പുതിയ ഹോണ്ട സിറ്റി ഈ വര്‍ഷം

മുന്‍തലമുറയെപ്പോലെ പുത്തന്‍ ഹോണ്ട സിറ്റിയിലും 1.5 ലിറ്റര്‍ ശേഷിയുള്ള പെട്രോള്‍ എഞ്ചിന്‍ തന്നെ ആയിരിക്കും ഉണ്ടാവുകയെന്ന് കമ്പനി വ്യക്തമാക്കിയിട്ടുണ്ട്.

പുതിയ എഞ്ചിന് കൂടുതല്‍ കരുത്തും ചെറിയ തോതിലുള്ള ഹൈബ്രിഡ് സംവിധാനവും നല്‍കുമെന്നും ഹോണ്ട അറിയിച്ചിട്ടുണ്ട്.

ഹോണ്ട അക്കോര്‍ഡിലുള്ള പോലെ പൂര്‍ണ ഹൈബ്രിഡ് സംവിധാനമായിരിക്കില്ല സിറ്റിയിലുണ്ടാവുക, മറിച്ച് ചെലവ് കുറഞ്ഞ രീതിയിലുള്ള നേരിയ ഹൈബ്രിഡ് സംവിധാനമായിരിക്കുമിത്.

നിലവില്‍ ഹോണ്ടയുടെ ഹൈബ്രിഡ് കാറായ അക്കോര്‍ഡ് വിലയില്‍ അല്‍പ്പം മുന്‍പന്തിയിലായത് കൊണ്ട് തന്നെ സാധാരണക്കാരുടെ ബജറ്റിന് ഒതുങ്ങുന്നില്ലെന്ന പരാതിയാണ് ഉപഭോക്താക്കള്‍ക്കുള്ളത്.

Most Read:31 ലക്ഷം രൂപയ്ക്ക് ഫാന്‍സി നമ്പര്‍ സ്വന്തമാക്കി മലയാളി

മിനി ഹൈബ്രിഡ് സംവിധാനമുള്ള കമ്പനിയുടെ പുതിയ സെഡാനെത്തുമ്പോള്‍ ഉപഭോക്താക്കള്‍ക്കിടയില്‍ സ്വാധീനം വര്‍ധിപ്പിക്കാമെന്ന പ്രതീക്ഷയിലാണ് ഹോണ്ട.

ഇന്ധനശേഷിയുടെ കാര്യത്തില്‍ തന്റെ മുഖ്യ എതിരാളിയായ മാരുതി സുസുക്കി സിയാസിനോട് ഹോണ്ട സിറ്റി കിടപിടിക്കും.

അടുത്ത തലമുറ ഹോണ്ട സിറ്റിയിലേക്ക് വരുമ്പോള്‍ നിലവിലെ ഡീസല്‍ എഞ്ചിനില്‍ നിന്ന് ഏതെങ്കിലും തരത്തിലുള്ള മാറ്റങ്ങള്‍ ഉണ്ടാവുമോയെന്ന് അറിയില്ല.

BS IV നിര്‍ദ്ദേശങ്ങള്‍ക്കനുസരിച്ച് നിലവിലെ 1.5 ലിറ്റര്‍ ശേഷിയുള്ള എഞ്ചിന്‍ കമ്പനി പരിഷ്‌ക്കരിക്കുമെന്നുറപ്പാണ്.

1.0 ലിറ്റര്‍ ശേഷിയുള്ള ടര്‍ബോ ചാര്‍ജിംഗ് മൂന്ന് സിലിണ്ടര്‍ പെട്രോള്‍ എഞ്ചിനോടെയായിരിക്കും പുത്തന്‍ ഹോണ്ട സിറ്റി വരികയെന്നും റിപ്പോര്‍ട്ടുകളുണ്ട്.

രാജ്യാന്തര വിപണിയിറങ്ങുന്ന സിറ്റിയുടെ പുതിയ എഞ്ചിനില്‍ 200 nm torque ലഭിക്കുമെങ്കിലും ഇന്ത്യയിലെത്തുന്ന ഹോണ്ട സിറ്റിക്ക് ഇത് ലഭ്യമാവുകയില്ല.

Most Read:വില്‍പ്പനയില്‍ ടാറ്റയെ പിന്തള്ളി ഹോണ്ട, ഏറ്റവും മുന്നില്‍ മാരുതി

പഴയ മോഡലിനെക്കാളും വലിപ്പക്കൂടുതലും പുതിയ ഹോണ്ട സിറ്റിയ്ക്കുണ്ട്. പിറകിലെ പാസഞ്ചര്‍ ലെഗ്‌റൂം വലിപ്പം കൂടുമെന്നാണ് പ്രതീക്ഷ. നിലവിലെ ഹോണ്ട സിറ്റിയാണ് ശ്രേണിയിലെ ഏറ്റവും വലിയ വാഹനം. 2019 അവസാനത്തോടെ പുത്തന്‍ ഹോണ്ട സിറ്റി രാജ്യാന്തര വിപണിയിലെത്തുമെങ്കിലും ഇന്ത്യയില്‍ 2020 - ഓടെ മാത്രമെ എത്തുകയുള്ളൂ.

Source: Autocar India