പുതിയ കളർ ഓപ്ഷനും ഗ്രാഫിക്‌സും, പൾസർ RS200 മോഡലിനെ പരിഷ്ക്കരിച്ച് ബജാജ്

പേൾ മെറ്റാലിക് വൈറ്റ്, പ്യൂവർ ഗ്രേ എന്നിവയ്ക്ക് തിളങ്ങുന്ന ഫിനിഷ് ലഭിക്കുമ്പോൾ, ബേൺഡ് റെഡ് നിറത്തിന് മാറ്റ് ഫിനിഷ് ലഭിക്കും. 2020 ഒക്ടോബർ മുതൽ ഈ മൂന്ന് നിറങ്ങളും ഇതിനകം ഇന്ത്യയിൽ ലഭ്യമാണ് എന്നത് ശ്രദ്ധേയമാണ്.

മൂന്ന് പുതിയ കളർ ഓപ്ഷനുകളിലും അടിസ്ഥാന ഫ്രെയിമും അലോയ് വീലുകളും വൈറ്റി നിറത്തിലാണ് പൂർത്തിയാക്കിയിരിക്കുന്നത്. ഇതിനുപുറമെ ഫ്രണ്ട്, റിയർ ഫെൻഡറുകൾ സ്പോർട്ട് ഫോക്സ് എന്നിവയിൽ കാർബൺ-ഫൈബർ സ്റ്റിക്കറുകൾ നൽകിയത് മോട്ടോർസൈക്കിളിന് ഒരു പ്രീമിയം അപ്പീൽ നൽകുന്നു.

MOST READ: മാറ്റത്തിനൊരുങ്ങി യമഹ R15 V3; അവതരണം ഉടന്‍

RS200 മോഡലിന്റെ സീറ്റ് കവറുകളിൽ "പൾസർ" ലോഗോയും ഇടംപിടിക്കുന്നുണ്ട്. ഈ ചെറിയ കോസ്മെറ്റിക് പരിഷ്ക്കരണങ്ങൾക്ക് പുറമെ എൻട്രി ലെവൽ സ്പോർട്‌സ് മോട്ടോർസൈക്കിളിൽ ഒരു മെക്കാനിക്കൽ പരിഷ്ക്കരണവും കമ്പനി നൽകിയിട്ടില്ല.

ട്രിപ്പിൾ സ്പാർക്ക് പ്ലഗുകൾ, 4 വാൽവുകൾ, ഇലക്ട്രോണിക് ഫ്യുവൽ ഇഞ്ചക്ഷൻ സാങ്കേതികവിദ്യ എന്നിവ ലഭിക്കുന്ന 199.5 സിസി സിംഗിൾ സിലിണ്ടർ ലിക്വിഡ്-കൂൾഡ് എഞ്ചിനാണ് ബജാജ് പൾസർ RS200 പതിപ്പിന് കരുത്തേകുന്നത്.

MOST READ: ബലേനോയെ അടിസ്ഥാനമാക്കി മാരുതിയുടെ പുതിയ കോംപാക്‌ട് എസ്‌യുവി ഒരുങ്ങുന്നു

ഈ എഞ്ചിൻ 9750 rpm-ൽ പരമാവധി 24.5 bhp പവറും 8000 rpm-ൽ 18.6 Nm torque ഉം ഉത്പാദിപ്പിക്കാൻ ശേഷിയുള്ളതാണ്. പൾസർ RS200- ന്റെ രൂപകൽപ്പന തികച്ചും വ്യതിരിക്തവും മസ്ക്കുലറുമാണ്.

മസ്ക്കുലർ ഫ്യുവൽ ടാങ്കുമായി കൂടിച്ചേരുന്ന സ്പോർട്ടിയർ ഫ്രണ്ട് ഫെയറിംഗിനുള്ളിൽ ഒരു ജോടി പ്രൊജക്ടർ ഹെഡ്‌ലാമ്പുകളാണ് ബജാജ് കൂട്ടിച്ചേർത്തിരിക്കുന്നത്. എങ്കിലും എൽഇഡി ടെയിൽ ലാമ്പുകൾ അൽപ്പം കൂടി മികച്ചതാക്കാമെന്ന അഭിപ്രായവുമുണ്ട്.

MOST READ: ഇന്റർസെപ്റ്റർ, കോണ്ടിനെന്റൽ ജിടി മോഡലുകൾക്കായി ലഗേജ് ആക്‌സസറികൾ അവതരിപ്പിച്ച് റോയൽ എൻഫീൽഡ്

ക്ലിപ്പ്-ഓൺ ഹാൻഡിൽബാർ, സ്പ്ലിറ്റ് സീറ്റ്, എൽഇഡി ഇൻഡിക്കേറ്ററുകൾ, സെമി ഡിജിറ്റൽ ഇൻസ്ട്രുമെന്റ് ക്ലസ്റ്റർ എന്നിവയുടെ സാന്നിധ്യം ബജാജ് പൾസർ RS200-ന് ഒരു സ്പോർട്ടി അപ്പീൽ നൽകുന്നു.

ഇന്ത്യയിൽ ബജാജ് പൾസർ RS200-ന് 1.32 ലക്ഷം രൂപയാണ് എക്‌സ്‌ഷോറൂം വില. കെടിഎം RC 200, സുസുക്കി ജിക്സർ SF250 എന്നിവയ്‌ക്കെതിരെയാണ് ഇത് മാറ്റുരയ്ക്കുന്നത്.