Just In
- 1 hr ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 2 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 2 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 3 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Lifestyle ബ്രേക്ക്ഫാസ്റ്റിനെ കുറിച്ചോര്ത്ത് ടെന്ഷന് വേണ്ട; പത്തുമിനിട്ടില് കിടിലന് സേമിയ ഉപ്പുമാവ് ഉണ്ടാക്കാം
- Movies മമ്മൂട്ടിയുടെ ഈ ചിത്രം എനിക്ക് റീമേക്ക് ചെയ്യണം, അതിന് കുറച്ച് പ്രായമാകണം; നാനി പറയുന്നു
- Sports IPL 2024: തനി സ്വഭാവം കാട്ടി സഞ്ജു, ക്ഷമയില്ല! തട്ടകത്തില് നാണംകെട്ടു; രൂക്ഷ വിമര്ശനം
- News സിദ്ധാര്ത്ഥന്റെ മരണം: അന്വേഷണ കമ്മീഷനെ നിയോഗിച്ച് ഗവര്ണര്, മുന് ഹൈക്കോതി ജഡ്ജി അന്വേഷിക്കും
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ചെറുകാർ ബ്രാൻഡായ ഡാറ്റ്സനെ പിൻവലിക്കാൻ നീക്കവുമായി നിസ്സാൻ
ചെറുകാർ നിർമ്മാതാക്കളായ ഡാറ്റ്സന്റെ പ്രവർത്തനം അവതരിപ്പിക്കാൻ ഒരുങ്ങുകയാണ് നിസ്സാൻ മോട്ടോർ കമ്പനി. ആറ് വർഷങ്ങൾക്ക് മുമ്പ് ഇന്ത്യ, റഷ്യ, ഇന്തോനേഷ്യ, ദക്ഷിണാഫ്രിക്ക എന്നീ രാജ്യങ്ങൾക്കായി രൂപകൽപ്പന ചെയ്ത വിപണന ബ്രാൻഡായിരുന്നു നിസ്സാന്റെ കീഴിലുള്ള ഡാറ്റ്സൻ.
ജാപ്പനീസ് കാർ നിർമ്മാതാക്കളുടെ പ്രവർത്തനം 2022-ഓടെ പിൻവലിക്കാനാണ് കമ്പനി തയ്യാറെടുക്കുന്നത്. എൻട്രി ലെവൽ മാർക്കറ്റിൽ സേവനമനുഷ്ഠിക്കുകയെന്നതായിരുന്നു ഡാറ്റ്സനിലൂടെ നിസ്സാൻ നടപ്പിലാക്കിയ പദ്ധതി. തുടർന്നുള്ള വിഭാഗത്തിൽ നിസ്സാനും ആഢംബര വിഭാഗത്തിൽ ഇൻഫിനിറ്റിയും സേവനമനുഷ്ഠിക്കുന്നു.
ഡാറ്റ്സൻ പ്രവർത്തനം ആരംഭിച്ച ആദ്യത്തെ വിപണിയാണ് ഇന്ത്യ. കാർലോസ് ഘോസ്ൻ തന്നെ പുനരുജ്ജീവിപ്പിച്ച ബ്രാൻഡിന്റെ ആദ്യ മോഡൽ ഗോ ഹാച്ച്ബാക്കായിരുന്നു. പിന്നീട് ഗോ പ്ലസും റെഡി ഗോയും വിപണിയിലെത്തി. എന്നാൽ ഇന്ത്യയിലും മറ്റ് വിപണികളിലും ശ്രദ്ധേയമായ വിൽപ്പന നേടുന്നതിൽ ഡാറ്റ്സൻ പരാജയപ്പെട്ടു.
ഇന്ത്യയിൽ ജാപ്പനീസ് വാഹന നിർമാതാക്കളുടെ വിതരണ, വിൽപ്പന, സേവന പങ്കാളിയായ ഹോവർ ഓട്ടോമോട്ടീവ് ഇന്ത്യയും (HAI) നിസ്സാനും തമ്മിലുള്ള വേർപിരിയലോടെ ഗോ ഹാച്ച്ബാക്കിന്റെ വിൽപ്പനയെ ഒരു മോശം തുടക്കത്തിലേക്ക് തള്ളിവിട്ടു. ഇത് വിൽപ്പന ശൃംഖലയെ താറുമാറാക്കുകയും ചെയ്തു.
വിപണിയിലെത്തി മാസങ്ങൾക്ക് ശേഷം ഗ്ലോബൽ NCAP ടെസ്റ്റുകളിലെ മോശം പ്രകടനവും വാഹനത്തിന്റെ വിപണിയെ കാര്യമായി ബാധിച്ചു. ഡാറ്റ്സന്റെ രണ്ടാമത്തെ മോഡലായ റെഡി ഗോ പുറത്തിറക്കിയപ്പോഴും നിസ്സാന് വലിയ പ്രതീക്ഷകളുണ്ടായിരുന്നു. വിപണിയിൽ ഏറെ വിജയംനേടിയ ക്വിഡിന്റെ നേരിട്ടുള്ള എതിരാളിയായാണ് റെഡി ഗോയെ വിപണിയിലെത്തിച്ചത്.
