Click it and Unblock the Notifications
ഇലക്ട്രിക് മോട്ടര്സൈക്കിള് ശ്രേണിയിലേക്ക് സ്പാനിഷ് അവതാരം; OX വണ്ണിനെ പരിചയപ്പെടാം
ഇലക്ട്രിക് മോട്ടര്സൈക്കിള് ശ്രേണിയിലേക്ക് പുതിയൊരു മോഡലിനെ പരിചയപ്പെടുത്താന് ഒരുങ്ങുകയാണ് സ്പാനിഷ് ഇലക്ട്രിക് മൊബിലിറ്റി സ്റ്റാര്ട്ട്-അപ്പായ OX മോട്ടോര്സൈക്കിള്.
ഉത്പാദന നിരയിലേക്ക് പ്രവേശിച്ച ആദ്യത്തെ OX വണ് ഇലക്ട്രിക് മോട്ടോര്സൈക്കിളിനെയാണ് കമ്പനി ഇപ്പോള് അവതരിപ്പിച്ചത്. വന്തോതിലുള്ള ഉല്പാദനം ഇനിയും ആരംഭിച്ചിട്ടില്ലെങ്കിലും, OX വണ് ഏതാണ്ട് പൂര്ണ്ണമായ ഒരു പദ്ധതിയാണെന്നും ഇത് ഉടന് തന്നെ ഉല്പാദനത്തിലേക്ക് മാറ്റുമെന്നും കമ്പനി പ്രഖ്യാപിച്ചു.
നീക്കം ചെയ്യാവുന്ന ഒരു കൂട്ടം ബാറ്ററികള് ഉള്ക്കൊള്ളുന്ന ശക്തമായ ഫ്രെയിമിന് ചുറ്റുമാണ് OX വണ് നിര്മ്മിച്ചിരിക്കുന്നത്, കൂടാതെ ബൈക്കിന് സ്ഥിരത നല്കാനുള്ള കരുത്തും നല്കുന്നു.
ബൈക്കിന് ലളിതവും ചുരുങ്ങിയതുമായ രൂപകല്പ്പനയുണ്ട്, പക്ഷേ കഫേ റേസര് ലൈനുകള് കാണാനില്ല, ഫ്ലാറ്റ് സീറ്റ്, തീര്ത്തും വൃത്തിയുള്ള ടെയില് വിഭാഗത്തില് അവസാനിക്കുന്നു.
മുന്വശത്ത് ഒരു റൗണ്ട് എല്ഇഡി ഹെഡ്ലാമ്പ് സജ്ജീകരണമാണ് ലഭിക്കുന്നത്. മസ്കുലര് ഫോക്സ് ഫ്യുവല് ടാങ്കും ലഭിക്കുന്നു.
MOST READ: ആരേയും ആകർഷിക്കും രൂപഭാവത്തിൽ എയർ സസ്പെൻഷനുകളുമായി മാരുതി സ്വിഫ്റ്റ്
'മോട്ടോര്സൈക്കിളില് ഇനിയും വളരെയധികം ജോലികള് ചെയ്യാനുണ്ട്, ടാങ്കിന്റെയും അതിന്റെ വരികളുടെയും രൂപരേഖ, അന്തിമ ഫിനിഷിംഗ് ടച്ച്, പെയിന്റിംഗ്, ലോഗോ. എന്നാല് ഏറ്റവും പ്രധാനപ്പെട്ട കാര്യം, OX വണ് കരുത്തുറ്റതും വിശ്വസനീയവുമായ ഉല്പ്പന്നവും ആശയത്തിന്റെ പ്രതിനിധിയാണ് അത് തങ്ങളുടെ മനസ്സിലുണ്ടെന്നാണ് OX മോട്ടോര്സൈക്കിള്സ് സിഇഒ അഡ്രിയാന് ഗോണ്സാലസ് വ്യക്തമാക്കിയത്.
8 കിലോവാട്ട് ബ്രഷ്ലെസ് ഇലക്ട്രിക് മോട്ടോറാണ് OX വണ്ണിന് ലഭിക്കുന്നത്. ഇത് 110 കിലോമീറ്റര് വേഗത കൈവരിക്കാന് മോട്ടോര്സൈക്കിളിനെ സഹായിക്കുന്നു. രണ്ട് 72V, 30AH ബാറ്ററികളാണ് ബൈക്കില് ഉള്ളത്.
MOST READ: വിപണിയിൽ മിന്നിത്തിളങ്ങി കൈഗർ, ഉപഭോക്താക്കളെ ആകർഷിക്കാൻ പുതിയ പരസ്യ വീഡിയോയുമായി റെനോ
ഒറ്റ ചാര്ജില് 100 കിലോമീറ്റര് ദൂരം വരെ സഞ്ചരിക്കാമെന്നും കമ്പനി അവകാശപ്പെടുന്നു. വെറും 140 കിലോഗ്രാം ഭാരം OX വണ്ണിനെ ഭാരം കുറഞ്ഞതും വേഗതയുള്ളതുമാക്കുന്നുവെന്നും കമ്പനി അറിയിച്ചു.
കൂടാതെ മോട്ടോര് 11 bhp യ്ക്ക് തുല്യമാണ്. കമ്പനിയുടെ വെബ്സൈറ്റില് ആവശ്യക്കാര്ക്ക് മോട്ടോര് സൈക്കിള് ബുക്കിംഗ് ചെയ്യാം. OX വണ് 2021 സെപ്റ്റംബര് മുതല് ഉപഭോക്താക്കളുടെ കൈകളില് എത്തിക്കുമെന്നും കമ്പനി അറിയിച്ചു. സ്പെയിനില് OX വണ്ണിന്റെ വില 5,200 യൂറോയാണ് (ഏകദേശം 4.71 ലക്ഷം രൂപ).
Continue with Google