കിയ സെൽറ്റോസ് ഇലക്ട്രിക് 2020 -ൽ വിപണിയിലെത്തും

നിലവിൽ ഉപഭോക്താക്കൾക്ക് എസ്‌യുവിയിൽ തിരഞ്ഞെടുക്കാനായി ഒന്നിലധികം എഞ്ചിനുകളും ഗിയർബോക്‌സുകളും നിർമ്മാതാക്കൾ വാഗ്ദാനം ചെയ്യുന്നു.

2020 -ൽ സെൽറ്റോസിനെ കൂടുതൽ ആകർഷകമാക്കാൻ മറ്റൊരു പവർട്രെയിൻ സജ്ജമാക്കിയിരിക്കുകയാണ് കിയ. സെൽറ്റോസിന്റെ ഒരു ഇലക്ട്രിക് പതിപ്പ് പുറത്തിറക്കാനുള്ള ഒരുക്കങ്ങളിലാണ് കമ്പനി എന്നാണ് റിപ്പോർട്ടുകൾ വ്യക്തമാക്കുന്നത്.

കിയ സെൽറ്റോസ് ഇലക്ട്രിക്, ഇതിനകം തന്നെ ഇന്ത്യയിൽ വിൽപ്പനയ്‌ക്കെത്തുന്ന ഇലക്ട്രിക് എസ്‌യുവിയായ ഹ്യുണ്ടായി കോനയിൽ നിന്ന് പവർട്രെയിൻ കടമെടുക്കുമെന്നും റിപ്പോർട്ടിൽ പറയുന്നു.

ഹ്യുണ്ടായി കോനയ്ക്ക് 140 bhp, 204 bhp എന്നിങ്ങനെ രണ്ട് ഇലക്ട്രിക് പവർട്രെയിനുകൾ ലഭിക്കുന്നു എന്ന വസ്തുത കണക്കിലെടുക്കുമ്പോൾ, സെൽറ്റോസ് ഇലക്ട്രിക്കിൽ ഏതാണ് എത്തുന്നത് എന്നത് വ്യക്തമല്ല.

സെൽറ്റോസ് ഇലക്ട്രിക് ആദ്യം ദക്ഷിണ കൊറിയയിലെ കിയ മോട്ടോർസിന്റെ ജന്മദേശത്ത് വിൽപ്പനയ്‌ക്കെത്തും, തുടർന്ന് ഇന്ത്യയിൽ വിപണിയിലെത്തും. പെട്രോൾ, ഡീസൽ എഞ്ചിൻ സെൽറ്റോസ് എന്നിവ പുറത്തിറക്കിയപ്പോൾ കിയ സ്വീകരിച്ച അതേ സമീപനമാണിത്.

കിയ സെൽറ്റോസ് ഇലക്ട്രിക് 2020 ന്റെ രണ്ടാം പകുതിയിൽ ദക്ഷിണ കൊറിയൻ നിരതേതുകളിൽ എത്തുമെന്നാണ് പ്രതീക്ഷിക്കുന്നത്.

അടുത്ത വർഷം അവസാനമോ 2021 ന്റെ തുടക്കമോ ഇലക്ട്രിക് എസ്‌യുവി ഇന്ത്യയിലേക്ക് കൊണ്ടുവരാൻ സാധ്യതയുണ്ട്. രാജ്യത്ത് കിയ മോട്ടോർസ് മറ്റോരു മോഡൽ പുറത്തിറക്കുമെന്ന് സൂചിപ്പിച്ചു.

ഓരോ ആറുമാസത്തിലും ഇന്ത്യയിൽ പുതിയ ഉൽപ്പന്നം അവതരിപ്പിക്കുമെന്ന് നിർമ്മാതാക്കൾ അറിയിച്ചു. 2020 ന്റെ തുടക്കത്തിൽ കാർണിവൽ എം‌പി‌വി പുറത്തിറക്കും.

അതോടൊപ്പം നാലു മീറ്ററിൽ താഴെയുള്ള കോം‌പാക്റ്റ് എസ്‌യുവി 2020 മധ്യത്തോടെ അണിനിരക്കുമെന്ന വസ്തുത കണക്കിലെടുക്കുമ്പോൾ, 2021 ന്റെ തുടക്കത്തിൽ ഇലക്ട്രിക് സെൽറ്റോസ് അവതരിപ്പിക്കുന്നത് ഇപ്പോഴത്തെ മികച്ച നീക്കമാണെന്ന് തോന്നുന്നു.

ഹ്യുണ്ടായി കോന, പൂർണ്ണമായും CKD കിറ്റുകളായി എത്തി ഇന്ത്യയിൽ അസമ്പിൾ ചെയ്യുമ്പോൾ, ഇറക്കുമതി ചെയ്യാൻ സാധ്യതയുള്ള ഇലക്ട്രിക് പവർട്രെയിനൊഴികെ സെൽറ്റോസ് ഇലക്ട്രിക് പൂർണ്ണമായും ഇന്ത്യയിൽ നിർമ്മിക്കാൻ കഴിയും.

ഇത് കോനയേക്കാൾ സെൽറ്റോസ് ഇലക്ട്രിക് വിലകുറഞ്ഞതാക്കും, മാന്യമായ ഹൈവേ ശേഷിയുള്ള സിറ്റി എസ്‌യുവി തേടുന്നവർക്ക് ഇത് വളരെ ആകർഷകമാകും. വാഹനത്തിന് 400 കിലോമീറ്റർ മൈലേജാണ് കമ്പനി അവകാശപ്പെടുന്നത്.

Most Read: കാർണിവലിന്റെ ഔദ്യോഗിക ടീസർ പുറത്തുവിട്ട് കിയ

ഇലക്ട്രിക് വാഹനങ്ങൾ സാവധാനം എന്നാൽ സ്ഥിരതയോടെ ഇന്ത്യൻ കാർ വിപണിയിൽ മുഖ്യധാരയിലേക്ക് എത്താനു ള്ള വഴിയിലാണ്. നിലവിലെ കാലത്ത് മഹീന്ദ്രയുടെ E2O, e-വെരിറ്റോ എന്നിവ ഈ വിഭാഗത്തിന്റെ തുടക്കക്കാരായിരുന്നു.

Most Read: ടാറ്റ നെക്‌സോൺ ഇവിയുടെ ബുക്കിംഗ് ആരംഭിച്ചു

പിന്നീട് ഹ്യുണ്ടായി കോന വിപണിയിൽ എത്തി, ടാറ്റ ഇപ്പോൾ ടൈഗർ ഇവി സ്വകാര്യ ഉപഭോക്താക്കൾക്ക് വാഗ്ദാനം ചെയ്യുന്നു, കൂടാതെ എം‌ജി മോട്ടോർ ZS കോം‌പാക്റ്റ് എസ്‌യുവിക്കായി ബുക്കിംഗ് സ്വീകരിക്കാൻ തുടങ്ങി.

Most Read: പുതിയ പരിഷ്കാരങ്ങളോടെ 2020 നിസാൻ ലീഫ്

അടുത്ത വർഷം ടാറ്റ മോട്ടോർസ്, ദിവസങ്ങൾക്ക് മുമ്പ് പുറത്തിറക്കിയ നെക്‌സൺ ഇലക്ട്രിക് എസ്‌യുവി വിൽപ്പനയ്ക്ക് എത്തിക്കും. ഇലക്ട്രിക് വാഹന വിഭാഗത്തിലെ മത്സരം ചൂടുപിടിക്കുന്നു.