മാരുതി സെലെരിയോ കാത്തിരിപ്പ് കത്തിക്കേറുന്നു

മാരുതി സുസൂക്കി സെലെരിയോ ഹാച്ച്ബാക്ക് മാരുതിയുടെ ഏതൊരു മോഡലിനെയും പോലെ വന്‍ കോലാഹലങ്ങള്‍ സൃഷ്ടിച്ചാണ് വിപണിയിലെത്തിയത്. ഊഹങ്ങളും ഐതിഹ്യങ്ങളും സൃഷ്ടിക്കപ്പെടുക, ലോഞ്ചിനു മുമ്പ് ബുക്കിംഗ് വാനോളമുയരുക തുടങ്ങിയ സ്ഥിരം പ്രതിഭാസങ്ങളെല്ലാമുണ്ടായി. ലോഞ്ചിനു ശേഷം സംഭവിക്കാനുള്ളത് കാത്തിരിപ്പുസമയം ഉയരലാണ്. വാര്‍ത്തകള്‍ പറയുന്നൂ അതും സംഭവിച്ചു കഴിഞ്ഞെന്ന്.

എന്താണ് സെലെരിയോയിലെ ഓട്ടോമാറ്റഡ് മാന്വൽ ഗിയർബോക്സ്?

ഇതിനകം മുപ്പതിനായിര്ത്തിലധികം ബുക്കിംഗുകളാണ് മാരുതി സുസൂക്കി സെലെരിയോയ്ക്ക് കിട്ടിയിട്ടുള്ളത്. ഇത് ദിനംപ്രതി കൂടിവരികയാണ്. കാര്യങ്ങള്‍ ഈ നിലയ്ക്ക് മുന്നോട്ട് പോയാല്‍ കാത്തിരിപ്പുസമയം പിടിച്ചിടത്തൊന്നും നില്‍ക്കില്ലെന്നുറപ്പാണ്.
മാരുതി സെലെരിയോ ക്രാഷ് ടെസ്റ്റ് വീഡിയോ

ഇതിനു മുമ്പ് ഇത്തരമൊരു കോലാഹലം നമ്മള്‍ കണ്ടത് ഫോഡ് ഇക്കോസ്‌പോര്‍ടിന്റെ ലോഞ്ചിനോടനുബന്ധിച്ചാണ്. ഇന്ത്യന്‍ വിപണിയില്‍ ഒരു പരാജയമായിരുന്ന എ സ്റ്റാര്‍ ഹാച്ച്ബാക്കിന്റെ പിന്‍ഗാമിയാണ് ഇപ്പോള്‍ വിജയം കൊയ്യുന്ന സെലെരിയോ എന്നുകൂടി ഓര്‍ക്കേണ്ടതുണ്ട്.