യൂറോപ്പിലെ ഏറ്റവും വലിയ ടണല്‍പാത

നേരത്തെ പറഞ്ഞതുപോലെ, യൂറോപ്പിലെ ഏറ്റവും വലിയ നിര്‍മാണ പദ്ധതിയായിരുന്നു. സര്‍ക്കാര്‍ സംവിധാനങ്ങള്‍ ഏറ്റവും കാര്യക്ഷമതയോടെ പ്രവര്‍ത്തിച്ചാല്‍ മാത്രമേ ഈ പദ്ധതി നടപ്പാക്കാന്‍ കഴിയൂ എന്ന് അധികാരികള്‍ക്ക് ഉറപ്പായിരുന്നു. ഒരുനിമിഷം പോലും അവധിയില്ലാതെ പ്രവര്‍ത്തിക്കുന്ന വിധത്തിലാണ് നിര്‍മാണപദ്ധതി വിഭാവനം ചെയ്യപ്പെട്ടത്.

ആകെ 118 കിലോമീറ്റര്‍ നീളമുള്ളതാണ് റെയില്‍ റൂട്ട്. ഇതില്‍ 42 കിലോമീറ്റര്‍ ടണലുകളാണ്.

6.2 മീറ്റര്‍ വിസ്താരമുള്ളതാണ് ഈ ടണലുകള്‍. എട്ട് ടണല്‍ ബോറിങ് മെഷീനുകളാണ് ഇവ നിര്‍മിക്കാനുപയോഗിച്ചത്. 24 മണിക്കൂറും ടണല്‍ നിര്‍മാണ ജോലികള്‍ തുടര്‍ന്നു.

രണ്ടര ലക്ഷത്തോളം കോണ്‍ക്രീറ്റ് സെഗ്മെന്റുകളുപയോഗിച്ചാണ് ഈ ടണല്‍ നിര്‍മിച്ചിരിക്കുന്നത്. 7 ദശലക്ഷം ടണ്‍ മണ്ണാണ് ടണലിനായി നീക്കം ചെയ്തത്. ഇവയില്‍ 3 ദശലക്ഷം ടണ്‍ മണ്ണ് വലാസിയ ദ്വീപിലേക്കാണ് മാറ്റിയത്.

ടണലിന്റെ പണി പൂര്‍ത്തിയായെങ്കിലും ഇതിലൂടെ ഗതാഗതസംവിധാനം ഒരുക്കാനുള്ള സൗകര്യങ്ങള്‍ ഇനിയും നിര്‍മിക്കേണ്ടതായുണ്ട്. വാള്‍ പാനലുകള്‍, സൈനുകള്‍, ലൈറ്റുകള്‍, സ്റ്റേഷനുകള്‍ തുടങ്ങിയവയുടെ നിര്‍മാണം ഇതിനകം തന്നെ തുടങ്ങിയിട്ടുണ്ട്.

ഈ റൂട്ടില്‍ ആകെ 40 സ്റ്റേഷനുകളുണ്ടായിരിക്കും. വര്‍ഷത്തില്‍ ഈ ടണലിലൂടെ 200 ദശലക്ഷം യാത്രക്കാര്‍ സഞ്ചരിക്കുമെന്നാണ് കണക്കുകൂട്ടല്‍.

യുകെയിലെ ഏറ്റവും തിരക്കേറിയ റെയില്‍ റൂട്ടായി ഇതു മാറുമെന്നാണ് പ്രതീക്ഷിക്കുന്നത്. ലണ്ടനിലെ അഞ്ച് എയര്‍പോര്‍ട്ടുകള്‍ക്കരികിലൂടെയാണ് ഈ റെയില്‍ റൂട്ട് പോകുന്നത്.

ഈ ക്രോസ്സ്‌റെയില്‍ ലിങ്കിലൂടെ സര്‍വീസ് തുടങ്ങുക 2018ലായിരിക്കും. ഇതുവരെയുള്ള ജോലികള്‍ പൂര്‍ത്തിയാക്കിയത് നിശ്ചയിച്ച ബജറ്റിലും സമയത്തിലുമായിരുന്നു. ഇനിയുള്ള പ്രവര്‍ത്തനങ്ങളും ഇങ്ങനെത്തന്നെയായിരിക്കും എന്നുറപ്പിക്കാം.

ലണ്ടനിലും നഗരത്തിനു പുറത്തുമുള്ള തൊഴിലെടുക്കുന്ന ജനങ്ങളുടെ ജീവിതം കൂടുതല്‍ ആയാസരഹിതമാക്കാന്‍ ഈ റെയില്‍പാതയ്ക്ക് സാധിക്കുമെന്ന് ഡേവിഡ് കാമറൂണ്‍ പറയുന്നു. കൂടുതല്‍ തൊഴിലവസരങ്ങള്‍ കൊണ്ടുവരാനും ഈ പാതയ്ക്ക് സാധിക്കും.

കൂടുതല്‍

അതിശയിപ്പിക്കുന്ന തുരങ്കപ്പാതകള്‍

11 കിലോമീറ്റർ നീളമുള്ള വാട്ടർപ്രൂഫ് തുരങ്കം

റോഡ് നിയമത്തോടുള്ള നമ്മുടെ പുച്ഛത്തിന് 25 തെളിവുകള്‍

കെട്ടുപൊട്ടിയ ഭാവനയുടെ അര്‍മാദം കാണാം