വിൽപനയിൽ ഒന്നാം സ്ഥാനത്തേക്ക് വീണ്ടും ഡിസൈർ!

10. ഹോണ്ട അമേസ്

പത്താം സ്ഥാനത്തെത്തിയിരിക്കുന്നത് ഹോണ്ട അമേസാണ്. 4,589 യൂണിറ്റാണ് ജൂലൈയിലെ ആകെ വിൽപന. കഴിഞ്ഞവർഷത്തേതിനെ അപേക്ഷിച്ച് വിൽപനയിൽ വളർച്ചയുണ്ടായിട്ടുണ്ട്. 4,507 യൂണിറ്റായിരുന്നു കഴിഞ്ഞവർഷം ജൂലൈ മാസത്തിലെ വിൽപന.

09. ഹോണ്ട സിറ്റി

ഹോണ്ട സിറ്റി വിൽപനയിൽ ഒമ്പതാം സ്ഥാനത്തെത്തിയിരിക്കുന്നു. ആകെ 5,180 യൂണിറ്റ് വിറ്റു. വിൽപനയിൽ വൻ ഇടിവ് സംഭവിച്ചിട്ടുള്ളതും പറയേണ്ടിയിരിക്കുന്നു. കഴിഞ്ഞ ജൂലൈയിൽ ആകെ 7,705 യൂണിറ്റാണ് വിറ്റഴിച്ചത്.

08. ഹോണ്ട ജാസ്സ്

ഈയിടെ വിപണിയിലെത്തിയ ജാസ്സ് ഹാച്ച്ബാക്കും മികച്ച മുന്നേറ്റം നടത്തുന്നതായി കണക്കുകൾ പറയുന്നു. 6,676 യൂണിറ്റ് വിറ്റഴിച്ച് ആകെ വിൽപനയിൽ എട്ടാംസ്ഥാനത്തെത്താൻ ഹോണ്ടയ്ക്കായി.

07. മാരുതി സുസൂക്കി സെലെരിയോ

ഏഴാംസ്ഥാനത്തുവരുന്നത് സുസൂക്കി സെലെരിയോ മോഡലാണ്. ജൂലൈ മാസത്തിൽ ആകെ 7,784 യൂണിറ്റ് വിറ്റു.

06. ഹ്യൂണ്ടായ് ഐ20

ഹ്യൂണ്ടായിയുടെ ഐ20 ഹാച്ച്ബാക്ക് മോഡൽ വിൽപനയിൽ ആറാംസ്ഥാനം കരസ്ഥമാക്കി. ആകെ 8,098 യൂണിറ്റാണ് വിറ്റത്.

05. ഹ്യൂണ്ടായ് ഗ്രാൻഡ് ഐ10

ഹ്യൂണ്ടായിയുടെ തന്നെ ഗ്രാൻഡ് ഐ10 മോഡൽ അഞ്ചാംസ്ഥാനം കരസ്ഥമാക്കിയിരിക്കുന്നു. ഇക്കഴിഞ്ഞ ജൂലൈയിൽ 8,691 യൂണിറ്റാണ് വിൽപന. കഴിഞ്ഞവർഷത്തെ വിൽപനയെ അപേക്ഷിച്ച് ഗണ്യമായ വർധനയുണ്ട്. ആകെ 7,023 യൂണിറ്റ് വിറ്റഴിച്ചിരിക്കുന്നു.

04. മാരുതി സുസൂക്കി വാഗൺ ആർ

നാലാംസ്ഥാനം മുതൽ പതിവുപോലെ മാരുതി സുസൂക്കിയുടെ മേഖലയാണ്. വാഗൺ ആർ മോഡലിന്റെ കഴിഞ്ഞമാസത്തെ വിൽപന 15,540 യൂണിറ്റാണ്. കഴിഞ്ഞവർഷം ഇതേ കാലയളവിൽ 11,762 മോഡലുകളാണ് വിറ്റിരുന്നത്.

03. മാരുതി സുസൂക്കി സ്വിഫ്റ്റ്

സ്വിഫ്റ്റ് ഹാച്ച്ബാ൪ക്ക് മോഡൽ മൂന്നാം സ്ഥാനത്തെത്തി. ആകെ 18,870 യൂണിറ്റാണ് വിറ്റഴിച്ചത്.

02. മാരുതി സുസൂക്കി ആൾട്ടോ

പതിവിൽ നിന്നു മാറി രണ്ടാംസ്ഥാനത്താണ് ആൾട്ടോ റെയ്ഞ്ച് മോഡലുകൾ വന്നിരിക്കുന്നത്. ജൂലൈ മാസത്തിൽ ആകെ 22,212 യൂണിറ്റ് വിറ്റഴിച്ചു.

01. മാരുതി സുസൂക്കി സ്വിഫ്റ്റ് ഡിസൈർ‌

മാരുതി സുസൂക്കിയുടെ ഡിസൈർ മോഡൽ ഇന്ത്യയിൽ ഏറ്റവുമധികം വിൽക്കുന്ന കാർ എന്ന ബഹുമതി വീണ്ടും സ്വന്തമാക്കിയിരിക്കുന്നു. ആകെ 23.086 യൂണിറ്റാണ് ജൂലൈ മാസത്തിൽ വിറ്റഴിച്ചത്.

കൂടുതൽ

വിശ്വസിച്ച് വാങ്ങാവുന്ന 10 കാറുകള്‍

ഇന്ത്യയെ ആത്മാവിലറിഞ്ഞ 9 പഴയ കാറുകള്‍

5 ലക്ഷത്തില്‍ താഴെ വിലയുള്ള അഞ്ച് ഹാച്ച്ബാക്കുകള്‍

ഇന്ത്യയിൽ‌ ഏറ്റവും വിൽക്കുന്ന 10 യൂട്ടിലിറ്റി കാറുകൾ