Click it and Unblock the Notifications
ബജാജ് അവഞ്ചറിനുള്ള സുസൂക്കിയുടെ മറുപടി; ഇന്ട്രൂഡര് 150 യില് അമ്പരന്ന് ആരാധകര്
ഇന്ത്യയില് ഇത്രയും കാലം ബജറ്റ് ക്രൂയിസര് എന്നാല് ബജാജ് അവഞ്ചര് മാത്രമായിരുന്നു. വിലകൂടിയ ഹാര്ലി-ഡേവിഡ്സണുകള് മേലെ തട്ടില് ക്രൂയിസിംഗ് പാഠങ്ങള് പകര്ന്നപ്പോള്, ക്രൂയിസിംഗ് എന്തെന്ന് സാധാരണക്കാരന് അറിഞ്ഞത് ബജാജ് അവഞ്ചറിലൂടെയാണ്.
എന്ട്രി-ലെവല് ക്രൂയിസര് ബജാജിന്റെ ഇതേ ആധിപത്യം തകര്ക്കുക ലക്ഷ്യമിട്ടാണ് പുതിയ ഇന്ട്രൂഡര് 150 യുമായി സുസൂക്കി മോട്ടോര്സൈക്കിള് ഇപ്പോള് ഇന്ത്യന് തീരമണയുന്നത്.
ബജറ്റ് ക്രൂയിസറിന്റെ പുതിയ ചിത്രങ്ങള് സുസൂക്കിയുടെ മുന്നൊരുക്കത്തിലേക്കുള്ള സൂചനയാണ് നല്കുന്നതും. ആരുടെയും ശ്രദ്ധ പിടിച്ച് പറ്റുന്ന മുഖരൂപമാണ് ഇന്ട്രൂഡര് 150 യ്ക്ക്.
ട്രയാങ്കുലാര് പ്രൊജക്ടര് ഹെഡ്ലാമ്പുകള്, ആധുനികത വെളിപ്പെടുത്തുന്ന എല്ഇഡി ലൈറ്റ് എന്നിവയാണ് ഇന്ട്രൂഡര് 150 യുടെ ഫ്രണ്ട് പ്രൊഫൈല് ഹൈലൈറ്റ്. ഇതിന് പുറമെ ഫ്രണ്ട് കൗളും മോട്ടോര്സൈക്കിളില് ഒരുങ്ങുന്നുണ്ട്.
Trending On DriveSpark Malayalam:
മച്ചാനെ ബൂസാ.. ക്ഷമിക്കണം ഇത് ഹീറോ കരിസ്മയാണ്!
ബജാജിന് പോലും തിരിച്ചറിയാന് സാധിക്കാത്ത ചില പള്സര് മോഡിഫിക്കേഷനുകള്
കൗളിനോട് ചേര്ന്നുള്ള ടേണ് ഇന്ഡിക്കേറ്ററുകളും ക്രോം ഫിനിഷ് നേടിയ റിയര് വ്യൂ മിററുകളും ഇന്ട്രൂഡര് 150 യുടെ പ്രീമിയം മുഖം വിളിച്ചോതുന്നവയാണ്.
ആകെമൊത്തം കൊഴുത്തുരുണ്ട രൂപമാണ് സുസൂക്കി ഇന്ട്രൂഡര് 150 യ്ക്ക്. ആള്ക്കൂട്ടത്തില് വേറിട്ട് നില്ക്കാന് ഇതേ രൂപകല്പന ഇന്ട്രൂഡര് 150 യെ പിന്തുണയ്ക്കുമെന്ന പ്രതീക്ഷയിലാണ് സുസൂക്കി.
മസ്കുലാര് ഫ്ളോയിംഗ് ഫ്യൂവല് ടാങ്കും, ഇന്ട്രൂഡര് ബാഡ്ജിംഗും ക്രൂയിസര് മോട്ടോര്സൈക്കിളിന്റെ പ്രീമിയം മുഖത്തിന് കരുത്ത് പകരുന്നു.
