സങ്കല്‍പ്പങ്ങള്‍ മാറുന്നു, ഗിന്നസ് റെക്കോര്‍ഡ് കുറിച്ച് ഇലക്ട്രിക് എസ്‌യുവി

ചൈനയില്‍ നിന്നുള്ള ചെന്‍ ഹെയി ആണ് കാറോടിച്ചിരുന്നത്. 2018 സെപ്റ്റംബര്‍ 24 -നാണ് റെക്കോര്‍ഡിന് ആസ്പദമായ സംഭവം നടന്നതെങ്കിലും അടുത്തിടെയാണ് ഔദ്യോഗികമായി ഗിന്നസ് ഇത് അംഗീകരിച്ചത്.

മൈനസ് അഞ്ച് ഡിഗ്രിയ്ക്കടുത്തുള്ള കാലാവസ്ഥയോട് മല്ലിട്ടാണ് നിയോ ES8 ഇലക്ട്രിക് കാര്‍ ഈ നേട്ടം കരസ്ഥമാക്കിയത്.

Most Read: ഇതാ ലോകത്തെ ഏറ്റവും ചെറിയ മാരുതി ജിപ്‌സി - വീഡിയോ

ചൈനീസ് വാഹന നിര്‍മ്മാതാക്കളായ നിയോ, പ്രധാനമായും ഇലക്ട്രിക് എസ്‌യുവി വാഹനങ്ങളുടെ പ്രായോഗികതയും ശേഷിയും തുറന്നുകാട്ടാന്‍ വേണ്ടിയാണ് ഈ ഗിന്നസ് റെക്കോര്‍ഡ് ശ്രമം നടത്തിയത്.

ഉയര്‍ന്ന പ്രദേശങ്ങളിലും കൊടും തണുപ്പുള്ള കാലാവസ്ഥയില്‍ പോലും വാഹനം കീഴടങ്ങില്ലെന്ന കമ്പനിയുടെ വാദത്തിന് കരുത്തേകുന്നതാണ് ഈ ശ്രമം.

കമ്പനിയുടെ വാദം മാറ്റി നിര്‍ത്തിയാല്‍ ഈ ശ്രമത്തിലൂടെ മറ്റൊന്ന് കൂടിയാണ് നിയോ സ്ഥാപിച്ചെടുക്കാന്‍ ശ്രമിക്കുന്നത്, അതായത് പരമ്പരാഗത പെട്രോള്‍ - ഡീസല്‍ വാഹനങ്ങളെക്കാള്‍ കാര്യക്ഷമതയുള്ളവയാണ് ഇലക്ട്രിക് കാറുകള്‍ എന്നതാണിത്.

ഇലക്ട്രിക് വാഹനങ്ങള്‍ ഉപയോഗിക്കുന്നത് പ്രോത്സാഹിപ്പിക്കാനായി ഗിന്നസ് റെക്കോര്‍ഡ് ശ്രമം നടത്തിയ വഴിയില്‍ ഉടനീളം ഈ സംഘം ഇലക്ട്രിക് ചാര്‍ജിംഗ് സ്റ്റേഷനുകള്‍ സ്ഥാപിച്ചിരുന്നു.

ഇതോടെ പുരോഗ് കംഗ്രിയിലെത്തുന്ന ആദ്യ ഇലക്ട്രിക് കാറായി മാറിയിരിക്കുകയാണ് നിയോ ES8. ഒരൊറ്റ മോഡിഫിക്കേഷന്‍ പോലും നടത്താതെയാണ് നിയോ ES8 ഈ നേട്ടം കൊയ്തത് എന്നതും ശ്രദ്ധേയമായ കാര്യമാണ്.

ES8 ഇലക്ട്രിക് കാറായത് കൊണ്ട് തന്നെ ഉയരം കൂടുന്നതിനനുസരിച്ച് എയര്‍ പ്രഷര്‍ മാറ്റണമെന്ന പ്രശ്‌നം ഉദിക്കുന്നില്ല താനും. ടിബറ്റില്‍ സ്ഥിതി ചെയ്യുന്ന പുരോഗ് കംഗ്രി, ഉത്തര - ദക്ഷിണ ധ്രുവങ്ങള്‍ കഴിഞ്ഞാല്‍പ്പിന്നെ ലോകത്തെ ഏറ്റവും വലിയ മഞ്ഞുമലയാണ്.

ഇതിന്റെ മൊത്ത ഭാഗത്തിന്റെ 422 ചതുരശ്ര കിലോമീറ്ററും ഐസ് പാളികള്‍ കൊണ്ട് നിറഞ്ഞതാണ്. മഞ്ഞുമലകളും തടാകങ്ങളും മരുഭൂമികളും കൊണ്ട് നിറഞ്ഞ പ്രദേശമാണ് പുരോഗ് കംഗ്രി.

Most Read: മഹീന്ദ്ര XUV300 എസ്‌യുവിയുടെ മൈലേജ് വിവരങ്ങള്‍ പുറത്ത്

എന്നാല്‍ ലോകത്തില്‍ ഏറ്റവും ഉയരത്തില്‍ സഞ്ചരിച്ച കാര്‍ എന്ന ഗിന്നസ് റെക്കോര്‍ഡ് നിലനിര്‍ത്തുന്നത് ചിലിയില്‍ നിന്നാണ്.

2007 -ല്‍ ചിലി സ്വദേശികളായ ഗോണ്‍സേല്‍സ് ബ്രോവോയും എഡ്വാര്‍ഡോ കാനലാസുമാണ് ഈ റെക്കോര്‍ഡിനുടമകള്‍. പരിഷ്‌കരിച്ച സുസുക്കി സാമുറായി ഉപയോഗിച്ചാണ് ഇവര്‍ 6,688 മീറ്റര്‍ ഉയരത്തിലേക്ക് കുതിച്ചത്. ചിലിയിലെ തന്നെ ഓജോസ് ഡെല്‍ സാലഡോ വോള്‍ക്കാനോയാണ് ഇവര്‍ ഗിന്നസ് റെക്കോര്‍ഡ് സ്ഥാപിക്കാനായി തിരഞ്ഞെടുത്തത്.

Source: Guinness World Records