Click it and Unblock the Notifications
Just In
-
-
-
-
Don't Miss
-
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
ഫാഷൻ ലോകത്തെ താര റാണി; കൈയിലെത്തുന്നത് കോടികൾ; മാളവികയുടെ സമ്പാദ്യം; റിപ്പോർട്ട് -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
യൂറോപ്യന് ശൈലി ഇവിടെ നടക്കില്ല; മുഴുവന് വിവിപാറ്റും എണ്ണണമെന്ന ഹര്ജിയില് സുപ്രീംകോടതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ഗ്രാന്‍ഡ് i10, i20 എലൈറ്റ്, എക്‌സന്റ്, വെര്‍ന എന്നിവയില്‍ ഡീസല്‍ എഞ്ചിന്‍ തുടരും: ഹ്യുണ്ടായി മേധാവി
ഇന്ത്യയില്‍ ഭാരത് സ്റ്റേജ് VI മാര്‍ഗനിര്‍ദ്ദേശങ്ങള്‍ പ്രാബല്യത്തില്‍ വരുന്ന സാഹചര്യത്തില്‍ തങ്ങളുടെ നിരയിലെ ഡീസല്‍ കാറുകള്‍ നിര്‍ത്തുമെന്ന് പ്രഖ്യാപിച്ച് പ്രമുഖ വാഹന നിര്‍മ്മാതാക്കള്‍ രംഗത്തെത്തിയിരുന്നു. രാജ്യത്തെ ഏറ്റവും വലിയ കാര്‍ നിര്‍മ്മാതാക്കളായ മാരുതി സുസുക്കിയായിരുന്നു ഇതില്‍ പ്രധാനി. എന്നാല്‍, ഫോര്‍ഡ്, ഹോണ്ട എന്നീ ബ്രാന്‍ഡുകള്‍ ബിഎസ് VI നിലവില്‍ വന്നാലും ഡീസല്‍ കാര്‍ ഉത്പാദനം തുടരുമെന്ന് അറിയിച്ചിരുന്നു.
ഇപ്പോഴിതാ ഇക്കൂട്ടത്തിലേക്ക് കൊറിയന്‍ കാര്‍ നിര്‍മ്മാതാക്കളായ ഹ്യുണ്ടായി കൂടി കടന്നു വന്നിരിക്കുകയാണ്. പുതിയ ചട്ടങ്ങള്‍ നിലവില്‍ വന്നാലും ഗ്രാന്‍ഡ് i10, i20 എലൈറ്റ്, എക്‌സന്റ്, വെര്‍ന എന്നിവയില്‍ ഡീസല്‍ എഞ്ചിന്‍ ഓപ്ഷന്‍ തുടരുമെന്ന് കമ്പനിയുടെ ഇന്ത്യന്‍ മേധാവി S.S. കിം പ്രഖ്യാപിച്ചു.
അതായത്, ഈ കാറുകള്‍ക്ക് ബിഎസ് VI നിലവാരമുള്ള പുതിയ എഞ്ചിന്‍ ലഭിക്കുമെന്നര്‍ഥം. നിലവിലെ 1.6 ലിറ്റര്‍ CRDI എഞ്ചിനു പകരമായി 1.5 ലിറ്റര്‍ ടര്‍ബോചാര്‍ജിംഗ് ഡീസല്‍ എഞ്ചിന്റെ വികസിപ്പിച്ചെടുക്കുന്നതിന്റെ തിരക്കുകളിലാണ് കമ്പനി.
വെര്‍നയോടൊപ്പം ക്രെറ്റ, എലാന്‍ട്ര എന്നീ കാറുകള്‍ക്കായിരിക്കും പുതിയ 1.5 ലിറ്റര്‍ ലഭിക്കുക. എന്നാല്‍, എലൈറ്റ് i20, ഗ്രാന്‍ഡ് i20, എക്‌സന്റ്, വെന്യു എന്നിവയില്‍ ഏത് എഞ്ചിനായിരിക്കും കമ്പനി അവതരിപ്പിക്കുകയെന്നതിനെ കുറിച്ച് അറിവില്ല.
