Click it and Unblock the Notifications
ഹ്യുണ്ടായി ട്യൂസൺ ഫെയ്സ്ലിഫ്റ്റ് ജൂലൈ 14 -ന് വിപണിയിലെത്തും
ഓട്ടോ എക്സ്പോ 2020 -ൽ ട്യൂസൺ ഫെയ്സ്ലിഫ്റ്റ് ഹ്യുണ്ടായി പ്രദർശിപ്പിച്ചിരുന്നു. ഡീസൽ വേരിയന്റുകൾക്കായി പുതിയ ഓട്ടോമാറ്റിക് ട്രാൻസ്മിഷനോടൊപ്പം അപ്ഡേറ്റുചെയ്ത എസ്യുവിക്ക് കുറച്ച് സൗന്ദര്യവർദ്ധക മാറ്റങ്ങളും ലഭിക്കുന്നു.
ഫെയ്സ്ലിഫ്റ്റഡ് എസ്യുവി ജൂലൈ 14 -ന് ഇന്ത്യൻ വിപണിയിൽ അവതരിപ്പിക്കുമെന്ന് ഔദ്യോഗിക വൃത്തങ്ങൾ സ്ഥിരീകരിച്ചു. ബിഎസ് VI കംപ്ലയിന്റ് 2.0 ലിറ്റർ പെട്രോൾ, ഡീസൽ എഞ്ചിനുകളാണ് വാഹനത്തിന്റെ കരുത്ത്.
പെട്രോൾ എഞ്ചിൻ ആറ് സ്പീഡ് ഓട്ടോമാറ്റിക്ക് ഗിയർബോക്സിലേക്ക് ജോടിയാക്കുമ്പോൾ, ഡീസൽ യൂണിറ്റ് പ്രീ-ഫെയ്സ്ലിഫ്റ്റ് മോഡലിൽ വരുന്ന ആറ് സ്പീഡ് ഓട്ടോമാറ്റിക്ക് ഗിയർബോക്സിനു പകരം പുതിയ എട്ട് സ്പീഡ് ഓട്ടോമാറ്റിക് ട്രാൻസ്മിഷൻ ഓപ്ഷൻ നേടുന്നു.
MOST READ: ഇനി വയർലെസ് മൊബൈൽ ചാർജറും, വിറ്റാര ബ്രെസയ്ക്ക് പുത്തൻ ആക്സസറികളുമായി മാരുതി
പെട്രോൾ എഞ്ചിൻ 152 bhp കരുത്ത് നിർമ്മിക്കുമെന്നാണ് പ്രതീക്ഷിക്കുന്നത്, ഡീസൽ യൂണിറ്റ് 185 bhp കരുത്ത് പുറപ്പെടുവിക്കും.
മുമ്പത്തേതിനേക്കാൾ അൽപം വലുപ്പമുള്ള ഹ്യുണ്ടായിയുടെ സിഗ്നേച്ചർ കാസ്കേഡിംഗ് ഗ്രില്ലിന്റെ ഏറ്റവും പുതിയ പതിപ്പ് ഫെയ്സ്ലിഫ്റ്റഡ് ട്യൂസണിന് ലഭിക്കുന്നത്.
MOST READ: ആറ്റം ക്വാഡ്രിസൈക്കിൾ; ഫീച്ചറുകൾ വെളിപ്പെടുത്തുന്ന ടീസർ വീഡിയോ പുറത്തുവിട്ട് മഹീന്ദ്ര
പുതിയ പരിഷ്കരിച്ച അലോയി വീലുകൾ, എൽഇഡി ഡിആർഎല്ലുകളുള്ള പൂർണ്ണ എൽഇഡി ഹെഡ്ലാമ്പുകൾ, ടെയിൽ ലാമ്പുകളിലെ എൽഇഡി ഘടകങ്ങൾ, മഴ സെൻസിംഗ് വൈപ്പർ എന്നിവ ഉൾപ്പെടുന്നു. മെലിഞ്ഞ ലൈസൻസ് പ്ലേറ്റ് ഹൗസിംഗ്, ബമ്പർ എന്നിവ ഉൾക്കൊള്ളുന്ന പിൻ പ്രൊഫൈലും ഹ്യുണ്ടായി നേരിയ രീതിയിൽ പരിഷ്കരിച്ചു.
പുനർരൂപകൽപ്പന ചെയ്ത ഡാഷ്ബോർഡിന്റെ ഭാഗമായി അപ്ഡേറ്റുചെയ്ത എസ്യുവിയിൽ ഒരു പുതിയ ഇൻസ്ട്രുമെന്റ് ക്ലസ്റ്ററും ഫ്രീ ഫ്ലോട്ടിംഗ് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും ഉൾപ്പെടുന്നു.
MOST READ: പുതിയ e-ട്രോൺ S, e-ട്രോൺ S സ്പോർട്ബാക്ക് പതിപ്പുകൾ അവതരിപ്പിച്ച് ഔഡി
അപ്ഡേറ്റിനൊപ്പം, റിമോർട്ട് എഞ്ചിൻ സ്റ്റാർട്ട്-സ്റ്റോപ്പ്, ക്യാബിൻ പ്രീ-കൂൾ തുടങ്ങിയ സവിശേഷതകൾ വാഗ്ദാനം ചെയ്യുന്ന ഹ്യൂണ്ടായിയുടെ ഏറ്റവും പുതിയ കണക്റ്റഡ് കാർ സാങ്കേതികവിദ്യയെയും ട്യൂസൺ പിന്തുണയ്ക്കും.
വയർലെസ് ചാർജിംഗ്, പനോരമിക് സൺറൂഫ്, ഇലക്ട്രിക് പാർക്കിംഗ് ബ്രേക്ക് എന്നിവയുൾപ്പെടെ നിലവിലുള്ള സവിശേഷതകൾ ഫെയ്സ്ലിഫ്റ്റഡ് ട്യൂസണിൽ തുടരും.
MOST READ: താരപദവി വീണ്ടെടുത്ത് ഹ്യുണ്ടായി ക്രെറ്റ, ജൂണിലെ വിൽപ്പനയിലും സെൽറ്റോസിനെ മറികടന്നു
18.76 ലക്ഷം മുതൽ 26.97 ലക്ഷം വരെ എക്സ്-ഷോറൂം വിലയ്ക്ക് എത്തുന്ന പ്രീ-ഫെയ്സ്ലിഫ്റ്റ് ബിഎസ് IV മോഡലിനേക്കാൾ ഉയർന്ന വില പ്രതീക്ഷിക്കുന്നു. സ്കോഡ കരോക്ക്, ജീപ്പ് കോമ്പസ്, ഹോണ്ട CR-V, വരാനിരിക്കുന്ന 2021 ഫോക്സ്വാഗണ് ടിഗ്വാൻ, സിട്രൺ C5 എയർക്രോസ് എന്നിവയുമായി ഇത് മത്സരിക്കും.
Continue with Google