Click it and Unblock the Notifications
നവംബറില് 100 യൂണിറ്റുകളുടെ വില്പ്പനയുമായി ഇസൂസു
2019 നവംബറില് 100 യൂണിറ്റുകളുടെ വില്പ്പനയുമായി ജാപ്പനീസ് വാഹന നിര്മ്മാതാക്കളായ ഇസൂസു. MU-X എസ്യുവിയുടെ 52 യൂണിറ്റും, V-ക്രോസ് പിക്കഅപ്പ് ട്രക്കിന്റെ 48 യൂണിറ്റുമാണ് നവംബറില് വിറ്റഴിച്ചത്.
ആഭ്യന്തര വിപണിയില് ടോയോട്ട ഫോര്ച്യൂണര്, ഫോര്ഡ് എന്ഡവര്, മഹീന്ദ്ര ആള്ട്യുറാസ് 4G എന്നിവരാണ് MU-X -ന്റെ എതിരാളികള്. 27.31 ലക്ഷം രൂപ മുതല് 29.27 ലക്ഷം രൂപ വരെയാണ് വാഹനത്തിന്റെ എക്സ്ഷോറും വില.
അതേസമയം 16.50 ലക്ഷം രൂപ മുതല് 19.99 ലക്ഷം രൂപ വരെയാണ് D-മാക്സ് V-ക്രോസിന്റെ വിപണിയിലെ വില. ഈ വര്ഷത്തിന്റെ തുടക്കത്തില് Z-പ്രസ്റ്റീജ് എന്നൊരു പതിപ്പിനെ കൂടി കമ്പനി വിപണിയില് അവതരിപ്പിച്ചിരുന്നു. കഴിഞ്ഞ മാസമാണ് പുതുതലമുറ D-മാക്സ് V-ക്രോസ് ആഗോളതലത്തില് അവതരിപ്പിച്ചത്.
നിലവില് ബിഎസ് VI മോഡലുകളെ അവതരിപ്പിക്കാനുള്ള ഒരുക്കത്തിലാണ് കമ്പനി. ഈ വര്ഷം അവസാനത്തോടെ ബിഎസ് IV ശ്രേണിയിലെ വാഹനങ്ങളുടെ വില്പ്പന അവസാനിപ്പിക്കുമെന്നും കമ്പനി അറിയിച്ചു. ബിഎസ് VI ശ്രേണിയിലെ വാഹനങ്ങള് വിപുലപ്പെടുത്താനാണ് കമ്പനി ശ്രമിക്കുന്നത്.
ഇതിന്റെ ഭാഗമായി തെരഞ്ഞെടുത്ത ബിഎസ് IV ശ്രേണിയിലെ മോഡലുകള്ക്ക് വന് ഓഫറുകളാണ് കമ്പനി പ്രഖ്യാപിച്ചിരിക്കുന്നത്. ഈ വര്ഷം അവസാനം വരെ ഓഫറുകള് ലഭ്യമാകുമെന്നും കമ്പനി അറിയിച്ചു. ബിഎസ് VI മോഡലുകള് വിപണിയില് എത്തുന്നതോടെ വിലയില് വര്ധനവ് ഉണ്ടാകുമെന്നും കമ്പനി അറിയിച്ചു.
ബിഎസ് VI മോഡലുകളായ D-മാക്സ് V-ക്രോസ്, MU-X എസ്യുവി മോഡലുകളുടെ വില 3 ലക്ഷം രൂപ മുതല് 4 ലക്ഷം രൂപ വരെ വര്ധിച്ചേക്കാം. വാണിജ്യ ശ്രേണിയിലെ മോഡലുകളായ D-മാക്സ് റെഗുലര് ക്യാബ്, D-മാക്സ് S-CAB എന്നീ മോഡലുകളുടെ വില 1 ലക്ഷം രൂപ മുതല് 1.5 ലക്ഷം രൂപ വരെയായി വര്ധിച്ചേക്കാമെന്നും റിപ്പോര്ട്ടില് പറയുന്നു.
