മാരുതി എസ്-ക്രോസിന് പുതുതലമുറ മോഡൽ അവതരിപ്പിക്കും; അരങ്ങേറ്റം ഉടൻ ഉണ്ടായേക്കില്ല

എന്നാൽ ഇത് കൂടുതൽ മെച്ചപ്പെടുത്താനായി ഒരു ശ്രമം നടത്തുകയാണ് മാരുതി സുസുക്കി. അതായത് എസ്-ക്രോസിന് ഒരു തലമുറ മാറ്റം ലഭിക്കാൻ പോകുന്നുവെന്ന് സാരം. 2015-ൽ ഇന്ത്യയിലെത്തിയ ഈ കാറിന് രണ്ട് വർഷത്തിന് ശേഷം ഒരു ഫെയ്‌സ്‌ലിഫ്റ്റും ലഭിച്ചിരുന്നു.

തുടക്കകാലത്ത് 1.3 ലിറ്റർ ഡീസൽ, 1.6 ലിറ്റർ ഡീസൽ എന്നിങ്ങനെ രണ്ട് എഞ്ചിൻ ഓപ്ഷനുകളിലായിരുന്നു എസ്-ക്രോസ് നിരത്തിലെത്തിയിരുന്നത്. 2017-ൽ പരിഷ്ക്കരിച്ചപ്പോൾ കമ്പനി 1.6-ലിറ്റർ ഡീസൽ യൂണിറ്റിനെ ശ്രേണിയിൽ നിന്നും ഒഴിവാക്കുകയും ചെയ്‌തു.

MOST READ: ഇന്ത്യയിൽ 250 മില്യൺ ഡോളർ നിക്ഷേപവുമായി ജീപ്പ്; ഒരുങ്ങുന്നത് പുതിയ നാല് മോഡലുകൾ

പിന്നീട് ബിഎസ്-VI കാലഘട്ടത്തിൽ ഡീസൽ എഞ്ചിനുകളോട് ബൈ-ബൈ പറഞ്ഞ മാരുതി തങ്ങളുടെ ക്രോസ്ഓവറിനെ ഒരു പെട്രോൾ എഞ്ചിൻ കാറാക്കി മാറ്റുകയായിരുന്നു. പുതുതലമുറയിലെ എസ്-ക്രോസിന്റെ അണിയറയിൽ പ്രവർത്തിക്കുന്ന കമ്പനി വാഹനത്തിന് YFG എന്ന രഹസ്യനാമമാണ് നൽകിയിരിക്കുന്നതെന്നാണ് അഭ്യൂഹങ്ങൾ.

2023-ൽ ഇത് വിപണിയിൽ എത്തുമെന്നാണ് പ്രതീക്ഷിക്കുന്നത്. മിഡ്-സൈസ് എസ്‌യുവി ശ്രേണിയിൽ കൊറിയൻ എതിരാളികളുമായി മത്സരിക്കുന്നതിന് പുതിയ എസ്-ക്രോസ് ധാരാളം ഫീച്ചറുകൾ ഉൾക്കൊള്ളിച്ചായിരിക്കും കളംനിറയുക.

MOST READ: 2021 A4 ഫെയ്‌സ്‌ലിഫ്റ്റ് സെഡാൻ ഇന്ത്യയിൽ പുറത്തിറക്കി ഔഡി; വില 42.34 ലക്ഷം രൂപ

പുതുതലമുറ എസ്-ക്രോസിനെക്കുറിച്ചുള്ള വിശദാംശങ്ങൾ വിരളമാണെങ്കിലും ഒന്നിലധികം എഞ്ചിൻ, ഗിയർബോക്‌സ് ഓപ്ഷനുകൾ വാഹനത്തിന് ലഭിച്ചേക്കാം. പ്രത്യേകിച്ച് സെഗ്മെന്റിലെ എതിരാളികൾ നിരവധി പെട്രോൾ, ഡീസൽ എഞ്ചിനുകളും അതോടൊപ്പം വ്യത്യസ്‌ത ഗിയർബോക്സ് ഓപ്ഷനുളും വാഗ്ദാനം ചെയ്യുന്നതിനാൽ.

