54 ആളില്ലാവിമാനങ്ങൾ കൊണ്ട് ഒരു ഹെലികോപ്റ്റർ

By Santheep

Published: Thursday, October 1, 2015, 10:02 [IST]

എന്തെങ്കിലുമൊരു ഭ്രാന്തില്ലാത്തവർക്ക് ജീവിതം പ്രയാസമുള്ളതായിരിക്കും. ഭ്രാന്തിന്റെ വ്യത്യസ്തതയും വലിപ്പച്ചെറുപ്പങ്ങളുമെല്ലാം ചേർന്നാണ് ഓരോ മനുഷ്യനെയും വേറിട്ടവരാക്കുന്നത്. ഇവിടെ കുറച്ച് കൂടിയ ഒരിനത്തെയാണ് പരിചയപ്പെടുത്തുന്നത്. ഇങ്ങോരുടെ ഭ്രാന്ത് കണ്ട് നമ്മുടെയെല്ലാം ഭ്രാന്തിന് ഭ്രാന്ത് പിടിക്കേണ്ടതാണ്.

54 ചെറിയ ആളില്ലാ വിമാനങ്ങൾ കൂട്ടിച്ചേർത്ത് ഒരു മിനി ഹെലികോപ്റ്റർ നിർമിക്കുകയാണ് പുള്ളിക്കാരൻ ചെയ്തത്. ചിത്രങ്ങളും വീഡിയോയും താഴെ കാണാം.

54 ആളില്ലാവിമാനങ്ങൾ കൊണ്ട് ഒരു ഹെലികോപ്റ്റർ

54 മിനി ഡ്രോണുകൾ സംതുലിതമായ രീതിയിൽ ഘടിപ്പിച്ചിരിക്കുകയാണ് ഇതിൽ.

ഈ അമ്പത്തിനാലെണ്ണവും ഒരുമിച്ച് പ്രവർത്തിക്കുമ്പോഴുണ്ടാകുന്ന ആയത്തിലാണ് ഹെലികോപ്റ്റർ പൊന്തുന്നത്.

മിനി ഡ്രോണുകളെക്കൊണ്ടാവുന്ന വിധത്തിൽ ഹെലികോപ്റ്ററിനെ പൊന്തിക്കുന്നുണ്ട്. എങ്കിലും വലിയ പറക്കലിനൊന്നും ശേഷിയില്ല ഇതിന്.

വീഡിയോ

സ്വാം എന്നാണ് ഈ ഹെലികോപ്റ്ററിന് പേരിട്ടിരിക്കുന്നത്. തേനീച്ചകൾ ഒരുമിച്ചുണ്ടാക്കുന്ന ശബ്ദത്തെയാണ് ഈ പേര് പ്രതിനിധീകരിക്കുന്നത്. സംഗതിയെന്താന്നു വെച്ചാൽ, ഈ ഹെലികോപ്റ്റർ പറക്കുമ്പോൾ ഇത്തരമൊരു ശബ്ദമാണ് പുറത്തുവരുന്നത്.