2020 ഹ്യുണ്ടായി ക്രെറ്റയുടെ പുതിയ സ്പൈ ചിത്രങ്ങൾ പുറത്ത്

നിലവിൽ ഏറ്റവും കൂടുതൽ മത്സരം നടക്കുന്ന വിഭാഗമായ എസ്‌യുവി വിഭാഗത്തിൽ ഏറ്റവും കൂടുതൽ വിൽപ്പന ലഭിച്ചിരുന്ന വാഹനമാണ് കൊറിയൻ വാഹന നിർമ്മാതാക്കളായ ഹ്യുണ്ടായിയുടെ ക്രെറ്റ.

പിന്നീട് ഈ ശ്രേണിയിൽ കിയ സെൽറ്റോസ്, എംജി ഹെക്ടർ പോലെയുള്ള പുതുതലമുറ എതിരാളികൾ എത്തിയതോടെ ക്രെറ്റയുടെ വിപണി ഇടിഞ്ഞു. എന്നാൽ പഴയ പ്രതാപം തിരിച്ചുപിടിക്കാൻ അടിമുടി പരിഷ്ക്കരണങ്ങളുമായി വിപണിയിലെത്താൻ തയ്യാറെടുക്കുകയാണ് ഹ്യുണ്ടായിയുടെ ഈ വാഹനം.

ക്രെറ്റ അതിന്റെ പ്ലാറ്റ്ഫോം, ബോഡി പാനലുകൾ, ധാരാളം ഇന്റീരിയർ ബിറ്റുകൾ എന്നിവ വിദേശത്ത് വിൽക്കുന്ന മോഡലുമായി പങ്കിടും. എന്നിരുന്നാലും സൂക്ഷ്മമായ മാറ്റങ്ങൾ വാഹനത്തിൽ ഉൾപ്പെടുത്തിയിട്ടുമുണ്ട്. ചൈനീസ് വിപണിയിലുള്ള ix25 മോഡലിനെ അടിസ്ഥാനമാക്കിയാണ് എത്തുന്നതെങ്കിലും ഗ്രിൽ രൂപകല്പ്പനയിൽ കാര്യമായ മാറ്റങ്ങൾ വരുത്തിയിട്ടുണ്ടെന്ന് പുതിയ സ്പൈ ചിത്രങ്ങളിൽ നിന്ന് മനസിലാക്കാം.

കൂടാതെ ഇന്ത്യൻ പതിപ്പ് ക്രെറ്റയ്ക്ക് വ്യത്യസ്ത അലോയ് വീൽ ഡിസൈൻ ഉണ്ടായിരിക്കുമെന്നും ചിത്രങ്ങൾ വ്യക്തമാക്കുന്നു. എന്നാൽ ഒന്നിലധികം അലോയ് വീൽ ഡിസൈനുകളിൽ നിലവിലെ ക്രെറ്റ ലഭ്യമാകുമെന്നതും ശ്രദ്ധേയമാണ്. അതായത് ഡയമണ്ട് കട്ട് സ്റ്റൈലിൽ പൂർത്തിയാക്കിയ ഒന്നിലധികം വീൽ ഡിസൈനുകൾക്കൊപ്പം അടുത്ത അടുത്ത തലമുറ മോഡലും പിന്തുടരും.

കൂടാതെ 2020 ഹ്യുണ്ടായി ക്രെറ്റയ്ക്ക് പുതിയ സീറ്റ് അപ്ഹോൾസ്റ്ററി ടെക്സ്ചർ, ഇന്റീരിയർ ഷേഡ് ഓപ്ഷനുകൾ എന്നിവ ലഭിച്ചേക്കും. അതോടൊപ്പം രണ്ടാം തലമുറ ക്രെറ്റ ഒരു പനോരമിക് സൺറൂഫും വാഗ്ദാനം ചെയ്യും. ഇത് എസ്‌യുവി വിഭാഗത്തിലെ ക്രെറ്റയുടെ എതിരാളിയായ കിയ സെൽറ്റോസിൽ ലഭ്യമല്ല. എന്നാൽ എം‌ജി ഹെക്ടർ ഈ ഫീച്ചർ ഓപ്ഷണലായി വാഗ്ദാനം ചെയ്യുന്നുണ്ട്.

പുതിയ ഹ്യുണ്ടായി ക്രെറ്റയുടെ അളവുകളിലും മാറ്റമുണ്ടാകും. 4,300 mm നീളമാണുള്ളത് പുതുതലമുറ വാഹനത്തിനുള്ളത്. ഇത് നിലവിലുള്ള മോഡലിനെക്കാൾ 30 mm നീളമേറിയതാണ്.

