ഓട്ടോറിക്ഷയായി ബജാജ് ക്യൂട്ട്

കമ്പനിയുടെ ലക്ഷ്യത്തിന് കൂടുതല്‍ കരുത്ത് പകരുന്നൊരു വാര്‍ത്ത എത്തിയിരിക്കുകയാണിപ്പോള്‍. മുംബൈ നിവാസിയായൊരു ബജാജ് ക്യൂട്ട് ഉടമ, തന്റെ ക്വാഡ്രിസൈക്കിളിനെ ഓട്ടോറിക്ഷയായി മാറ്റിയെടുത്തിരിക്കുകയാണിപ്പോള്‍.

രാജ്യത്ത് ഓട്ടോറിക്ഷയായി മാറിയ ആദ്യ ബജാജ് ക്യൂട്ടാണിതെന്ന് പറയാം. എന്നാല്‍, നാല് ചക്ര വാഹനമായത് കൊണ്ടു തന്നെ ഇതിനെ ടാക്‌സിയെന്നും വിളിക്കാമോ എന്ന് ചിന്തിക്കുന്നവരുമുണ്ടാവും.

നിലവില്‍ ഔറംഗാബാദിലുള്ള കമ്പനിയുടെ നിര്‍മ്മാണശാലയില്‍ നിന്നാണ് ക്യൂട്ട് ഉത്പാദിപ്പിക്കുന്നത്. വര്‍ഷത്തില്‍ 60,000 യൂണിറ്റ് വരെ ഉത്പാദിപ്പിക്കാന്‍ ശേഷിയുള്ളതാണ് ഈ ശാല.

മുച്ചക്ര വാഹനങ്ങള്‍ ഉത്പാദിക്കുന്നതിന് സമാനമായ യൂണിറ്റില്‍ തന്നെ ക്യൂട്ട് ഉത്പാദിപ്പിക്കാനാണ് കമ്പനിയുടെ പദ്ധതി. താരതമ്യേന ഭാരം കുറഞ്ഞ നാലുചക്ര ക്വാഡ്രിസൈക്കിളാണ് ബജാജ് ക്യൂട്ട്.

ഇരട്ട ഹെഡ്‌ലാമ്പുകള്‍, വാഹനം മറിയുന്നത് തടയാനുള്ള ആന്റി-റോള്‍ ബാര്‍, ഡ്രൈവര്‍ക്കും യാത്രക്കാര്‍ക്കുമായി സീറ്റ് ബെല്‍റ്റുകള്‍ എന്നീ ഫീച്ചറുകള്‍ ക്യൂട്ടിലുണ്ട്. ഫൈബര്‍ ഡോറുകളാണ് ക്യൂട്ടിലെ മറ്റൊരു സവിശേഷത.

Most Read: ജീപ്പ് റാംഗ്ലര്‍ ഒരിക്കല്‍ കൂടി നിരാശപ്പെടുത്തി, സുരക്ഷ വെറും ഒരു സ്റ്റാര്‍

450 കിലോ മാത്രം ഭാരമുള്ള ബജാജ് ക്യൂട്ട്, കൂടുതല്‍ മൈലേജ് നല്‍കുന്നതാണ്. സ്മാര്‍ട്ട് & കോമ്പാക്റ്റ് ഡിസൈനിലാണ് ക്യൂട്ടിനെ ബജാജ് രൂപകല്‍പ്പന ചെയ്തിരിക്കുന്നത്.

Most Read: ലോകകപ്പ് ആവേശത്തിൽ പങ്കുചേരാൻ ഫോക്സ്‌വാഗണ്‍, വരുന്നൂ സ്പെഷ്യൽ എഡിഷൻ കാറുകൾ

216 സിസി ശേഷിയുള്ള ഒറ്റ സിലിണ്ടര്‍ നാല് വാല്‍വ് ലിക്വിഡ് കൂളിംഗ് DTSi പെട്രോള്‍ എഞ്ചിനാണ് ക്യൂട്ടിന്റെ ഹൃദയം. ഇത് 5,500 rpm -ല്‍ 13 bhp കരുത്തും 4,000 rpm -ല്‍ 18.9 Nm torque ഉം കുറിക്കും.

Most Read: കാര്‍ വാങ്ങാം ലളിതമായ രീതിയില്‍, പുതിയ ലീസ് സംവിധാനം അവതരിപ്പിച്ച് ഹ്യുണ്ടായി - വീഡിയോ

സിഎന്‍ജി പതിപ്പാകട്ടെ 5,500 rpm -ല്‍ 10.7 bhp കരുത്തും 4,000 rpm -ല്‍ 16.1 Nm torque ഉം സൃഷ്ടിക്കും. അഞ്ച് സ്പീഡാണ് ക്യൂട്ടിലെ മാനുവല്‍ ഗിയര്‍ബോക്‌സ്. 43 കിലോമീറ്റര്‍ മൈലേജായിരിക്കും സിഎന്‍ജി വകഭേദം നല്‍കുക. പെട്രോള്‍ വകഭേദമാകട്ടെ ലിറ്ററിന് 35 കിലോമീറ്റര്‍ മൈലേജും നല്‍കും. മണിക്കൂറില്‍ 70 കിലോമീറ്ററാണ് ബജാജ് ക്യൂട്ടിന്റെ പരമാവധി വേഗം.

Source: Midday India