ഇലക്ട്രിക് വാഹന രംഗത്തേയ്ക്ക് യമഹയും; ഭാവി പദ്ധതികള്‍ ഇങ്ങനെ

പല ബ്രാന്‍ഡുകളും ഈ ശ്രേണിയിലേക്ക് പ്രവേശിച്ചു കഴിഞ്ഞു. ചില നിര്‍മ്മാതാക്കള്‍ ഇതിനോടകം തന്നെ പ്രഖ്യാപനങ്ങള്‍ നടത്തുകയും ചെയ്തിട്ടുണ്ട്. എന്നാല്‍ യഹമയുടെ ഭാഗത്തുനിന്നും ഇവി ഓഫറുകളെക്കുറിച്ച് ഇതുവരെ ഒന്നും തന്നെ വെളിപ്പെടുത്തിയിട്ടില്ല.

യമഹ ഇപ്പോള്‍ ഒരു സാധ്യതാ പഠനം നടത്തുകയും ഇന്ത്യയില്‍ ഇലക്ട്രിക് ഇരുചക്ര വാഹനങ്ങള്‍ വിപണിയിലെത്തിക്കാനുള്ള സാധ്യതകള്‍ വിലയിരുത്തുകയും ചെയ്യുന്നതിട്ടാണ് പുറത്തുവരുന്ന റിപ്പോര്‍ട്ടുകള്‍ വ്യക്തമാക്കുന്നത്.

MOST READ: വെന്യു, സാൻട്രോ, ഗ്രാൻഡ് i10 മോഡലുകളുടെ ഏതാനും വേരിയന്റുകൾ നിർത്തലാക്കി ഹ്യുണ്ടായി

യമഹ അന്തര്‍ദ്ദേശീയമായി വില്‍ക്കുന്ന ചില ഇലക്ട്രിക് വാഹനങ്ങള്‍ ഇന്ത്യയിലേക്ക് മാറ്റുന്നത് പ്രയാസകരമല്ലെന്നും ഇവികള്‍ക്ക് നിലവിലെ പെട്രോള്‍-പവര്‍ വാഹനങ്ങള്‍ മാറ്റിസ്ഥാപിക്കാന്‍ കഴിയില്ലെന്നും യമഹ മോട്ടോര്‍ R&D ഇന്ത്യ എംഡി യാസുവോ ഇഷിഹാര അഭിപ്രായപ്പെടുന്നു.

പരമ്പരാഗത ആന്തരിക ജ്വലന എഞ്ചിനുകള്‍ക്ക് യമഹ ഇരുചക്രവാഹനങ്ങള്‍ ഇന്ത്യയില്‍ ജനപ്രീയമാണ്, മാത്രമല്ല ഭാവിയില്‍ കൂടുതല്‍ കാര്യക്ഷമമായ എഞ്ചിനുകള്‍ വികസിപ്പിക്കുന്നതിനായി ബ്രാന്‍ഡ് പ്രവര്‍ത്തിക്കുകയും ചെയ്യുന്നു.

MOST READ: മത്സരം കൊഴുപ്പിക്കാന്‍ റെനോ കിഗറും; പ്രൊഡക്ഷന്‍ പതിപ്പിനെ അവതരിപ്പിക്കുന്ന തീയതി വെളിപ്പെടുത്തി

ഇലക്ട്രിക് സ്‌കൂട്ടറുകളും മോട്ടോര്‍ സൈക്കിളുകളും സമാരംഭിക്കുന്നതിനു പുറമേ, അടിസ്ഥാന സൗകര്യ വികസനത്തിനായി മറ്റ് പങ്കാളികളുമായി പവര്‍ യൂണിറ്റുകളിലും ബാറ്ററികളിലും ഭാവിയില്‍ നിക്ഷേപം നടത്തുന്നതിനായും യമഹ പഠനം നടത്തിവരുകയാണെന്നും റിപ്പോര്‍ട്ടില്‍ പറയുന്നു.