Most Read: ബിഎസ് VI എഞ്ചിനില്‍ ES300h മോഡലിനെ അവതരിപ്പിക്കാനൊരുങ്ങി ലെക്‌സസ്

കൂടാതെ എസ്‌യുവിക്ക് 10 mm വീതി വർധിപ്പിച്ച് 1,790 mm ആക്കി. എന്നാൽ വാഹനത്തിന്റെ ഉയരം 1,622 mm ആണ്. ഇത് 8 mm ചെറുതായെന്ന സൂചനയും നൽകുന്നു. അതോടൊപ്പം 2020 ക്രെറ്റ എസ്‌യുവിക്ക് കൂടുതൽ ഗ്രൗണ്ട് ക്ലിയറൻസ് ലഭിക്കുമെന്നതും ശ്രദ്ധേയമാണ്.

Most Read: ഇന്ത്യൻ വിപണിയിൽ ZS എസ്‌യുവിക്ക് പെട്രോൾ, ഹൈബ്രിഡ് എത്തിക്കാനൊരുങ്ങി എംജി

പുതിയ ക്രെറ്റയ്ക്ക് ടു ബോക്സ് എസ്‌യുവി ഡിസൈൻ ലഭിക്കുകയും ഹ്യുണ്ടായിയുടെ ഏറ്റവും പുതിയ ഡിസൈൻ ഭാഷ പിന്തുടരുകയും ചെയ്യുന്നു. ഇതിന് ഒരു ഫ്ലാറ്റ് ഹുഡ് ലഭിക്കുന്നു. പക്ഷേ എസ്‌യുവിയുടെ മുൻ‌ഗാമിയുടെ നേരായ സ്റ്റൈലിംഗിനേക്കാൾ വൃത്താകൃതിയിലുള്ള രൂപമാണ് നൽകിയിരിക്കുന്നത്.

Most Read: ഉത്പാദനം വർധിപ്പിച്ച് കിയ; സെൽറ്റോസിനായുള്ള കാത്തിരിപ്പ് കുറയും

ഇപ്പോൾ ഇന്ത്യൻ വിപണിയിൽ ജനപ്രീതി നേടിയ സ്‌പോർട്‌സ് കാസ്കേഡിംഗ് ഗ്രിൽ ഡിസൈൻ, സ്ലിം എൽഇഡി ഡേടൈം റണ്ണിംഗ് ലൈറ്റുകൾ, സ്പ്ലിറ്റ് ഹെഡ്‌ലാമ്പ് സജ്ജീകരണം എന്നിവയാണ് 2020 ഹ്യുണ്ടായി ക്രെറ്റയ്ക്കും നൽകിയിരിക്കുന്നത്.

എൽ‌ഇഡി ഡി‌ആർ‌എല്ലുകൾ‌ക്കും ഹെഡ്‌ലാമ്പ് ക്ലസ്റ്ററിനുമിടയിൽ ഒരു ചെറിയ ചെറിയ ലൈറ്റ് സ്ഥാപിച്ചിരിക്കുന്നു. ഹെഡ്‌ലൈറ്റ് യൂണിറ്റിൽ എൽ-ആകൃതിയിലുള്ള എൽഇഡി ലൈറ്റും ഉൾപ്പെടുത്തിയിട്ടുണ്ട്.

സ്‌ക്വയർ-ഇഷ് വീൽ ആർച്ചുകളും സ്പ്ലിറ്റ് ടെയിൽ-ലാമ്പ് സജ്ജീകരണവുമാണ് പുതിയ ക്രെറ്റ ഇന്ത്യ മോഡലിൽ ഉൾപ്പെടുത്തുമെന്ന് പ്രതീക്ഷിക്കുന്ന മറ്റ് സ്റ്റൈലിംഗ് ബിറ്റുകൾ. അടുത്ത തലമുറ ക്രെറ്റയുടെ ഇന്റീരിയറുകൾ ലംബമായി സ്ഥാപിച്ചിരിക്കുന്ന 10.25 ഇഞ്ച് വലിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവുമായി വാഗ്ദാനം ചെയ്യും.ഇത് എംജി ഹെക്ടറിൽ ഉൾപ്പെടുത്തിയതിനു സമാനമായിരിക്കുമെന്നാണ് പ്രതീക്ഷ.

മെക്കാനിക്കലുകളുടെ കാര്യത്തിൽ പുതിയ 2020 ക്രെറ്റ കിയ സെൽറ്റോസിൽ നിന്ന് കടമെടുത്ത ബിഎസ്-VI കംപ്ലയിന്റ് പെട്രോൾ, ഡീസൽ എഞ്ചിനുകൾ വാഗ്ദാനം ചെയ്യും. കൂടാതെ ബിഎസ്-VI 1.4 ലിറ്റർ ടർബോ-പെട്രോൾ എഞ്ചിനും വാഹനത്തിൽ ഉൾപ്പെടുത്തിയേക്കുമെന്ന് സൂചനകളുണ്ട്.

ഇത് സെൽറ്റോസ് ജിടി ലൈനിൽ ലഭ്യമായ അതേ യൂണിറ്റായിരിക്കും. കൂടാതെ ഹ്യുണ്ടായി ക്രെറ്റയിൽ മൈൽഡ്-ഹൈബ്രിഡ് സാങ്കേതികവിദ്യ അവതരിപ്പിക്കാനും സാധ്യതയുണ്ട്.

Source: Autocarindia