ക്വിഡിനെ അടിസ്ഥാനപ്പെടുത്തി പുതിയ റെനോ ട്രൈബർ, ആദ്യ വീഡിയോ പുറത്ത്

റെനോ ക്വിഡിന് അടിസ്ഥാനമായ CMF-A പ്ലാറ്റ്‌ഫോമിന്റെ പരികൃത രൂപമായിരിക്കും ട്രൈബര്‍ എംപിവിയുടെ അടിത്തറ. 1.0 ലിറ്റര്‍ ശേഷിയുള്ള മൂന്ന് സിലിണ്ടര്‍ SCe പെട്രോള്‍ എഞ്ചിനായിരിക്കും ട്രൈബറിന്റെ ഹൃദയം.

റെനോ ക്വിഡിലും ഡാറ്റ്‌സണ്‍ റെഡി-ഗൊയിലുമുള്ള സമാന എഞ്ചിന്‍ തന്നെയാണിത്. എന്നാല്‍, ഇവയിലെ എഞ്ചിനെക്കാളും 6.9 bhp കരുത്ത് പുതിയ റെനോ ട്രൈബറില്‍ പെട്രോള്‍ എഞ്ചിന്‍ കുറിക്കും.

അഞ്ച് സ്പീഡ് മാനുവല്‍ ഗിയര്‍ബോക്‌സായിരിക്കും റെനോ ട്രൈബറിലുണ്ടാവുകയെങ്കിലും, 2020 മധ്യത്തോടെ എംപിവിയില്‍ അഞ്ച് സ്പീഡ് ഓട്ടോമാറ്റിക്ക് ഗിയര്‍ബോക്‌സും 1.0 ലിറ്റര്‍ ടര്‍ബോചാര്‍ജിംഗ് എഞ്ചിനും അവതരിപ്പിക്കും.

കൂടാതെ ആന്‍ഡ്രോയിഡ് ഓട്ടോ & ആപ്പിള്‍ കാര്‍പ്ലേ എന്നിവയോട് കൂടിയ ടച്ച്‌സ്‌ക്രീന്‍ ഇന്‍ഫോടെയിന്‍മെന്റ് സംവിധാനം, പാസ്സിവ് കീലെസ്സ് എന്‍ട്രി സംവിധാനം, ഓട്ടോമാറ്റിക്ക് ക്ലൈമറ്റ് കണ്‍ട്രോള്‍, എഞ്ചിന്‍ സ്റ്റാര്‍ട്ട്-സ്‌റ്റോപ്പ് ബട്ടണ്‍ എന്നീ ഫീച്ചറുകളും എംപിവിയില്‍ ഒരുങ്ങും.

കൂടുതല്‍ ബൂട്ട് ശേഷി ലഭിക്കാന്‍ പിന്‍നിരയിലെ സീറ്റുകള്‍ ക്രമീകരിക്കാമെന്നതും എംപിവിയിലെ സവിശേഷമായ ഫീച്ചറാണ്. എംപിവിയെ കൂടുതല്‍ ആകര്‍ഷകമാക്കാന്‍ ഉയര്‍ന്ന വകഭേദങ്ങളില്‍ പ്രൊജക്ടര്‍ ഹെഡ്‌ലാമ്പുകളും എല്‍ഇഡി ഡേ ടൈം റണ്ണിംഗ് ലൈറ്റുകളും ഉള്‍പ്പെടുത്തിയിട്ടുണ്ട്.

Most Read: 1.70 ലക്ഷം രൂപയ്ക്ക് സുസുക്കി ജിക്‌സര്‍ 250 ഇന്ത്യയില്‍

വിപണിയില്‍ ക്വിഡിനും ഡസ്റ്ററിനും ഇടയിലായിരിക്കും പുതിയ ട്രൈബറിന്റെ സ്ഥാനം. ട്രൈബറിന്റെ വരവ് വില്‍പ്പനയില്‍ പ്രതിഫലിക്കുമെന്നാണ് റെനോയുടെ പ്രതീക്ഷ.

Most Read: സാമൂഹ്യവിരുദ്ധരുടെ അഴിഞ്ഞാട്ടം, ആസിഡ് ആക്രമണങ്ങൾക്ക് ഇരയായി കാറുകൾ

ക്വിഡിന്റെ ഫെയ്‌സ്‌ലിഫ്റ്റ് പതിപ്പും വിപണിയിലെത്തിക്കാനുള്ള തിരക്കുകളിലാണ് റെനോ. വരുന്ന ഉത്സവ സീസണില്‍ തന്നെ ക്വിഡ് ഫെയ്‌സ്‌ലിഫ്റ്റ് എത്തുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.

Most Read: ഓഫ്‌റോഡില്‍ കരുത്തുകാട്ടി മഹീന്ദ്ര XUV300 - വീഡിയോ

വിപണിയില്‍ ഏഴ് സീറ്റര്‍ മാരുതി വാഗണ്‍ആര്‍, ഡാറ്റ്‌സണ്‍ ഗൊ പ്ലസ് എന്നിവയോടായിരിക്കും ട്രൈബര്‍ മത്സരിക്കുക. 4.5 മുതല്‍ 7 ലക്ഷം രൂപ വരെയായിരിക്കും പുതിയ റെനോ ട്രൈബര്‍ എംപിവിയുടെ എക്‌സ്‌ഷോറൂം വില.

Source: Rushlane