നിലവിലെ എസ്-ക്രോസിന് ബി‌എസ്-VI നിലവാരത്തിലുള്ള 1.5 ലിറ്റർ പെട്രോൾ എഞ്ചിനാണ് കരുത്തേകുന്നത്. ഇതേ യൂണിറ്റാണ് മാരുതി സുസുക്കി സിയാസ്, എർട്ടിഗ, XL6, വിറ്റാര ബ്രെസ എന്നീ മോഡലുകളെ ശക്തിപ്പെടുത്തുന്നതും.

MOST READ: 'ടാറ്റ സഫാരി' എസ്‌യുവികളുടെ അവസാന വാക്ക്; ട്രിബ്യൂട്ട് വീഡിയോ കാണാം

എസ്-ക്രോസിൽ മൈൽഡ്-ഹൈബ്രിഡ് സംവിധാനവുമായി എത്തുന്ന എഞ്ചിൻ 6,000 rpm-ൽ പരമാവധി 103 bhp കരുത്തും 4,400 rpm-ൽ 138 Nm torque ഉം ഉത്പാദിപ്പിക്കാൻ ശേഷിയുള്ളതാണ്. അഞ്ച് സ്പീഡ് മാനുവല്‍ അല്ലെങ്കില്‍ നാല് സ്പീഡ് ടോർഖ് കണ്‍വെര്‍ട്ടര്‍ ഓട്ടോമാറ്റിക് ഗിയർബോക്‌സ് ഉപയോഗിച്ച് എസ്-ക്രോസ് തെരഞ്ഞെടുക്കാം.

മൈൽഡ്-ഹൈബ്രിഡ് സിസ്റ്റം ലിഥിയം അയൺ ഡ്യുവൽ ബാറ്ററി ഉപയോഗിക്കുന്നു. കൂടാതെ ഐഡിൾ സ്റ്റാർട്ട്-സ്റ്റോപ്പ്, ടോർഖ് അസിസ്റ്റ്, ബ്രേക്ക് എനർജി റീജനറേഷൻ ഫംഗ്ഷനുകൾ എന്നീ സംവിധാനങ്ങളെല്ലാം മാരുതി സുസുക്കി ക്രോസ്ഓവറിൽ വാഗ്ദാനം ചെയ്യുന്നുണ്ട്.

MOST READ: വരാനിരിക്കുന്ന ആൾട്രോസ് ഇവിയെക്കുറിച്ച് അറിഞ്ഞിരിക്കേണ്ട കാര്യങ്ങൾ

ഹൈബ്രിഡ് സംവിധാനം എസ്-ക്രോസില്‍ ഉള്‍പ്പെടുത്തിയതോടെ കാറിന്റെ മൊത്തത്തിലുള്ള ഇന്ധനക്ഷമത വര്‍ധിപ്പിക്കാന്‍ മാരുതിക്ക് സാധിച്ചിട്ടുണ്ട്. 18.55 കിലോമീറ്ററാണ് കമ്പനി അവകാശപ്പെടുന്ന മൈലേജ്.

ഇടക്കാലത്ത് എസ്-ക്രോസിന് ഒരു പുതിയ ബേസ് മോഡലും മാരുതി അവതരിപ്പിച്ചിരുന്നു. എസ്-ക്രോസ് പ്ലസ് എന്ന് വിളിക്കുന്ന പുതിയ എന്‍ട്രി ലെവല്‍ മോഡലിന് 8.39 ലക്ഷം രൂപയാണ് എക്സ്ഷോറൂം വില. അതേസമയം ടോപ്പ് എൻഡ് വകഭേദത്തിനായി 12.39 ലക്ഷം രൂപ വരെ എക്സ്ഷോറൂം വില മുടക്കേണ്ടി വരും.