എന്നാൽ രണ്ടാം മോഡലും കാര്യമായ സ്വാധീനം ചെലുത്തുന്നതിൽ പരാജയപ്പെട്ടു. റെഡി ഗോയെ മൂന്ന് മടങ്ങ് വിൽപ്പനയായിരുന്നു ക്വിഡ് നേടിയത്. ആഗോളതലത്തിൽ വാഹന വ്യവസായം നേരിടുന്ന ശക്തമായ വെല്ലുവിളികൾ ഇപ്പോൾ ഡാറ്റ്സൺ ബ്രാൻഡിന്റെ പ്രവർത്തനക്ഷമതയെ ബാധിച്ചു.
കൂടാതെ നിലവിൽ നിസ്സാന്റെ ലാഭത്തിലുണ്ടായ ഇടിവ്, യുഎസിലെയും യൂറോപ്പിലെയും ആഗോള വിൽപ്പനയിലെ സ്തംഭനാവസ്ഥ, ഏഷ്യയിലെ മാന്ദ്യം, കാർലോസ് ഘോസ്ൻ അഴിമതിയുടെ ആഘാതം, വൈദ്യുതീകരണത്തിലും സ്വയംഭരണത്തിലും നിക്ഷേപം നടത്തേണ്ടതിന്റെ ആവശ്യകത എന്നിവയെല്ലാം ഡാറ്റ്സനിന്റെ പ്രവർത്തനം നിർത്തലാക്കാൻ കാരണങ്ങളായേക്കാം.
Most Read: ബിഎസ്-VI അംഗീകാരം നേടി ഹോണ്ട സിറ്റി
ഈ വർഷം ജൂലൈയിൽ പുനസംഘടന പരിപാടിയിൽ നിസ്സാൻ അതിന്റെ ഉത്പാദന ശേഷിയും മോഡൽ ശ്രേണിയും കുറയ്ക്കുന്നതിനുള്ള പദ്ധതികൾ പ്രഖ്യാപിച്ചിരുന്നു. കൂടാതെ ഇന്ത്യയുൾപ്പെടെ 14 വിപണികളിലുടനീളം 12,500 തൊഴിലവസരങ്ങൾ കമ്പനി വെട്ടിക്കുറയ്ക്കുകയും ചെയ്തു.
Most Read: ഡ്രൈവിംഗ് ലൈസൻസിന് ഇനി പുതിയ യൂണിഫോം ഡിസൈൻ
2019 ഏപ്രിൽ മുതൽ ജൂൺ വരെയുള്ള കാലയളവിൽ നിസ്സാന്റെ അറ്റവരുമാനം പ്രതിവർഷം 94.5 ശതമാനമായി ഇടിഞ്ഞു. അതോടൊപ്പം നിരവധി പ്രധാന വിപണികളിലെ വിൽപ്പനയിലും കുറവുണ്ടായി.
അതിനാൽ യുഎസ്, ചൈന വിപണിയിൽ കൂടുതൽ ശ്രദ്ധ കേന്ദ്രീകരിക്കാനാണ് നിസ്സാൻ ലക്ഷ്യമിടുന്നത്. ഈ മാസം അവസാനം കമ്പനിയുടെ വിപുലമായ ആഗോള വളർച്ചാ പദ്ധതി ഔദ്യോഗികമായി വെളിപ്പെടുത്താൻ സാധ്യതയുണ്ട്. അതിൽ ഡാറ്റ്സൻ ബ്രാൻഡിനെ പിൻവലിക്കുന്ന പ്രഖ്യാപനവും ഉണ്ടായേക്കുമോ എന്നാണ് വാഹന ലോകം ഉറ്റുനോക്കുന്നത്.
എങ്കിലും ഒറ്റയടിക്ക് ഡാറ്റ്സന്റെ പ്രവർത്തനം നിർത്താതെ ഘട്ടം ഘട്ടമായി നടപ്പിലാക്കാനാണ് സാധ്യകൾ. അതിനാൽ 2022 വരെ അല്ലെങ്കിൽ 2023 ന്റെ തുടക്കം വരെ എൻട്രി ലെവൽ വാഹന നിർമ്മാതാക്കളുടെ സേവനം വിപണിയിൽ ഉണ്ടാകും. അതിനുശേഷം CMF-A പ്ലാറ്റ്ഫോമിലെ അടുത്ത തലമുറ ഉൽപ്പന്നങ്ങൾ നിസ്സാൻ ബാഡ്ജിലായിരിക്കും പുറത്തിറങ്ങുക.
റെഡി ഗോ ഒരു പ്രധാന ഫെയ്സ് ലിഫ്റ്റിന് വിധേയമായിക്കൊണ്ടിരിക്കുകയാണ്. 2020 മാർച്ചിൽ ബിഎസ്-VI കംപ്ലയിന്റ് എഞ്ചിൻ ഉപയോഗിച്ച് വിപണിയിലെത്തുമെന്ന് ഗ്ലോബൽ ഡാറ്റ്സൻ, ആഫ്രിക്ക, മിഡിൽ ഈസ്റ്റ്, ഇന്ത്യ (എംസി എഎംഐ) മാനേജ്മെന്റ് കമ്മിറ്റി ചെയർമാൻ പേമാൻ കാർഗർ ഔദ്യോഗികമായി അറിയിച്ചിട്ടുണ്ട്.