അറേബ്യക്കായി ജനിച്ച ലഗോണ്ട തരാഫ് ആഫ്രിക്കയിലേക്കും

താളുകളിലൂടെ നീങ്ങുക.

ആഫ്രിക്കയിലും ഇംഗ്ലണ്ടിലുമുള്ള 200 പേര്‍ക്കു മാത്രം സ്വന്തമാക്കാം ഈ വാഹനത്തെ. കമ്പനിയുടെ വിഎച്ച് ശില്‍പശൈലിയിലാണ് ഈ സെഡാന്‍ നിര്‍മിച്ചിരിക്കുന്നത്. ഇത്തരം എക്‌സ്‌ക്ലൂസിവ് മോഡലുകള്‍ നിര്‍മിക്കാനായി ആസ്റ്റണ്‍ മാര്‍ടിന്‍ തയ്യാറാക്കിയ പ്രത്യേക പ്ലാന്റില്‍ നിന്നാണ് ലഗോണ്ടയും വരുന്നത്. നേരത്തെ വണ്‍ 77 സൂപ്പര്‍കാര്‍ മോഡല്‍ നിര്‍മിക്കാനാണ് ഈ പ്ലാന്റ് ഉപയോഗിച്ചിരുന്നത്.

1947ല്‍ ആസ്റ്റണ്‍ മാര്‍ട്ടിന്‍ പുറത്തിറക്കിയ ആദ്യത്തെ ലഗോണ്ട സെഡാന്റെ ഡിസൈന്‍ തീം പുതിയ ലഗോണ്ടയുടെ ശില്‍പഭാഷയ്ക്ക് അടിസ്ഥാനമായി വര്‍ത്തിക്കുന്നുണ്ട്. ആസ്റ്റണ്‍ മാര്‍ട്ടിന്റെ പരമ്പരാഗത ശില്‍പശൈലിക്ക് ഒരു അത്യാധുനിക വ്യാഖ്യാനം ചമച്ചിരിക്കുകയാണ് ലഗോണ്ട സെഡാനിലൂടെ എന്നു വേണമെങ്കില്‍ പറയാം.

പുതിയ ലഗോണ്ടയുടെ ഗ്രില്‍ ഡിസൈന്‍ കുറെക്കൂടി മെലിഞ്ഞതായി തോന്നാം. ഇത് ഹെഡ്‌ലാമ്പിനോടു ചേരുന്ന ഭാഗത്തെ പ്രത്യേ ഡിസൈന്‍ രീതി കൊണ്ട് സംഭവിച്ചതാണ്. ഷഡ്ഭുജാകൃതിയിലാണ് ഗ്രില്‍ രൂപപ്പെടുത്തിയിരിക്കുന്നത്. ആസ്റ്റണിന്റെ പരമ്പരാഗത ശൈലിയില്‍ത്തന്നെ നെടുകെയും കുറുകെയുമുള്ള ആരങ്ങളാണ് ഗ്രില്ലിനുള്ളത്.

മരെക് റെയ്ഷ്മാനാണ് ഈ വാഹനത്തിന്റെ ഡിസൈനര്‍. മധ്യേഷ്യയില്‍ മാത്രം വില്‍ക്കുവാന്‍ ഉദ്ദേശിച്ചുള്ളതാണ് ലഗോണ്ട. വാങ്ങാന്‍ സാധ്യതയുള്ളവരെ ആസ്റ്റണ്‍ മാര്‍ട്ടിന്‍ നേരിട്ട് ക്ഷണിക്കും. വളരെ കുറച്ച് മോഡലുകള്‍ മാത്രമേ വിപണിയിലുണ്ടായിരിക്കൂ.

നീണ്ട ബോണറ്റുമായി പുറത്തിറങ്ങിയ ലഗോണ്ട സെഡാന്‍ 70കളിലും 80കളിലും നിരത്തുകളിലെ ക്ലാസിക് സാന്നിധ്യമായിരുന്നു. 5.3 ലിറ്റര്‍ ശേഷിയുള്ള വി8 എന്‍ജിനാണ് പഴയ ലഗോണ്ടയിലുണ്ടായിരുന്നത്.