Click it and Unblock the Notifications
തിരുവനന്തപുരത്ത് പുതിയ നെക്സ്റ്റ് ഫെസിലിറ്റി ആരംഭിച്ച് ബിഎംഡബ്ല്യു
ബിഎംഡബ്ല്യു ഗ്രൂപ്പ് ഇന്ത്യ സംസ്ഥാനത്തിന്റെ തലസ്ഥാനമായ തിരുവനന്തപുരത്ത് നെക്സ്റ്റ് ബിഎംഡബ്ല്യു ഫെസിലിറ്റി ആരംഭിച്ചു.
വഞ്ചിയൂരിൽ സ്ഥിതിചെയ്യുന്ന പുതിയ വിൽപ്പന കേന്ദ്രം ബിഎംഡബ്ല്യു കാറുകളുടെയും ബിഎംഡബ്ല്യു മോട്ടോർറാഡ് മോട്ടോർസൈക്കിളുകളുടെയും പ്രത്യേക ശ്രേണി പ്രദർശിപ്പിക്കുന്നു, അതേസമയം സർവ്വീസ് സൗകര്യം കൊച്ചുവേളിയിലാണ്.
മൊത്തം 14,000 ചതുരശ്രയടി വിസ്തീർണത്തിൽ അഞ്ച് ബിഎംഡബ്ല്യു കാറുകൾ പ്രദർശിപ്പിക്കാനുള്ള ശേഷിയുള്ള ഷോറൂം, ബിഎംഡബ്ല്യു പ്രീമിയം സെലക്ഷൻനായി (സെക്കൻഡ് ഹാൻഡ്) മൂന്ന് കാർ ഡിസ്പ്ലേയും സാധ്യമാക്കുന്നു.
ബിഎംഡബ്ല്യു ഉൽപ്പന്ന ശ്രേണിയിലെ ഏറ്റവും പുതിയ അപ്ഡേറ്റുകൾ ഉപഭോക്താക്കളിലേക്ക് മുഖാമുഖം എത്തിക്കുന്നതിന് ‘വെർച്വൽ റിയാലിറ്റി' ഫീച്ചർ ചെയ്യുന്ന ഒരു ‘എക്സ്പീരിയൻസ് സോൺ' ഇതിനൊപ്പം സജ്ജീകരിച്ചിരിക്കുന്നു.
ഏറ്റവും പുതിയ ലൈഫ്സ്റ്റൈൽ ആക്സസറീസ് ശേഖരണവും ഇതിനൊപ്പമുണ്ട്. കൂടാതെ ബിഎംഡബ്ല്യു മോട്ടോർറാഡ് വിഭാഗത്തിന് ആറ് മോട്ടോർസൈക്കിളുകൾ പ്രത്യേകമായി പ്രദർശിപ്പിക്കാൻ കഴിയും.
ഉപഭോക്താക്കൾക്ക് ഒരു കപ്പ് മികച്ച കോഫി ആസ്വദിക്കാനും സെയിൽസ് എക്സിക്യൂട്ടീവുകളുമായി ഒരു ബിഎംഡബ്ല്യു വാഹനം സ്വന്തമാക്കുന്നതിന്റെ വിവിധ വശങ്ങൾ ചർച്ചചെയ്യാനും ഈ സൗകര്യം സഹായിക്കുന്നു.
21,000 ചതുരശ്രയടി വിസ്തീർണ്ണമുള്ള അത്യാധുനിക വർക്ക്ഷോപ്പിൽ അഞ്ച് മെക്കാനിക്കൽ സർവീസ് ബേകളും നാല് പെയിന്റ്, ബോഡി ഷോപ്പ് ബേകളും ഉൾപ്പെടുന്നു.
ഏറ്റവും പുതിയ ഉപകരണങ്ങൾ, ബിഎംഡബ്ല്യു ലൈഫ്സ്റ്റൈൽ, ആക്സസറികൾ എന്നിവയുമായി ഇത് സജ്ജമാണ്.
നിലവിലെ സാഹചര്യം കണക്കിലെടുക്കുമ്പോൾ, ഷോറൂമും വർക്ക്ഷോപ്പും അതിന്റെ പരിസരം, വർക്ക്ഷോപ്പ് ഉപകരണങ്ങൾ എന്നിവയുടെ സമഗ്രമായ ശുചിത്വ പ്രക്രിയ കമ്പനി പിന്തുടരുന്നു.
Continue with Google