അണിയറയില്‍ നിരവധി പദ്ധതികള്‍; ഇബൈക്ക്‌ഗോയുമായി പങ്കാളിത്തം പ്രഖ്യാപിച്ച് ഹീറോ ഇലക്ട്രിക്

അവസാന മൈല്‍ ലോജിസ്റ്റിക്സിനായി ഹീറോ ഇലക്ട്രിക് ഇരുചക്രവാഹനങ്ങളെ ഓരോ ഡെലിവറി മോഡലിലും പ്രതിമാസ വാടക അടിസ്ഥാനത്തില്‍ വ്യക്തിഗത ഉപഭോക്താക്കള്‍ക്കും വിന്യസിക്കും.

മുംബൈ, ബെംഗളൂരു, ഡല്‍ഹി, ഹൈദരാബാദ്, അമൃത്സര്‍, ജയ്പൂര്‍ തുടങ്ങിയ വിവിധ നഗരങ്ങളില്‍ വിന്യസിക്കുന്നതിന് ഹീറോ ഇലക്ട്രിക് 1,000 ഇലക്ട്രിക് ഇരുചക്ര വാഹനങ്ങള്‍ ഇബൈക്ക്‌ഗോയ്ക്ക് നല്‍കും.

MOST READ: നോട്ട് ഹാച്ച്ബാക്കിന്റെ ഓള്‍-വീല്‍ ഡ്രൈവ് പതിപ്പിനെ അവതരിപ്പിച്ച് നിസാന്‍

പങ്കാളിത്തത്തിന്റെ ഭാഗമായി 1,000 യൂണിറ്റുകളില്‍ 120 യൂണിറ്റുകള്‍ ഇതിനകം ഹീറോ ഇലക്ട്രിക് വിതരണം ചെയ്തു. ശേഷിക്കുന്ന യൂണിറ്റുകള്‍ വരുന്ന സാമ്പത്തിക വര്‍ഷത്തില്‍ ഇബൈക്ക്‌ഗോയ്ക്ക് കൈമാറും.

ഈ സംരംഭത്തെക്കുറിച്ച് അഭിപ്രായപ്പെട്ട ഹീറോ ഇലക്ട്രിക് സിഇഒ സോഹിന്ദര്‍ ഗില്‍ പറയുന്നതിങ്ങനെ, ''ബൈക്ക് ഉടമസ്ഥാവകാശത്തിന് പകരമുള്ള ഒരു ബദലായി ബൈക്ക് വാടകയ്ക്ക് കൊടുക്കല്‍ സ്ഥലം അതിവേഗം വളരുകയാണ്.

MOST READ: സണ്‍റൂഫ് ഫീച്ചറുമായി റെനോ കിഗര്‍; സ്‌പൈ ചിത്രങ്ങള്‍

ഇബൈക്ക്‌ഗോ പോലുള്ള പ്രമുഖ ബ്രാന്‍ഡുകളുമായി പങ്കാളികളാകാന്‍ സാധിച്ചതില്‍ ഞങ്ങള്‍ക്ക് സന്തോഷമുണ്ട്. പരിസ്ഥിതിയെ പരിപാലിക്കുകയും, എളുപ്പവും അനായാസവും സന്തോഷകരവുമായ സവാരി അനുഭവം ആഗ്രഹിക്കുന്ന വിവേകമുള്ള ഒരു ഉപഭോക്താവിന് ആനന്ദകരമായ യാത്ര സമ്മാനിക്കുന്നതില്‍ സന്തോഷമുണ്ടെന്നും അദ്ദേഹം പറഞ്ഞു.

ഇന്ത്യയില്‍ 600-ല്‍ അധികം ഔട്ട്‌ലെറ്റുകളുള്ള ഡീലര്‍ നെറ്റ്‌വര്‍ക്ക് വഴി ഹീറോ ഇലക്ട്രിക് ഇബൈക്ക്‌ഗോയ്ക്ക് വില്‍പ്പനാനന്തര സേവനവും പിന്തുണയും നല്‍കും. കൂടാതെ, പരമാവധി സമയത്തിനായി ഒരു സമര്‍പ്പിത റിലേഷന്‍ഷിപ്പ് മാനേജരും സാങ്കേതിക സംഘവും ഉണ്ടാകും.

MOST READ: അൾട്രാ കോംപാക്‌ട് ഇലക്ട്രിക് കാർ പുറത്തിറക്കി ടൊയോട്ട

അടുത്ത മൂന്ന് മാസത്തിനുള്ളില്‍ ഇന്ത്യയിലെ അഞ്ച് നഗരങ്ങളിലായി 3,000 ഇലക്ട്രിക് വെഹിക്കിള്‍ ചാര്‍ജിംഗ് സ്റ്റേഷനുകള്‍ ആരംഭിക്കുമെന്ന് ഇബൈക്ക്ഗോ അടുത്തിടെ അറിയിച്ചിരുന്നു.

അടുത്ത ഒരു വര്‍ഷത്തിനുള്ളില്‍ ഇവി ചാര്‍ജിംഗ് നെറ്റ്‌വര്‍ക്ക് 12,000-15,000 ആക്കി വികസിപ്പിക്കാന്‍ പദ്ധതിയിടുന്നതായും കമ്പനി അറിയിച്ചു. ഈ ചാര്‍ജിംഗ് സ്റ്റേഷനുകള്‍ IoT പ്രാപ്തവും എല്ലാ ഇലക്ട്രിക് ഇരുചക്ര വാഹനങ്ങളുമായി പൊരുത്തപ്പെടുന്നതുമായിരിക്കും.

MOST READ: മഹീന്ദ്രയുടെ എഞ്ചിൻ, പുതുക്കിയ മുഖം; അറിയാം 2021 ഫോർഡ് ഇക്കോസ്പോർട്ടിലെ മാറ്റങ്ങൾ

ആദ്യ ഘട്ടത്തില്‍ ഡല്‍ഹി, മുംബൈ, ബെംഗളൂരു, ഹൈദരാബാദ്, ചെന്നൈ എന്നീ അഞ്ച് നഗരങ്ങളിലായി 3,000 ചാര്‍ജിംഗ് സ്റ്റേഷനുകള്‍ ഇബൈക്ക്ഗോ സ്ഥാപിക്കും. 2020 ഡിസംബര്‍ 1 മുതല്‍ കമ്പനി ഈ സ്റ്റേഷനുകളുടെ ഇന്‍സ്റ്റാളേഷന്‍ ആരംഭിക്കുമെന്നും അറിയിച്ചിരുന്നു. ജനസാന്ദ്രതയുള്ള മാര്‍ക്കറ്റ് സ്ഥലങ്ങളില്‍ ഇവ സ്ഥാപിക്കും.