Trending On DriveSpark Malayalam:
ഇത് അതിമോഹം അല്ലേ?; 750 സിസി ബുള്ളറ്റിനെ തോല്പിക്കാന് ശ്രമിച്ച് ബജാജ് ഡോമിനാര്
ഇത് ഗംഭീരം; റോയല് എന്ഫീല്ഡിനെയും ബജാജിനെയും ഞെട്ടിച്ച് ഒരു ബൈക്ക്!
Recommended Video
സൈഡ് പ്രൊഫൈലില് വലുപ്പമാര്ന്ന ക്രൂയസറിന്റെ പ്രതീതിയാണ് ഇന്ട്രൂഡര് 150 നല്കുക. ഡ്യൂവല്-ടോണ് സൈഡ് പാനലുകള്, എഞ്ചിന് കൗള് എന്നിവ മോട്ടോര്സൈക്കിളിന്റെ സൈഡ് പ്രൊഫൈല് വിശേഷങ്ങളാണ്.
സുസൂക്കി ഹയാബൂസയെ അനുസ്മരിപ്പിക്കുന്ന റിയര് എന്ഡ് ഡിസൈനാണ് ഇന്ട്രൂഡര് 150 യില് സുസൂക്കി നല്കിയിരിക്കുന്നത്. ബക്കറ്റ്-സ്റ്റൈല് റൈഡര് സീറ്റാണ് മോട്ടോര്സൈക്കിളിന് ലഭിച്ചിട്ടുള്ളതും.
സിംഗിള് പീസ് ഗ്രാബ് റെയില്, എല്ഇഡി ടെയില് ലാമ്പ്, ഫെന്ഡര് എന്നിവ ഉള്പ്പെടുന്നതാണ് റിയര് എന്ഡ് ഡിസൈന്. ചെത്തിയൊതുക്കിയ ഡ്യൂവല്-പോര്ട്ട് ക്രോം എക്സ്ഹോസ്റ്റ് ഇന്ട്രൂഡര് 150 യുടെ ഡിസൈനിനെ ശ്രദ്ധേയമാക്കുന്നു.
ഇരു എന്ഡുകളിലും ഡിസ്ക് ബ്രേക്ക് ഒരുങ്ങിയ ഇന്ട്രൂഡര് 150 യുടെ ഫ്രണ്ട് വീലില് മാത്രമാണ് സിംഗിള്-ചാനല് എബിഎസ് ഇടംപിടിക്കുന്നത്. ഫ്രണ്ട് ഫെനഡറില് നല്കിയ എബിഎസ് ലോഗോ സൂചിപ്പിക്കുന്നതും ഇത് തന്നെയാണ്.
നിലവിലുള്ള 154.9 സിസി എയര്-കൂള്ഡ് എഞ്ചിനിലാകും സുസൂക്കി ഇന്ട്രൂഡര് 150 എത്തുക. 14.6 bhp കരുത്തും 14 Nm torque ഉം ഉത്പാദിപ്പിക്കുന്ന എഞ്ചിനില് 5 സ്പീഡ് ഗിയര്ബോക്സാണ് ഒരുങ്ങുക.
സിറ്റി റൈഡിംഗിന് അനുയോജ്യമായി മികവാര്ന്ന ലോ ടോര്ഖ് ഏകുന്നതാകും എഞ്ചിന്.
Trending On DriveSpark Malayalam:
ഇഷ്ടം ബൈക്കിനോട്, എന്നാല് കിട്ടിയത് കാറും; ഇത് മാരുതി 800 കൊണ്ടൊരു ബൈക്ക്
ഡ്രൈവിംഗിന് മുമ്പ് എഞ്ചിന് സ്റ്റാര്ട്ട് ചെയ്ത് 'ചൂടാക്കുന്നത്' ശരിയോ, തെറ്റോ?
ബജാജ് അവഞ്ചര് 150, അവഞ്ചര് 220 ക്രൂയിസറുകളോടാണ് സുസൂക്കി ഇന്ട്രൂഡര് 150 മത്സരിക്കുക. 90,000 രൂപയ്ക്കും 95,000 രൂപയ്ക്കും ഇടയിലായാകും സുസൂക്കി ഇന്ട്രൂഡര് 150 വിപണിയില് അണിനിരക്കുക.
Trending DriveSpark YouTube Videos
Subscribe To DriveSpark Malayalam YouTube Channel - Click Here
Continue with Google