നിലവില്‍ i20 എലൈറ്റിലും വെന്യുവിലും ലഭ്യമാവുന്ന 1.4 ലിറ്റര്‍ ടര്‍ബോചാര്‍ജിംഗ് ഡീസല്‍ എഞ്ചിനാവും ഇവയില്‍ ഉള്‍പ്പെടുത്തുകയെന്നും സൂചനകളുണ്ട്. ഹ്യുണ്ടായി ഗ്രാന്‍ഡ് i10, എക്‌സന്റ എന്നിവയിലുപയോഗിക്കുന്ന 1.2 ലിറ്റര്‍ മൂന്ന് സിലിണ്ടര്‍ ടര്‍ബോചാര്‍ജിംഗ് ഡീസല്‍ എഞ്ചിന്‍ കമ്പനി പരിഷ്‌കരിക്കാന്‍ സാധ്യതയേറെയാണ്.
ഇവയുടെ അടുത്ത തലമുറ മോഡലുകള്‍ കമ്പനി ഉടന്‍ വിപണിയിലെത്തിക്കുമെന്നുള്ളതും പ്രത്യേകം ശ്രദ്ധിക്കേണ്ടതാണ്. അടുത്ത തലമുറ ഗ്രാന്‍ഡ് i10 ഈ വര്‍ഷം അവസാനത്തോടെയും പുതിയ എക്‌സന്റ് അടുത്ത വര്‍ഷത്തോടെയുമായിരിക്കും വിപണിയിലെത്തുക.
Most Read: മോദിയുടെ യാത്ര ബോംബിട്ടാലും തകരാത്ത റേഞ്ച് റോവർ വോഗിൽ
മാരുതി സുസുക്കി കഴിഞ്ഞാല്‍ ഇന്ത്യയിലെ ഏറ്റവും വലിയ കാര്‍ നിര്‍മ്മാതാക്കളാണ് ഹ്യുണ്ടായി.
Most Read: കാര്‍ വാങ്ങാം ലളിതമായ രീതിയില്‍, പുതിയ ലീസ് സംവിധാനം അവതരിപ്പിച്ച് ഹ്യുണ്ടായി - വീഡിയോ
ബിഎസ് VI നിലവാരത്തില്‍ ഡീസല്‍ കാറുകള്‍ പരിഷ്‌കരിക്കുകയാണെങ്കില്‍ ഇത് വന്‍ ചിലവിന് വഴിവയ്ക്കുമെന്ന് മിക്ക കാര്‍ നിര്‍മ്മാതാക്കളും അറിയിച്ചിരുന്നു. ഇക്കാരണത്താലാണ് ഡീസല്‍ കാറുകളുടെ ഉത്പാദനം നിര്‍ത്തുന്നതായി മാരുതി സുസുക്കി പ്രഖ്യാപിച്ചത്.
Most Read: പുതുഭാവത്തില്‍ 2020 മഹീന്ദ്ര സ്കോര്‍പിയോ
ഇതെല്ലാം മറികടന്ന് പുതിയ ചട്ടങ്ങള്‍ക്കനുസരിച്ച് കാര്‍ നിര്‍മ്മിച്ചാലും വിപണിയിലെത്തുമ്പോള്‍ ഇവയ്ക്ക് നിലിവിലെ മോഡലിനെക്കാള്‍ ഉയര്‍ന്ന വിലയാവും ഉണ്ടാവുക. ഇത് ഉപഭോക്താക്കള്‍ ഏത് തരത്തിലാണ് സ്വീകരിക്കുകയെന്നും പ്രവചിക്കാനാവില്ല.
ടൊയോട്ട, ടാറ്റ മോട്ടോര്‍സ് തുടങ്ങി മഹീന്ദ്ര വരെയുള്ള കാര്‍ നിര്‍മ്മാതാക്കള്‍ തങ്ങളുടെ നിരയിലുള്ള താഴ്ന്ന ശ്രേണി ഡീസല്‍ കാറുകള്‍ നിര്‍ത്തുമെന്ന് പ്രഖ്യാപിച്ചിട്ടുണ്ട്. ഈ സാഹചര്യത്തില്‍ ഹ്യുണ്ടായി ഇപ്പോഴെടുത്ത തീരുമാനം ഉചിതമാണെന്ന് വേണം പറയാന്‍.
Source:NDTV