2019-ല്‍, ജപ്പാനിലെ വലിയ നാല് വലിയ ബ്രാന്‍ഡുകളായ യമഹ, കവസാക്കി, ഹോണ്ട, സുസുക്കി എന്നിവര്‍ മാറ്റിസ്ഥാപിക്കാവുന്ന ബാറ്ററി സംവിധാനം അവതരിപ്പിക്കാനുള്ള തങ്ങളുടെ സഹകരണ ശ്രമം പ്രഖ്യാപിച്ചിരുന്നു.

MOST READ: മാരുതി എസ്-ക്രോസിന് പുതുതലമുറ മോഡൽ അവതരിപ്പിക്കും; അരങ്ങേറ്റം ഉടൻ ഉണ്ടായേക്കില്ല

മാത്രമല്ല, നന്നായി വികസിപ്പിച്ച ഇന്‍ഫ്രാസ്ട്രക്ചര്‍ ഉള്ളത് ശ്രേണിയിലെ ഉത്കണ്ഠ കുറയ്ക്കുന്നതിന് സഹായിക്കും. 2030-ഓടെ ഇന്ത്യന്‍ വാഹന വ്യവസായത്തിന് 30 ശതമാനം ഇലക്ട്രിക് മോഡലുകള്‍ ഉണ്ടാകുമെന്നാണ് പ്രതീക്ഷിക്കുന്നത്. എന്നിരുന്നാലും, കൊവിഡ് മഹാമാരി ശ്രദ്ധേയമായ കാലതാമസത്തിന് കാരണമായതിനാല്‍ ഇത് ഇനിയും ഉറപ്പിച്ചിട്ടില്ലെന്നും റിപ്പോര്‍ട്ട് വ്യക്തമാക്കുന്നു.

ബ്രാന്‍ഡില്‍ നിന്നുള്ള മറ്റ് വാര്‍ത്തകള്‍ പരിശോധിച്ചാല്‍, എക്‌സ്പള്‍സിന്റെ വിപണി ലക്ഷ്യമിട്ട് FZ സീരിസിലേക്ക് പുതിയൊരു അഡ്വഞ്ചര്‍ ടൂററിനെ ഇന്ത്യയില്‍ അവതരിപ്പിക്കാനും കമ്പനി പദ്ധതിയിടുന്നുണ്ട്.

MOST READ: ഇന്ത്യൻ വിപണിയിലേക്ക് ചുവടുവെക്കാൻ സിട്രൺ; C5 എയർക്രോസ് ഫെബ്രുവരി ഒന്നിന് അരങ്ങേറും

രാജ്യത്ത് വില്‍ക്കുന്ന 150 സിസി സെഗ്മെന്റിലെ ജനപ്രിയ മോഡലുകളാണ് FZ സീരിസ്. FZ-X എന്ന് വിളിക്കുന്ന പുതിയ വേരിയന്റ് ഒരു അഡ്വഞ്ചര്‍ ടൂറര്‍ മോട്ടോര്‍സൈക്കിള്‍ ആകുമെന്നാണ് അഭ്യൂഹങ്ങള്‍.

എന്നാല്‍ രാജ്യത്ത് പുതുതായി രജിസ്റ്റര്‍ ചെയ്ത മോട്ടോര്‍സൈക്കിളിനെ കുറിച്ച് യമഹ ഇതുവരെയും ഒരു പദ്ധതികളും ഔദ്യോഗികമായി പ്രഖ്യാപിച്ചിട്ടില്ല.

എന്നിരുന്നാലും നിലവിലെ വിപണിയിലെ പ്രവണത അടിസ്ഥാനമാക്കിയാല്‍ ഇത് സ്റ്റാന്‍ഡേര്‍ഡ് FZ സീരിസിലേക്കുള്ള അഡ്വഞ്ചര്‍ ടൂറര്‍ വേരിയന്റാകാനാണ് സാധ്യത.