മാരുതി പ്ലഗ് ഇന്‍ ഹൈബ്രിഡ് സ്വിഫ്റ്റിന്റെ വരവ് വൈകില്ല

നാഷണല്‍ ഇലക്ട്രിക് മൊബിലിറ്റി മിഷന്‍ പ്ലാന്‍ എന്ന ഒരു കേന്ദ്ര ഏജന്‍സി ഇലക്ട്രിക് വാഹനങ്ങളെ പ്രോത്സാഹിപ്പിക്കാനായി രൂപമെടുത്തിട്ടുണ്ട്. കഴിഞ്ഞ യുപുഎ സര്‍ക്കാരിന്റെ കാലത്താണ് ഈ ഏജന്‍സി നിലവില്‍ വന്നത്. കൂടുതല്‍ ഫണ്ട് നല്‍കി ഏജന്‍സിയെ ശക്തിപ്പെടുത്താനും ഇലക്ട്രിക്-ഹൈബ്രിഡ് കാറുകളെ പ്രോത്സാഹിപ്പിക്കാനുള്ള പദ്ധതികള്‍ രൂപപ്പെടുത്താനും കേന്ദ്രത്തിന്റെ നിര്‍ദ്ദേശമുണ്ട്. ഈ മേഖലയില്‍ നമ്മുടെ അയല്‍രാജ്യമായ ചൈന ഏറെ മുന്നേറിയിട്ടുണ്ട്.

ഇലക്ട്രിക് കാറുകള്‍ക്കാവശ്യമായ അടിസ്ഥാന സൗകര്യങ്ങള്‍ അടുത്ത രണ്ട് വര്‍ഷത്തിനുള്ളില്‍ വന്‍തോതില്‍ വര്‍ധിക്കാനിടയുണ്ട്. ബഹുരാഷ്ട്ര കമ്പനിയായ ന്യൂ മോഷന്‍ ഈ വഴിക്ക് നടത്തുന്ന ശ്രമങ്ങള്‍ ഇവിടെ വായിക്കാം.

2012 ഇന്ത്യന്‍ ഓട്ടോ എക്‌സ്‌പോയിലാണ് മാരുതി സുസൂക്കി റെയ്ഞ്ച് എക്‌സ്റ്റന്‍ഡര്‍ ആദ്യമായി അവതരിപ്പിക്കപ്പെട്ടത്. വാർത്ത ഇവിടെ വായിക്കാം.

സുസൂക്കി സ്വിഫ്റ്റ് ഹൈബ്രിഡിന്റെ ചില നിര്‍ണായക ഘടകഭാഗങ്ങള്‍ (ബാറ്ററി, ഇലക്ട്രിക് മോട്ടോര്‍ തുടങ്ങിയവ) ജപ്പാനില്‍ നിന്നും മറ്റു രാഷ്ട്രങ്ങളില്‍ നിന്നും ഇറക്കുമതി ചെയ്യുകയാണ്. ഇത് വാഹനത്തിന്റെ വില ഉയര്‍ത്തുന്ന ഘടകങ്ങളിലൊന്നാണ്.

658 സിസി ശേഷിയുള്ള ഒരു 3 സിലിണ്ടര്‍ എന്‍ജിനോടൊപ്പം ഒരു ഇലക്ട്രിക് മോട്ടോറും ഘടിപ്പിച്ചിരിക്കുന്നു മാരുതി സുസൂക്കി സ്വിഫ്റ്റ് റെയ്ഞ്ച് എക്സ്റ്റന്‍ഡറില്‍.

5 കിലോവാട്ടിന്റെ ലിതിയം അയേണ്‍ ബാറ്ററിയാണ് വാഹനത്തിലുള്ളത്. ഒന്നര മണിക്കൂര്‍ കൊണ്ട് പൂര്‍ണമായും ചാര്‍ജ് ചെയ്യാം ഈ ബാറ്ററിയെ.

കമ്പനി അവകാശപ്പെടുന്നതു പ്രകാരം മാരുതി സുസൂക്കി സ്വിഫ്റ്റ് റെയ്ഞ്ച് എക്സ്റ്റന്‍ഡര്‍ പകരുക ലിറ്ററിന് 48.2 കിലോമീറ്റര്‍ മൈലേജാണ്. ഇലക്ട്രിക് പവറില്‍ മാത്രമായി 25 കിലോമീറ്റര്‍ ദൂരം സഞ്ചരിക്കാന്‍ വാഹനത്തിന് സാധിക്കും.