നത്. ഇതിലെ സ്റ്റാൻഡേർഡ് വേരിയന്റിന് 58kWh ബാറ്ററി പായ്ക്ക് ഉണ്ട്. അതേസമയം എക്സ്റ്റൻഡഡ് റേഞ്ച് വേരിയന്റിന് 72.6kWh പായ്ക്കും ലഭിക്കുന്നു.