H2X കൺസെപ്പ്റ്റിനെ 2020 ഓട്ടോ എക്സ്പോയിൽ അവതരിപ്പിക്കാനൊരുങ്ങി ടാറ്റ

എന്നാൽ അടുത്ത വർഷം ഫെബ്രുവരിയിൽ നടക്കാനിരിക്കുന്ന 2020 ഓട്ടോ എക്‌സ്‌പോയിൽ നാലു മീറ്ററിൽ താഴെയുള്ള എസ്‌യുവിയുടെ പ്രൊഡക്ഷൻ പതിപ്പ് പ്രദർശിപ്പിക്കുമെന്ന് പ്രതീക്ഷിക്കാം.

വരാനിരിക്കുന്ന പ്രീമിയം ഹാച്ച്ബാക്ക് ആൽട്രോസിനെ ഒരുക്കുന്ന അതേ ആൽഫ പ്ലാറ്റ്ഫോമിലാണ് H2X നിർമ്മിക്കുക. വലുപ്പത്തിന്റെ കാര്യത്തിൽ, വാഹനത്തിന് 3,840 mm നീളവും 1,635 mm ഉയരവും 2,450 mm നീളമുള്ള വീൽബേസും ഉണ്ടായിരിക്കും.

വിപി ഗ്ലോബൽ ഡിസൈൻ പ്രതാപ് ബോസിന്റെ അഭിപ്രായത്തിൽ ജനീവ മോട്ടോർ ഷോയിൽ ടാറ്റ മോട്ടോർസ് അവതരിപ്പിച്ച വാഹനം, ഉൽ‌പാദനത്തിന് തയ്യാറായ പതിപ്പ് എങ്ങനെയായിരിക്കുമെന്നതിന്റെ 70-80 ശതമാനം സാമ്യമുള്ളതാണ്.

ജനീവ മോട്ടോർ ഷോയിൽ പ്രദർശിപ്പിച്ച H2X കൺസെപ്റ്റിന്റെ വലിയ സഹോദരൻ ടാറ്റ ഹാരിയറിന് സമാനമായ അതേ സ്പ്ലിറ്റ്-ഹെഡ്‌ലാമ്പ് ഡിസൈൻ അവതരിപ്പിക്കുന്നു. കൂറ്റൻ അലോയ് വീലുകളും കൂറ്റൻ ഫെൻഡർ ഫ്ളേറുകളും പനോരമിക് സൺറൂഫും ഈ കൺസെപ്പ്റ്റിൽ ഉൾപ്പെടുത്തിയിട്ടുണ്ട്.

ഈ സവിശേഷതകൾ തീർച്ചയായും കാറിന്റെ ഉൽ‌പാദന പതിപ്പിലേക്ക് എത്തിയെന്ന് വരില്ല, എന്നിരുന്നാലും, വാഹനത്തിന്റെ അളവുകളും മൊത്തത്തിലുള്ള രൂപകൽപ്പനയും പ്രധാനമായും ആശയത്തിന് സമാനമാണെന്ന് അവകാശപ്പെടുന്നു.

അകത്തളത്തിലും, കാർ അതിന്റെ കൺസെപ്പ്റ്റ് പോലെ മൊത്തത്തിലുള്ള മിനിമലിസ്റ്റിക് തീം പിന്തുടരും. ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റത്തിന് പുറമെ ഒരു ഡിജിറ്റൽ ഇൻസ്ട്രുമെന്റ് ക്ലസ്റ്ററും ഉൽ‌പാദനത്തിന് തയ്യാറായ പതിപ്പിൽ ഇടം പിടിച്ചേക്കാം.

Most Read: ഒക്ടോബറിൽ 10,634 യൂണിറ്റ് വിൽപ്പനയുമായി മാരുതി എസ്-പ്രെസ്സോ

ടാറ്റ മോട്ടോർസ് H2X -ന് ഡീസൽ പതിപ്പ് നൽകില്ല. അതിനാൽ, ടിയാഗോയുടെ 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിനിന്റെ ബിഎസ് VI പതിപ്പ് മാത്രമേ ഇത് വാഗ്ദാനം ചെയ്യുകയുള്ളൂ. 84 bhp കരുത്തും 114 Nm torque ഉം എഞ്ചിൻ ഉത്പാദിപ്പിക്കുന്നു.

Most Read: മാന്ദ്യത്തില്‍ തളരാതെ വെന്യു; വാരിക്കൂട്ടിയത് 80,000 -ല്‍ അധികം ബുക്കിങുകള്‍

ഹോൺബില്ല് എന്ന് ടാറ്റ വിളിക്കുന്ന H2X ന് ആരംഭ എക്സ്-ഷോറൂം വില അഞ്ച് ലക്ഷം രൂപയായിരിക്കുമെന്ന് പ്രതീക്ഷിക്കുന്നു. അടുത്ത വർഷം വിപണിയിലെത്തുമ്പോൾ ചെറുകിട എസ്‌യുവിയ്ക്ക് ഇന്ത്യൻ വിപണിയിൽ നേരിട്ടുള്ള എതിരാളികളില്ല.

Most Read: ലിഥിയം അര്‍ബന്‍ ടെക്‌നോളജിയില്‍ നിന്ന് ടാറ്റയ്ക്ക് ലഭിച്ചത് 500 ഇലക്ട്രിക്ക് കാറുകളുടെ ഓര്‍ഡര്‍

എന്നാൽ മാരുതി സുസുക്കി എസ്-പ്രെസ്സോ, മഹീന്ദ്ര KUV100 എന്നിവയുൾപ്പെടെ ഈ വില പരിധിയിൽ മറ്റ് ഉയരമുള്ള കാറുകളിൽ നിന്ന് തീർച്ചയായും ചില മത്സരങ്ങൾ വാഹനത്തിന് നേരിടേണ്ടിവരും.