ഇന്ത്യയില് വളരെയധികം ജനപ്രീതി ലഭിച്ച ആദ്യത്തെ പിക്ക്അപ്പ് ട്രക്കാണ് ഇസൂസു D-മാക്സ് V-ക്രോസ്. ഏതാനും മാസങ്ങള്ക്ക് മുമ്പ് ജൂണില് V-ക്രോസിന്റെ ഫെയ്സ്ലിഫ്റ്റ് മോഡലിനെ ഇസൂസു അവതരിപ്പിച്ചിരുന്നു. റഗുലര് കാബ്, സ്പേസ് കാബ്, ക്ര്യൂ കാബ് എന്നീ വകഭേദങ്ങളിലാണ് പുതിയ D-മാക്സിനുള്ളത്.
Most Read: അടിമുടി മാറ്റത്തോടെ ടാറ്റ ടിഗോര് ഫെയ്സ്ലിഫ്റ്റ്; സ്പൈ ചിത്രങ്ങള് പുറത്ത്
രൂപത്തിലും മറ്റും ഇതില്നിന്നും ചെറിയ ചില മാറ്റങ്ങളോടെയാണ് പുതിയ വാഹനത്തിന്റെ വരവ്. വലിയ ഗ്രില്, ബൈ-എല്ഇഡി ഹെഡ്ലാമ്പുകള്, വ്യത്യസ്തമായ ഇന്റഗ്രേറ്റഡ് ഡേ ടൈം റണ്ണിങ് ലാമ്പുകള്, എല്ഇഡി ടെയില് ലാമ്പ് എന്നിവയാണ് വാഹനത്തെ വ്യത്യസ്തനാക്കുന്നത്.
Most Read: സെഡാന് ശ്രേണി കൈയ്യടക്കി മാരുതി ഡിസയര്
18 ഇഞ്ച് മള്ട്ടി സ്പോക്ക് അലോയി വീല്, ബ്രൗണ് ആന്ഡ് ബ്ലാക്ക് ഡ്യുവല് ടോണ് ഇന്റീരിയര്, ത്രീ സ്പോക്ക് മള്ട്ടി ഫങ്ഷന് സ്റ്റിയറിങ് വീല്, ട്വിന് പോഡ് ഇന്സ്ട്രുമെന്റ് ക്ലസ്റ്റര്, ആന്ഡ്രോയ്ഡ് ഓട്ടോ-ആപ്പിള് കാര് പ്ലേ കണക്റ്റിവിറ്റിയുള്ള 9 ഇഞ്ച് ടച്ച് സ്ക്രീന് സിസ്റ്റം, എട്ട് തരത്തില് അഡ്ജസ്റ്റ് ചെയ്യാവുന്ന ഡ്രൈവര് സീറ്റ് എന്നിവയാണ് അകത്തളത്തിലെ സവിശേഷതകള്.
Most Read: എംജി ZS ഇവി ആദ്യ ഡ്രൈവ് റിവ്യു
150 bhp കരുത്തും 350 Nm torque ഉം നല്കുന്ന 1.9 ലിറ്റര് ഡീസല് എന്ജിനും 190 bhp കരുത്തും 450 Nm torque ഉം നല്കുന്ന 3.0 ലിറ്റര് ഡീസല് എന്ജിനുമാണ് D-മാക്സിന്റെ കരുത്ത്.
ആറ് സ്പീഡ് മാനുവല്, ആറ് സ്പീഡ് ഓട്ടോമാറ്റിക്കാണ് ഗിയര്ബോക്സ് ഓപ്ഷന്. നിലവില് 1.9 ലിറ്റര് D-മാക്സാണ് ഇന്ത്യയിലുള്ളത്. പുതുതലമുറ മോഡല് വൈകാതെ ഇന്ത്യയിലേക്കുമെത്തിയേക്കുമെന്നാണ് റിപ്പോര്ട്ട്.
Continue with Google